Қыз өссе елдің көркі тақырыбындағы тәрбие сағаты

«Академик С.А. Джиенкулов атындағы Байқоңыр колледжі»

білім беру мекемесі

БЕКІТЕМІН

Директордың тәрбие

Ісі жөніндегі орынбасары

_______Айбосынова С.К.

«___» ____ 2021 жыл

«Қыз өссе елдің көркі!»

Жауапты медбике: Ж.К. Камилова

Өткізілетін күні: 02.06.2021ж.

Байқоңыр қаласы

2020-2021 оқу жылы

Тақырыбы: Қыз өссе елдің көркі

Мақсаты: Студенттердің өзінің ата - тегін ұғынып білуге, бойына ұлттық сананы сіңіруге, бір - бірін сыйлауға, жеті аталарын білуге, үлкенге құрмет, кішіге ізет көрсете білуге тәрбиелеу.Түрі: қашықтықтан жеткізу.

Әдісі: Баяндау,түсіндіру.

Көрнекілік: Қыз баласының тәрбиесіне байланысты мақал - мәтелдер, магнитофон, шар, плакаттар.

Тәрбиелік бағыты: салт - дәстүрді құрметтеуге ақыл - ойларын, әдет - ғұрпын, ауыз - әдебиеті шығармаларын оқу арқылы рухани жан дүниесін байыту.

Барысы:

Қызығушылықты ояту.

Ойға шабуыл (қатысушыларға сұрақтар қойылады)

1) Қыз өссе елдің көркі деп не ушін айтқан?

2) Қыз тәрбиесі жөнінде қандай мақал-мәтел білесіз?

3) Қызды 40 уйден тыйу дегенді қалай түсінесіз?

Қазағымызда ежелден келе жатқан нақыл сөз бар "Қыз өссе - елдің көркі, гүл өссе - жердің көркі" деген. Түбі терең сөздердің мағынасы мол. Егер әрбір сөзде жеке жеке талдасақ сөздік қор жетпей қалады. Мақалдың мәні кыз баланың нәзіктігін, сүйкімділігін, ақылдылығын, инабатты да ибалылығын, құндылығын дәріптейді.

Қазақ қашанда қыздың ар ұятын жоғары қойған. Ешқашан қызды есік көзіне отырғызбай төріне шығарып сыйлаған халық. Қызды халықтың, ел жұрттың бет-бейнесіне теңеген. "Қызға тырық үйден тыйым", "Қыздың жолы- жіңішке" "Қыз қонақ", деген нақыл сөздер де қызды тәрбиелік ке шақырады.

Үш қызды дүниеге әкелген, өсіріп жеткізген ата-ана жұмақтың төріне барады дейді. Себебі қыз баланы тәрбиелеп, қанаттылар қақтырмай, тұмсықты шоқтырмай өсіру оңайдың шаруасы емес. Сонау заманнан ата-бабамыз қыз баланы сәнді әшекейлер мен бұйымдарды тағып жүруінің де өз мәні бар болған екен. Түрлі әшекей бұйымдар бойжеткеннің көркіне, сұлулығы мен нәзіктігіне өте бір жарасымды келбет берген. Онымен қоса, көз тимейді деп те ырымдаған. Сылдырлаған сырғаның сылдырын естіртпей, ақырын басып жүруге, яғни қызды сабырлы, өте төзімді де сыпайы болып өсуіне баулыған. Қазақ қызын болашақ ана, болашақтың ұрпақ жалғастырушы ретінде қыздар мен бойжеткендерді, апа – әжелерге үлкен сый құрметпен қараған.

Қазақта қыз баласы ұяң да инабатты, сыпайы болған.

Ер адамға тік қарамаған.

Жүріс-тұрысы салмақты болып, сызылып, сыпайы қозғалған.

Орынсыз жыртыңдап, күлмеген.

Ешкімнің сөзін бөлмеген.

Етегі ұзын, кең көйлек киген.

Басында тақия не бөркі болған.

Жөнсіз, әдепсіз сөйлемеген.

Кісінің алдын кесіп өтпеген.

Дауыс көтермей, бәсең дауыспен сөйлеген.

Кешкілік жалғыз жүрмеген.