Қыс қызығына арналған спорттық сайыс сценарийі

Тақырыбы: «Қыс қызықтары»

Мақсаты:Балалармен бірге қысқы ойын-сауық атауларын бекіту;қимыл-қозғалыстарын дамыту;тәрбиешінің дабылы бойынша дұрыс қимылдай білу;ойын-сауыққа қатысуға деген ынта-ықыласын ,қызығушылығын ояту.

Көрнекілігі:шана,шаңғы,таяқтар,жалаушалар,жасанды қар,шығыршықтар.

Ойын-сауық барысы:

Жүргізуші:Сәлеметсіздер ме ,балалар!

Әлібек:Аппақ көше бар дала,

Аппақ ой мен қыраттар.

Ақ шатырлы бар дала.

Ақ жамылып тұр бақтар.

Жасыл емес жайнаған.

Ақ мамық қар айналам.

Сырғанақты ойнайсың ,

Қызыққа енді тоймайсың.

Қыс келіп тұр ,балақай!

Жүргізуші:Міне балалар, қыс та келді.Бірақ қыстың өзі көрінбейді ғой.Кәне ,орманға барып қысты іздеп келейік.

Бірақ,алдымен сұраққа жауап берейік.

Қыста қандай өзгерістер болады? (балалардың жауаптары)

Осы кезде Мыстан кемпір келеді.

Мыстан:Бұл кімдер менің орман патшалығыма келген?Мен ешкімді шақырған жоқпын,кетіңдер.

Жүргізуші:Ашуланбаңыз әжетай.Біз орманға қысты іздеп келдік.Сіз қысты көрдіңіз бе?

Адия -Мыстан:Кімді?Қысты?Ол мен ғой ,қыс.Не ұқсамаймын ба?Әдемімін бе?

Жүргізуші:Сіз өтірік айтасыз,сіз мыстан кемпірсің ғой.Сіз бізге көмектесесіз бе,қысты табуға?

Адия-Мыстан:Жарайды.Алдымен тақпақтар айтып беріңдер.Білесіңдер ме?

Балалардың тақпақтары:

1-бала.Жапалақтап ала қар,

Жауды күнде қайталап.

2-балаҚырға шықты балалар,

Шаңғыларын арқалап.

3-балаЖұлдыз болып ағамыз,

Ақ мамықтың үстімен.

4-бала.Біз спортшы боламыз,

Үлгі аламыз күштіден.

5-бала.Қуаныштың бүгінгі,

Басылмайды ыстығы.

6-бала.Жылдамырақ жүруді,

Үйретеді қыс күні.

Адия-Мыстан:Енді менімен бірге ойындар ойнайсыңдар!

Жүргізуші:Әрине.

1-ші ойын: «Аққала құрастыр»

Ойынның шарты:

Үш бөлікке бөлінген дөңгелекті ретімен орналастыру.

2-ші ойын: «Мұрынды аққалаға тос»

Ойынның шарты:

Балалар қолдарын артқа тығып,аққалаға мұрындарын тосады.

3-ші ойын: «Қолғап сыңарын тап»

Ойынның шарты:

Жүргізуші:Әртүрлі қолғаптар ішінен сыңарын табу.Кім бірінші табады,сол бала тапқыр бала атағына ие болады.

Енді бізге жолды көрсетесіз бе?

Адия-Мыстан:Жарайсыңдар ,балалар!Міне мына жолмен барасыңдар да,Қысты кездестіресіңдер.Сау болыңдар,адасып қалмаңдар.

Жүргізуші:Балалар кәне ,ән салайық!Сол кезде алдымыздан Қыс шығады.

Дархан-Қыс:Далада қар борайды,

Ақ мамыққа орайды.

Мұз болады қатады,

Жып-жылтыр боп жатады.

Аралайды бақшаны ,

Үзілмейді жақсы әні.

Гүлденеді бақшалар,

Жауса жаусын ақша қар.

Қыс жұмбақ жасырады:

Жалт –жұлт етеді,

Ұстасаң еріп кетеді. Мұз.

Тікен –тікен тік пісте,

Қысы –жазы бір түсте. Шырша.

Күміс тұяқ тұлпарды,

Ерттеп міндім тай қылып. Шана.

Қыста айна,

Көктемде су. Мұз.

Дархан-Қыс: Жарайсыңдар , балалар!Сендер ойнауға дайынсыңдар ма?