Қыс қызықтары ойындар мен сценарийлер балабақшаға

Эстафеталық жарыс «Қыс қызықтары»

Мақсаты: Мектеп жасына дейінгі балаларды салауатты өмір салтын қалыптастыруды арттыру. Дене шынықтыру жаттығуларының әдістерін үйрету, оларды қолдану. Қыс туралы түсініктерін молайту, балалардың қимыл - қозғалысын, икемділігін, ептілігін арттыру. Еркін қимылды ойынды ойнауға және жаттығуларды орындап тепе - теңдік сақтауға тәрбиелеу.

Сайыс түрі: Эстафеталық сайыс

Көрнекілігі: доптар, құрсаулар, баскетбол себеті мен баскетбол добы, тунель, кубиктер, кеглелер.

Барысы:

Жүргізуші:Құрметті балалар! Бүгін біздің балабақшамызға «Қыс қызықты ойындар ала келді» спорттық сайысқа қош келдіңіздер! Спорттық ойындар адам денсаулығына пайдалы, деніміз сау болсын десек спортпен дос болуымыз керек.

-Балаларға сәт сапар тілейміз.

Сайысқа қатысатын балалардың кеуделерінде өз белгілері қыстырылған.

Әділқазылар алқасы таныстырылады. Алдымен жүргізуші сайыс шарттарымен таныстырады. Балалармен дене қыздыру жаттығулары жасалады.

«Қайсар» тобын ортаға шақырамыз

« Сұңқар» тобын ортаға шақырамыз

Сайысқа қатысушы топтармен танысу. Әр команданың ұранымен таныстару.

Эстафета жарысының 4-кезеңнен тұрады.

1. «Кім епті?» ойыны. Ойынның шарты: Допты домалату, мәреден сөреге дейін айналып келу, келесі балаға табыстау.

2.«Кім жылдам?» ойыны. Ойынның шарты: Жатқан құрсауларды үстіне кию арқылы тезірек межеге жетіп лентаны жинау.Қайтарда тіке жүгіріп келу.

3.«Кім шапшаң» ойыны. Ойынның шарты: Кедергілер арасымен барып, баскетбол добын себетке лақтыру.

4. «Кім батыл?» ойыны. Ойынның шарты кедергілерден өту арқылы яғни тунелден өтіп, кубиктерді жинау.

5.«Шана жарысы»

Шарты: Балалар шанаға кірпіштер салып алып межеге дейін сүйреп апарады, кірпіштерден мұнара құрастырып жарысады.

Қорытынды

Бүгінгі «Қыс қызықты ойындарын ала келді» атты эстафетамыз аяқталды. Қыстың көркі қар демек балалармен қарда ойыналатын ойындар ойыны қорытындылауға кезек келді

Әділқазылар алқасы қорытындысын шығарғанша, балалармен сергіту сәті жаттығуларын жасап алайық.

Көрсетті міне өз өнерін балалар,

Сайыстың да соңы келіп таянар.

Жеңімпазды анықтайық қанекей.

Ұпай саны қанша екен, бағалар?

Жарыс соңында жеңіске жеткен командаға марапаттар тапсырылады.

Спорт-көркі өмірдің,

Спорт-досың, серігің

Жаттықсаң шымыр боларсың,

Шынығып, өсіп толарсың,- демекші салауатты өмір салтын ұстанып,спортты серік етейік.