Қысқы серуен ашық сабағы балабақша тәрбиешісіне

Мемлекеттік коммуналдық қазыналық кәсіпорын «Құлыншақ» балабақшасы

Ашық оқу қызметі: «Қысқы серуен»

Өткізген: Салатова Эльмира Турегалиевна

Тексерген: Танжарикова Жаннат Таяубайқызы

2019жыл

Тақырыбы: «Қысқы серуен»

Мақсаты: Балалардың қыс мезгілі және оның ерекшеліктері туралы түсініктерін кеңейту. Қысқы табиғат көрінісі, қысқы ойын түрлерін атау. Ұсақ қол моторикасын дамыту. Табиғатты аялауға үйрету.

Көрнекіліктер: Интерактивті тақта, Слайд, ойындар (фетрден қыс көрінісін жабыстыру), қысқы сурет

Ұйымдастыру кезеңі.

Тәрбиеші: Балалар бүгін бізде ерекше сабақ болғалы тұр. Бізге бүгін қонақтар келіпті. Қане, шаттық шеңберіне тұрып, қонақтармен амандасайық.

Шаттық шеңбер:

Жатқа білер дос атын

Дос бар бізде тосатын

Балабақша біздің үй

Басымызды қосатын

Тәрбиеші: Қазір жылдың қай мезгілі?

Балалар: Қыс мезгілі-Зима

Тәрбиеші: Қыс мезгілінде неше ай бар?

Балалар: 3ай бар

Тәрбиеші: Жарайсыңдар. Ендеше айларын атап берейік

Балалар: Желтоқсан, қаңтар, ақпан – декабрь, январь, февраль

Тәрбиеші: Қыс мезгілінде ауа-райы қандай болады?

Балалар: Қар жауады, аяз болады, боран соғады

Тәрбиеші: Ия біз болсақ ,қыстан, аяздан қорықпаймыз. Жылы киініп, шанамен сырғанап, аққала жасаймыз. Қандай ойындар ойнайсыңдар?

Балалар: Қар лақтырып, аққала жасап, шанамен сырғанақ тебеміз.

Тәрбиеші: Қыста қандай мерекені тойлаймыз?

Балалар: Жаңа жыл

Балалар бүгінгі өтетен ашық оқу қызметіміздің тақырыбы «Қысқы серуен». Балалар сендер серуенге шыққыларың келе ме?

Балалар: Ия

Тәрбиеші: Ендеше, серуенге шығайық

(Музыканың сүйемелдеуімен серуенге шығады.)

Тәрбиеші: Балалар, қараңдаршы айнала аппақ, даланың ауасы қандай керемет. Қане, мұрнымызбен ауаны ішке тартып, аузымызбен шығарып тыныс алайық. Қыста ауа таза болады. Бұлттар аппақ болып, күннің көзі арасында ғана көрінеді. Қыс мезгілінде құстар жылы жаққа ұшып кетеді. Қыстап қалатын құстар да бар.

Енді балалар мына сиқырлы экранымызға көңіл аударайық. Балалар мынау қай мезгіл? Суретте кімдерді көріп тұрмыз? Қыс мезгілі. Балалар ойнап жүр. Аққала жасап жатыр. Балалар жылы киініп алған.

Жарайсыңдар. Балалар мына суретте қар жауып тұр. Қар ақ, үлпілдек болады. Күннің аязды күні қар қиыршықтап жауады, күннің жылы кезінде қар жапалақтап жауады. Аязды күні қар сықырлайды. Қар неге ұқсайды? Қарды жеуге болмайды. Қар ерісе суға айналады,…