Қызғалдақ гүлі туралы ашық сабақ балабақшаға

Түрі: Кіріктірілген сабақ

Білім беру саласы: Таным

Бөлімі: Жаратылыстану

Тақырыбы: Қызғалдақ гүлі

Мақсаты:Гүлдердің түрлерімен таныстыру, гүлдердің түр-түстерін ажырата білуге баулу. Өсімдіктерді күту ережелерімен таныстыру. Сөздік қорын молайту, ойлау сезімдерін дамыту. Гүлдер мен өсімдіктерге қамқорлық көрсетуге , күтуге, сүйіспеншілікке тәрбиелеу.

Көрнекілік: гүлдердің суреті, магнит тақтасы.

Сөздік жұмыс: қызғалдақ.

Билингвалды компонент: гүл –цветок, қызғалдақ - тюльпан

Оқу іс-әрекетінің кезеңдері

Педагогтің іс-әрекеті

Баланың іс-әрекеті

Мотивациялық-қозғаушылық

Ізгі ниет болған жерде гүл тұрған,

Гүл дегенін гүл емес -ол жыр тұнған.

Той мереке гүл болмаса ажарсыз,

Дархан дала гүлден ғана жаралған.

-Балалар бүгінгі оқу іс әрекетімізді ізгі ниетпен , жылы лебізбен , жақсы тілекпен бастасақ.

-Аспанымыз ашық болсын!

-Балабақшамыз гүлге толсын!

-Табиғатымыз таза болсын!

-Жеріміз гүлге толсын!

-Бақшамыз гүлдене берсін!

Ұйымдастыру-шылық- ізденістік

-Балалар бүгінгі оқу іс әрекетіміздің тақырыбы «Қызғалдақ гүлі».

Теледидарға назар аударайықшы. Сендер не көріп отырсыңдар?

Гүлдер әсемділігімен көрік беріп қана қоймай сонымен қатар ауаны да тазартады. Гүлдер жайқалып өсу үшін жаңбырдың суы, күннің нұры, су қажет екен.

-Балалар сендер қандай гүлдің түрлерін білесіңдер?

-Гүлдерді қай мейрамдарда кімге сыйлаймыз.

Суретпен жұмыс:

Мынау бәйшешек гүлі.

-Ол ерте көктемде қар еріп жатқан кезде тауда гүлдейді.

Түсі қандай балалар?

-Мынау раушан гүлі.

Барлық гүлдердің патшасы, сұлулық пен әсемдік белгісі.

Түсі қандай балалар?

Мынау қызғалдақ гүлі.

–Ол қырда өседі.

Түсі қандай?

Қызғалдақ көп жылдық өсімдік. Қазақстанның далалық

аймақтарында жиікездеседі. Қызғалдақ – ғашықтық, махаббат белгісі екен.Балалар бұл қызғалдақ гүлі. Қане бірге айтайықшы,

орыс тілінде – тюльпан депайтады.

Сөздік жұмыс: қызғалдақ, бәйшешеке, бақбақ.

Билингвалды компонент: гүл –цветок, қызғалдақ – тюльпан

Қызғалдақ гүлі туралы видео ролик слайд

Сергіту сәті:

Шаршағанда ырғалып,

Гүлге ұқсап дем алам.

Қанатымды бір қағып,

Гүлдей болып жайқалам.

Дидактикалық ойын: «Қызғалдақ гүлін жинау»?

Шарты: Көп гүлдердің арасынан қызғадақ гүлін таңдап жинау.

Ал енді балалар біз екі топқа бөлініп жұмыс жасайық:

Топтармен таныстыру:

1-ші «Шешендік өнер» тобы- өздерінің гүлдерге байланысты тақпақтарын айтады.

2-ші «Суретшілер» тобы –магнит тақтасына гүлдің суретін салады.