Қыздарға әсемдік жарасады мерекелік іс шарасы

1 - жүргізуші:

Қайырлы күн құрметті ұстаздар, аяулы қыздар! Сіздерді халықаралық қыздар күнімен шын жүректен құттықтаймыз! Бүгінгі аяулы қыздарға, ардақты ұстаздарға арналған «Қыздарға әсемдік жарасады» атты шағын ғана мерекелік кешімізге қош келдіңіздер!

2 – жүргізуші:

Армысыздар ұстаздар! Иә, қыздарға шынымен әсемдік жарасады. Қыздардың ең алдымен сыртқы сұлулығы емес, жан сұлулығы болу керек. Міне сонда ғана ақылына көркі сай аруларымыз көп болмақ. Бүгінгі тәлімгер Гүлфара апайымызбен және ұжымшылдықпен жиналып отырған 5 – 9 сыныптардың ер балаларының ұйымдастыруымен болып отырған «Қыздарға әсемдік жарасады» атты кешімізге қош келдіңіздер! Кешімізді бастамас бұрын мерекелік кешімізді ашу үшін сөз кезегін Мектеп директорына береміз!

1 – жүргізуші:

Ендеше, Айдос бірінші болып қыздарды құттықтағысы келіп отырған «Сұңқар» тобын ортаға шақырайық.

2 – жүргізуші:

Құрметті көрермендер! Алдарыңызда «Сұңқар» тобы «Қыздар» әнімен!

Ән: «Қыздар» Сұңқар тобы

1 – жүргізуші:

Талай ақын жазушыларымыз қазақ қызы туралы толғанған, жырлаған, жыр жазған. Айдос осы сен көркемсөзді нақышына келтіріп оқитын едің ғой. Қыздар күнінде аяулы қыздар мен ардақты ұстаздарға арнап бір көркемсөз оқыпа жіберсеңші.

2 – жүргізуші:

Асыра мақтама Шәмші. Жарайды дегенің болсын.

Көркемсөз. Сүйінғалиев Айдос

Өмір қатал көтермейді ойынды

Ұқпайды да кейде ізгі ойынды

Тағдыр жолы жіңішкелеу өмірде

Жаман аттан аулақ ұста бойыңды

Қыз ғұмыры үлпілдеген гүліңмен

Тербетілген ақ самалмен, күнменен

Абайлап жүр ерте үзуге ғұмырды

Тасбауырдан қадіріңді білмеген.

Төтеп берсін жалындарға желкенің

Сарқылмасын бал қылықты ертегің

Күрес еркем, жаман атпен жасымай

Күндей нұрлы болу үшін ертеңің

1 – жүргізуші:

Жарайсың Айдос! Көрермендер шапалақ қайда?

2 – жүргізуші:

Шәмші? Бізге электронды құттықтаулар келіп жатыр. Яғни, әр класс өз сыныбындағы аруларын құттықтап жатыр. Солардың ішінде биылғы жылдың бітіруші түлектері 9 – сынып оқушыларының құттықтау видеосына кезек берейік!

1 – жүргізуші:

Тамаша! Міне керемет! Видеоролик дайындаудың өзі үлкен өнер ғой!

2 – жүргізуші:

Иә, дұрыс айтасың. Айтпақшы, біз біреуді ұмыттық...

1 – жүргізуші:

Ол кім? Барлығы сыныптағы қыздарына бар өнерлерін салып жатыр ғой!

2 – жүргізуші:

Өз класстасыңды ұмытып тұрсың. Есіңе түсіре алмасаң мен қазір сахнаға шақырайын.