Қыс қызығы бойынша ашық сабақ, мектепке дейінгі топ

Күні: 20.01.2020

Білім беру саласы: Қатынас

Ұйымдастырылған оқу іс әрекетінің түрі: Сөйлеуді дамыту

Тақырыбы: "Қыс қызығы" (сурет бойынша әңгімелеу)

Мақсаты: А) балаларды сурет бойынша әңгіме құруға үйретуді жалғастыру, балаларды анықтауыш синонимдерін жинатуға жаттықтыру.

Ә) ойлау қабілеттерін дамыту.

Б) ұйымшылдыққа,достыққа тәрбиелеу.

Қолданылатын көрнекі құралдар:тіл дамыту дәптері.

Оқу іс -әрекетінің кезеңдері

Тәрбиешінің іс -әрекеті

Баланың іс- әрекеті.

Мотивациялық -қозғаушылық

Жұмбақ шешкізу:

Қоймасын қыс ақтарып,

Жерді жапты ақ мамық.

Ол не,балалар?

Ендеше қар қай мезгілде жауады?

Жұмбақтың жауабы:қар

Қазір қыс мезгілі.

Қыс мезгілінде қар жауады. Қар жапалақтап жауады. Қардың түсі ақ болады.

Ұйымдастырушылық- ізденістік

Ақшақар өлеңін оқу.

Далада қар борайды.

Ақ мамыққа орайды.

Мұз болады,қатады.

Жып жылтыр боп қатады.

Балалар,қар қандай болады?

Балалар,аязды күні қарды басып жүрсең,қандай дыбыс шығады?

Қыста қандай ойындар ойналады?

Иә,тағы қандай қысқы ойындарды білесіңдер?

Балалар қар күн жылынып кетсе,не істейді?

Еріген қар күн суытса неге айналады?

«М», «Н» дыбыстарына жаттығу орындату.

М-м-м-мұз

ма-ма-ма-марал

На-на-на-нан

Н-н-н-нар

«М», «Н» дыбыстарының дауыссыз дыбыс екенін айтып өту.

Сергіту жаттығуы

Ал,балалар,келіңдер

Бой жазайық бәріміз

Мойнымызды бұрамыз

Қолымызды созамыз

Аяқтармен топ топ басып

Орнымызға барамыз

Дәптермен жұмыс: тіл дамыту дәптеріндегі тапсырманы орындау.

Тақпақты мұқият тыңдайды.

Қар аппақ,ұлпа,жұп жұмсақ,мамықтай ұлпа болады.

Сықыр сықыр,сықыр сықыр.

Қарды домалатып,аққала жасауға болады. Қарды домалатып ойнауға болады.

Шанамен сырғанау,коньки тебу,шаңғы тебу.

Дыбыстарды анық айтуға тырысу.

Сергіту сәтін өлең шумағының ырғағымен қимыл қозғалыс арқылы орындау.

Суретті аяқтап бояп,әңгімелейдә.

Рефлексиялық -түзетушілік

Балаларды соңынан оқу іс әрекетке белсенділік танытқаны үшін мақтап, мадақтау.

Балалар қуанышты сезімде болады.

Күтілетін нәтиже:

Біледі: бірінің сөзін бірі тыңдай білу;

Игереді: бояуды игереді;

Меңгереді: әңгімелей білуді.