Қылмыстық құқық түсінігі сабақ жоспары 9 сыныпқа

Ақтау қаласы «№ 3 орта мектебі» КММ тарих пәні мұғалімі Асанова Рахия

Сабақтың тақырыбы: Қылмыстық құқықтың негізгі ұғымдары. 9 сынып

Сабақтың мақсаты:

Білімділік: оқушылардың қылмыс, қылмыстың қоғамға қауіпті әрекет екені, кәмелетке толмағандардың қылмысы, қылмыстық жауапкершілік, жаза және оның түрлері, кінәні жеңілдететін және ауырлататын жағдайлар туралы білімдерін қалыптастыру;

Дамытушылық : негізгі деректермен жұмыс, оқушылардың өзіне қажетті ақпараттар алу машығын қалыптастыру және талдау жасап, қорытынды жасауға үйрету;

Тәрбиелік: оқушылардың құқықтық – саяси сауаттылығын көтеру мен құқықтық білімділікке, заңды құрметтеуге және аңдылықты сақтай білуге тәрбиелеу.

І. Үй тапсырмасын сұрау.

Еңбек қатынастарын қандай нормативті актілер реттейді?

Ерікті еңбек құқығы деп нені айтамыз?

Еңбек шарты (контракт) деген не?

Еңбек шарты нені қамтиды?

Ұжымдық шарт деген не?

Еңбекақы деген не?

Еңбек шартын жасасуға берілетін жас мөлшері неше жас?

Кәмелетке толмағандар үшін жұмыс уақыты қанша?

Демалыс уақыты деген не?

Жұмыссыздық деп неге айтамыз?

Заң бойынша демалыс уақыты ол?

Еңбек заңнамасына сәйкес жұмыс уақтының ұзақтығы аптасына қанша сағат?

Еңбек кітапшасы деген не?

Еңбек өтілі (стаж) деген не?

Еңбекке бостандықтың мәні?

Жауаптары

Еңбек қатынастары – Еңбек кодексі және Қазақстан Республикасының өзге де заңдары негізінде реттеледі.

Ерікті еңбек – еңбекке қабілеті бар адамның өзіне ұнаған кәсіппен айналысып, өмір сүруге қажетті табыс табу құқығын айтамыз.

Еңбек шарты – қызметкерлер мен жұмыс берушінің арасында заңнамаға сәйкес жазбаша түрде жасалатын келісім.

Контракт – онда тараптардың құқықтары мен міндеттері толық қарастырылған белгілі бір мерзімге жасалған жеке еңбек шартына айтамыз.

Ұжымдық шарт – ұйымдағы әлеуметтік еңбек қатынастарын реттейтін, қызметкерлер ұжымы мен жұмыс берушінің арасындағы жазбаша келісім

Еңбекақы – еңбек қызметіне сәйкес қызметкер атқаратын жұмыс үшін – төлем.

Жас мөлшері – 16 жасқа толған азаматтармен еңбек шартын жасауға жол беріледі.

Кәмелетке толмағандар үшін жұмыс уақыты 14 жастан 16 жасқа дейінгі жұмысшылар үшін аптасына 24 сағат, ал 16 жастан 18 жасқа дейін жұмыс уақыты аптасына 36 сағаттан аспауы тиіс. Олар түнгі жұмысқа жіберілмейді.