Қыс қызығына саяхат тәрбие сағаты мектепке дейінгі балаларға

Қыс қызығына саяхат

(Ертегі музыкасы ойналады ) Сахнада әтештің үйшігі тұр. Әтеш үйден шығып, ку-ка-ре-ку деп айқайлайды. Түлкі: (жүгіріп шығып):

Алтын айдар көкешім, Оятшы мені әтешім. Ертең ерте тұрайық, Жылды қарсы алайық. Әтеш: Ку-ка-ре-ку! Жарайды оятамын.

(Түлкі шырша артына жүгіріп кетеді.) Аю: Алтын айдар көкешім,

Оятшы мені әтешім. Ертең ерте тұрайық, Жылды қарсы алайық Әтеш: Ку-ка-ре-ку! Жарайды оятамын.

(Секіріп қоян шығады) Қоян: Алтын айдар көкешім,

Оятшы мені әтешім. Ертең ерте тұрайық, Жылды қарсы алайық. Әтеш: Ку-ка-ре-ку! Жарайды, жарайды оятамын. (Аңдар шырша түбіне отырады. Залда жарық өшіріледі. Жай, баяу әуен ойналады.Әуен аяқталған кезде жарық жанады және әтештің дауысы шығады) Әтеш: Ку-ка-ре-ку!

Тұрыңдар, тұрыңдар, Жылды қарсы алыңдар (Барлық аңдар шеңберге тұрып): Келді тағы Жаңа Жыл Қуантумен біздерді. Құтты болсын қуаныш, Құттықтаймыз сіздерді. Ертегі сөзі қосылады. (Музыка ойналып, балалар ортаға шығады) Жүргізуші: Жаңа жылдың таңы неткен арайлы Ақ мамыққа бөлеп алды маңайды Жаңа жылмен құттықтаймын деген үн Ән қанатпен кең алқапқа тарайды Жүргізуші: Балалар, қараңыздаршы, шыршамыз қандай әдемі, бірақ оның шамдары жанбай тұр. Бәріміз бірге «Шырша шамы жан» деп айтайық. (Бәрі бірге айтады, шырша шамы жанбайды) Жүргізуші: Ой-ой, жанбады-ау, енді қайттік-а, қанекей аяғымызды топылдатайықшы. (Балалар аяқтарын топылдатады, шырша шамы жанады. «Алақай» деп қуанып қол шапалақтайды) Жүргізуші: Қандай керемет. Осы шыршаға арнап, шыршаны айналып әсем ән шырқап берейікші.

Ән «Жаңа жыл» Түлкі: Балалармен бірге ойын ойнағым келеді. Жүргізуші: Балалар, түлкімен ойын ойнаймыз ба? Олай болса, музыка басталған кезде екі бала ортадағы бүршікті жинап, себетке салады.

«Бүршікті кім тез жинайды?» ойыны Ішке Ақшақар кіреді. Ақшақар: Сәлеметсіздер ме, балалар. Балалар: Сәлеметсіз бе, Ақшақар Ақшақар: Достарыма баптап, Мен айтайын тақпақ, Жаңа жылдың жаршысы – Ақшақармын аппақ. Жүргізуші: Қош, келдің, Ақшақар. Төрлетіңіз. Ақшақар: Бүгін мен соққан желдің сыбдырын естідім. Ол маған «Жаңа жыл келеді» деп сыбырлады. Ал аққайыңмен сырласып едім, ол маған Аяз атаның хабарын жеткізді. Аяз ата бізге көп сыйлықтар, тәттілер дайындап жатқанын естідім. Осы Жаңа жылға кім қандай тілек тілейді.

Түлкі: Қулық- сұмдыққа тыйым салынсын Аю: Ұрлық- қарлық болмасын Қоян: Ешкімді-ешкім қорқытпасын Балалар: Ата-анамыз аман болсын! Ақшақар: Рақмет. Бәрің де жақсы айттыңдар, менің тілегім: жер бетінде тыныштық, бейбітшілік болсын. Менің қосарым осы. (Бәрі қол соғады) Жүргізуші: Жарайсыңдар, балалар. Енді көңілді би билейік. Ақшақар бізге қосылыңыз. Ал бастадық.

«Үш рет алақан соқ» би-қимылы Жүргізуші: Балалар, Аяз атасыз мерекенің сәні жоқ екен. Қане, бәріміз бірге шақырып көрейікші.

«Аяз ата ау-у-у» - 3 рет Музыка ойналып Аяз ата, Жаңа жыл кіреді. Аяз ата: Келе жатырмыз, Жаңа жыл келе жатыр. Қарсы алыңдар, қарсы алыңдар» деп айта келеді Аяз ата : Құтты болсын балалар Келген Жаңа жылдарың Өткен жылы келіп ем Бәріңді де көріп ем, Жыл өткізіп келем деп Уәдемді беріп ем Ойларың мен бойларың да., Бірдей өсіп қалдыңдар ма. Ал мен кіммін айтыңдаршы Мені тани алдыңдарма? Балалар. Аяз атасыз! Аяз ата: Дұрыс таныдыңдар. Мен қасыма жаңа Жылан жылын ертіп әкелдім. Жаңа жыл: Сәлеметсіңдер ме, балалар, қонақтар!І Жүргізуші: Амансың ба, Жаңа жыл Қадамыңа гүл бітсін Заманыңа нұр бітсін! Жаңа жыл сен бізге не әкелдің? Жаңа жыл: Мен Жылан жылы өзіммен бірге жақсылық әкелдім. Әрбір отбасына бақыт, бейбітшілік, бірлік сыйлаймын.

Аяз ата: Ал мен сол баяғы Аяз атамын. Бір жасқа қартайғаным болмаса , әлі өзімді жас сезінемін. Аяқтарым да билеуге әзір. Жүргізуші: Керемет, онда Аяз атамен бірге «Аяз ата келді» әнін орындап берейік. Жүргізуші: Аяз ата сіздің осындай күйде жүргеніңізге біз өте қуаныштымыз. Дегенмен отырып, аздап дем алып, балаларыңыздың өнерін тамашалаңыз. Тақпақтар Ақнұр: Жаңа жылмен, жаңа жырмен Құттықтаймыз әрине Әкемізді, анамызды Қонақтардың бәрін де. О.Диас: Нұрландырсын әзілің Наз айтып кел, Жаңа жыл! Әжелердің әжімін Азайтып кел, Жаңа жыл!

Айгерім: Жоламасын елге мұң Жаңғырып кел, Жаңа жыл! Әкелердің еңбегін Жандырып кел, Жаңа жыл! Ерасыл: Азаймасын ән мен жыр Ел көңілін көтерсін Құтты болсын, Жаңа жыл Бақыт, дәулет әкелсін! Асмира: Тілеймін мен бар адамға Жаңа бақыт, жаңа жыр Әке-ана, әке-ана Құтты болсын Жаңа жыл! Оля: Қуантып елді Жаңа жыл келді Өсетін болдым Бір жасқа енді Нұрали: Тамаша, тамаша Шыршамыз тұр жараса Басында әсем жұлдызы Көз тоймайды қараса Инара: Келіңдер, келіңдер Тақпақ айтып беріңдер. Жомарт Аяз атадан Сыйлық алып көріңдер Б.Диас: Шыршаға бардық, Ойынға қандық. Аяз атадан Сыйлық алдық М.Аружан: Жаңадан тақпақ Аламыз жаттап Жаңа жыл келді Жаңа жыл аппақ С.Даниил: Аяз ата, Жаңа жыл