Қысқа мерзімді жоспар құрудың тиімділігі мен артықшылығы

Шеберлік сынып тақырыбы: ҚМЖ құрудың артықшылығы мен тиімділігі

Жалпы мақсат: Мұғалімдерге Қмж құрудың жолдарын, қолданатын әдіс –тәсілдерді пайдалануды үйрету.

Сілтеме: Мұғалімдерге арналған нұсқаулық. Үлестірмелі материал.

Оқу нәтижесі: Мұғалімдер ҚМЖ құру, оған қажетті материалдар туралы мағлұмат алады .Сабақтың кезеңдеріне байланысты сұрақтардың мазмұнын түрлендіріп тиімді қоюды, қолдануды және жаңа әдіс-тәсілдерді сабаққа еңгізуді үйренеді.

Ресурстар: А4 парақтары, стикерлер, маркерлер, "Түймедақ" суреті, тақырыптық суреттер, тапсырма жазылған парақтар, слайдттар.

Оқыту әдістері: топтық жұмыс, "Ашық сұрақтар" таныстырылым арқылы жұмыс, "Екі жұлдыз, бір тілек" өзара бағалау, өзін-өзі бағалау.

Негізгі жұмыстар.

Мұғалімдерге психологиялық жағымды ахуал туғызу.

1.Мұғалімдерді ортаға шақырып, екі қатарға бөліп, бірінші қатардағылар оң қолын, екінші қатардағылар сол қолын көтеріп алақандарын жұптасып ұстап тұрады.

Коучингке қатысушылар жұптасып, екі қатарға колдарын көтеріп ұстап тұрады, қатардың ішінен бір адам жүріп өтеді, сол кезде қатарда тұрғандар оның құлағына жағымды сөздерді арнап айтады, барлығы жүріп болғанша жалғастырады.

Мұғалімдер жақсы сөздер естігенде, қатарласып бірге тұрғанда бір команда болып сезінгендерін айтады.

Топқа бірігу.

Мұғалімдерге "М", "Қ", "Ж" бас әріптерден басталатын сөздерді таратамын. Сөздерге бойынша топтарға бірігуін сұраймын.

Негізгі бөлім.

1-топ: ҚМЖ деген не? 2-топ: ҰМЖ деген не? 3-топ: ОМЖ деген не?

Топтар осы сұрақтар төңірегінде жауаптарын ортаға салады.

2. Слайдтар арқылы ҚЖЖ,ОМЖ; ҰМЖ туралы таныстыру

Ұзақ мерзімді жоспар:

*оқу мақсаттарын ортақ тақырыптық бөлімдерге топтастырады;

*алдыңғы жұмыспен, оқу мақсаттарымен өзара байланыс орнатуға және оқытудың одан кейінгі жолдарын белгілеуге мүмкіндік береді;

*бөлімдер арасындағы теңестірілген және басқарылатын байланысты орнатуды қамтамасыз етеді

Қысқа мерзімді жоспар:

* оқытуды ұйымдастырудың үдерісін: жаппай оқыту, топтық, жұптық жұмыс, жеке жұмысты анықтайды;

* оқытудың әр түрлі тәсілдерін ұсынады

* бағалауды ұйымдастыруға мүмкіндік туғызады және оқушының оқу мақсатына жетуі туралы кері байланысын ұсынады.

Орта мерзімді жоспар:

* мұғалімдерге өз сабақтарын жоспарлауға қажетті бөліктерді (деталь)ұсынады;

* сабақ беруде әр түрлі әдіс-тәсілдерді қолданудағы мүмкіндік жолдарын анықтайды;

* оқытудың кіріспе, дамыту мен бекіту тәсілдерін және негізгі ресурстарын ұсынады;

* бағалаудың мүмкіндіктерін анықтайды;