Ұстаз ұлы есім мерекелік іс-шара сценарийі

«Ұстаз Ұлы есім» атты ұстаздар күніне арналған мерекелік іс шара

сценарий

Музыка қосылады. Ұстаздарды қарсы алу.

Мерекелік вальс.

1 жүргізуші:

Ұстаздарым биік тұлға байсалды,

Құшақ жайып өз мерекең қарсы алды.

Қуанышты жарқын тілек білідіріп,

Құттықтаймыз, Ұстаздарым баршаңды!

Армысыздар, құрметті Ұстаздар және аса құрметті бүгінгі мерекенің қонағы ардагер ұстаздарымыз! Сіздерді бүгін ортамыздан көргенімізге шын жүректен қуаныштымыз!

2 жүрізуші:

«Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді.Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да солай ардақтауға міндеттіміз» - деген Бауыржан Момышұлы. Бізде сіздерді құрметтеп, ардақтаймыз мәртебелі ұстаздар!

Күніміз қайырлы, көңіліміз көтеріңкі болсын! Қадірлі ұстаздар және мектебіміздің тазалығын ойлап тыным алмайтын, шаруашылық бөлім қызметкерлері! Баршаңызға бүгінгі мереке құтты болсын!

1 жүргізуші:

«Ұстаз» сөзін айтып жүрдік ән қылып,

Одан басқа жүрген кім бар жанды ұғып.

Ұстаз – деген ұлылардың ұлысы,

Қасиетіне бас иейік мәңгілік!

2 жүргізуші:

Құрметті мектеп ұжымы орынымыздан тұрып, аямай шапалақ ұрып, ардагер ұстаздарымызға құрмет – қошемет көрсетсек!

Алғашқы құттықтау сөз мектеп басшысы Серік Габдуллиновичке беріледі.

(құттықтау сөз + сыйлық тапсыру)

1 жүргізуші:

Ұлы өмірге жетелеп,

Ашқан білім есігін

Құрметтейік мәпелеп

Ұстаздардың есімін.

Келешекке алтын бақ,

Қосар таудай үлесін.

Жасай берсін жарқылдап,

Ұстаз аты ұлы есім

Өздеріңіз тәрбиелеп отырған кішкентай ғана бүлдіршіндеріміздің Ұстаз туралы ойылары мен тілектерін қабыл алыңыздар (Видеоролик)

2 жүргізуші:

Ұрпақпен өмір жолы жалғанады,

Көңілді күндер тусын алдан әлі,

Ән – шашу әсем әуен, түрлі өнер,

Бүгінгі күн сіздерге арналады.

Оқушылар атынан әдеби монтаж

(Әдеби монтаж)

1 жүргізуші:

Ұстаздар қауымы тек тәрбие мен білім беріп қана қоймайды, сонымен бірге жан жақты сан өнердің басын қосып алып жүреді. Осы сөзімнің шағын дәлелі Абай Құнанбаевтың 175 жылдық мерей тойына арналған мектепішілік Абай өлеңдерін оқудан челендж ұйымдастырылған.Осыған бір назар аударсақ.

(Челендж)

2 жүргізуші:

Мұғалімнен өнеге-білім алып, өмір теңізіне құлаш ұрған кез келген шәкірт ұстазымен мақтанады. Ұстаз мектептің жүрегі, Бала жанының бағбаны ендеше аяулы ұстаздарымыз…