Қыс қызығы ойындар мен сценарийлер

«Балапан» ІІ кішкентайлар тобының

«Қыс қызығы» ойын-сауығының бағдарламасы.

Мақсаты: Балалардың қыс туралы түсініктерін кеңейтіп, қыс мезгілінің басқа жыл мезгілдерінен өзгешелігін түсіндіру. Қысқы табиғат көрінісін, қысқы ойындар түрлерін атап, мазмұнын меңгерту. Қоршаған ортаға деген сүйспеншілігін арттыру. Бала денесін ойын арқылы қозғалысқа келтіріп, таза ауада шынықтыру. Іс-әрекетке деген қызығушылығын ойын арқылы қалыптастыру.Бүлдіршіндердің салауатты өмір салтын сақтау, дені сау, рухы таза ұрпақ тәрбиелеу.

Тәрбиеші:

-Балалар көңіл-күйлерің қандай?

-Тамаша.

-Ендеше біз «Тамаша» ойынын ойнап жіберейік.

Ойын шарты: Мен сендерге жақсы сөз айтсам, сендер жақсы тамаша деп жұдырықты түйіп бас бармақтарыңды көтеріп бір-бірлеріңе көрсетесіңдер.

Тамаша.

-«Жауқазын» бөбекжайы қандай?

-Тамаша

-«Қыс» мезгілі қандай?

-Тамаша

-Қар жауған ше?

-Тамаша

-Балалар күлгені қандай?

-Тамаша

-Менің осы айтып тұрған сөздерім қандай?

-Тамаша.

Далада боран ұлиды

Суыта алмай жылы үйді

Терезеден қараймыз

Қысқы ойынға тоймаймыз

Қысқы табиғат, жылдың қыс мезгілі туралы айта отырып балаларды таза ауада ойынға шақыру.

Балалар орындауында:

Ән: «Ақшақар»

Музыкасы:К.Қуатбаев

Сөзі:Қ.Ыдырысов

1.Қараңдаршы далаға

Дала аппақ ақша қар

Тал мен үйлер қалада

Жамылыпты ақ шатыр

Ля-ля-ля-ля

Жамылыпты ақ шатыр.

2. Біздер жылдам киініп

Атып шықтық ауладан

Ақ қар қапты үйіліп

Ақ мамықтан аумаған

Ля-ля-ля-ля

Ақ мамықтан аумаған

3. Аппақ қала, ақ қала

Аспан аппақ, жалтыр мұз

Бір аулада топ бала

Тамашалап жатырмыз

Ля-ля-ля-ля

Тамшалап жатырмыз.

Бекболсын:

Қарашы аппақ далаға

Жылысын деп денеміз

Отырып ап шанаға

Біз сырғанақ тебеміз

Мирас:

Қар атып ойнайды

Таласып ойнайды

Тоңсада балалар

Ойынға тоймайды

Әли:

Аппақ қар айнала

Қөңілді балалар

Сырғанақ ойнаймыз

Зулайды шанамыз

Кәусар:

Маңайымыз ақ мамық

Сықырлайды ақша қар

Асыр салып қуанып

Тұрғызайық аққала

Айзере:

Аппақ-аппақ ақша қар

Қар жамылды бақшалар

Сырғанаққа қыс келді

Тоңғақ бала жасқанар

Фатима:

Аппақ қыстың бояуы

Аппақ қыстың бораны

Ақ көрпеге орайды

Ақ қар байтақ даланы

Зейнеп:

Аяз шымшып қояды

Суықта аздап болады

Туған жердің ақ қысы

Ақ құшағын жаяды

Мейірім:

Аяз келіп қаһарлы

Айналаны қар жапты

Ақ тон киіп орман тұр

Дәл атамдай салмақты

Көркем: