Қызыл-сары жапырақтар ашық сабағы мектепалды топқа

Күні: 11.11.2016ж

Білім беру саласы: «Коммуникация, таным, шығармашылық »

Бөлімі: Тіл дамыту, қоршаған орта, сурет салу.

Тақырыбы: Қызыл – сары жапырақтар.

Мақсаты:Алақан арқылы жапырақтың бейнесін салуды үйрету.Баланың жыл мезгілдері туралы түсініктерін кеңейту.Негізгі түстер туралы білімдерін бекіту. Сөздік қорларын және саусақ қол қимыл- қозғалыстарының икемділіктерін дамыту.Қоршаған ортамен таныстырып, қоршаған ортаға деген сүйіспеншіліктерін арттыру.Еңбек етуге, ұқыпты жұмыс жасай білуге тәрбиелеу.

Әдіс – тәсілдері: түсіндіру, баяндау, әңгімелеу, сұрақ-жауап.

Көрнекілігі:Күз мезгілінің,жапырақтардың суреті, күзгі ағаш. коврограф, үлестірмелі материалдар.

Сөздік жұмыс: Жомарт күз.

Билингвальды компонент: Күз - осень, жапырақ – лист.

Инклюзивті білім беру: баяу қимылдайтын балаларға жеке көңіл бөлу.

Қызмет сатылары

Тәрбиешінің қызметі

Балалардың

қызметі

Ұйымдастыру кезеңі

Балалар қонақтармен амандасып алайық.

Шаттық шеңбері

Қуанамын мен де,

Қуанасың сен де.

Қуанамыз бәріміз,

Арайлап атқан күнге!

Сәлеметсіздер ме қонақтар!

Ой қозғау.

Балалар мен сендерге жұмбақ жасырғым келіп тұр.

Жиын - терім болатын,

Қамбаға астық толатын.

Қызыл қырман ойнайтын,

Қай мезгіл деп ойлайсың?

Балалар мына ағашқа қараңдаршы жапырағының түсі қандай?

Дұрыс айтасыңдар.

Күз мезгілінде күн қысқарып күн сәулесі аз түсетін болғандықтан, жапырақтар сарғайып жерге түседі.

Тосын сәт.

Жұмбақ дауыс естіледі.

Балалар мен жай ағаш емеспін, сиқырлы ағашпын. Мен Күз ханшайымының бақшасында өсетін ағашпын. Менің жапырақтарымда тапсырмалар жазылған. Егер сендер бұл тапсырмаларды орындасаңдар сендерге Күз ханшайымы қонаққа келеді.

Қанекей балалар тапсырмаларды орындап Күз ханшайымын қарсы аламыз ба?

Жарайсыңдар олай болса бірінші тапсырманы оқиын.

тапсырма

Күз мезгілінің айларын атаңдар.

2-тапсырма :

Күз мезгілінің ерекшеліктері қандай?

3-тапсырма

Күз мезгіліне байланысты тақпақ айту

Жұмбақ дауыс:

Жарайсыңдар балалар сендер менің барлық тапсырмаларымды орындадыңдар. Мен сендердің ақылды, өнерлі балалар екендеріңді Күз ханшайымына айтамын. Ол сендерге қонаққа келеді.

Балалар Күз ханшайымы келгенше бойымызды бір сергітіп алайық.

Сергіту сәті.

Жел соқты – у-у-у

Боран соқты-ду-ду-ду

Қатты-қатты жел соқты-гу-гу-гу

Жапырақтар қол соқты-ду-ду-ду

Сиқырлы әуен ойналып, Күз ханшайымы қонаққа келеді.

Күз ханшайымы:

Сәлеметсіздер ме, балалар!