Қызыл телпекті қыз мектепке дейінгі сабақ жоспары

Ұйымдастырылған оқу іс-әрекетінің түрі: Драма

Тақырыбы: «Қызыл телпекті қыз» (ертегі)

Мақсаты: Әлемнің түрлі халықтарының ертегілерімен балаларды таныстыру. Балаларды ертегі кейіпкерлерінің қылықтарын бағалауға үйрету. Ертегілер оқиғасын реттілікпен орындау. Түрлі эмоцияларды жеткізу үшін дауыс ырғағын білдіру.Есті, ойлауды, сөйлеуді дамыту..

Сөздік жұмыс: Қызыл телпекті қыз, бәліш.

Оқу іс-әрекетінің кезеңдері.

Педагогтің іс-әрекеті

Балалардың іс-әрекеті

Мотивациялық қозғаушылық

Ұйымдастыру кезеңі.

Балалар шеңбер бойына тұрып, тәрбиешінің көмегімен өлең жолдарын қайталайды.

Біз көңілді баламыз,

Шаттық әнге саламыз.

Айгөлек-ау, айгөлек,

Би билейміз дөңгелеп.

-Міне, қандай тамаша! Өнерлі, биші, ақылды балалар екенсіңдер!

Шеңбер бойына тұрып, қимыл жасайды.

Ұйымдастырушылық- ізденістік

Кіріспе әңгіме.

-Бүгінгі оқу іс-әрекетінде «Қызыл телпекті қыз» ертегісін оқып, оның мазмұнын ашып әңгімелейміз.

Өте ерте кезде бір кішкентай қыз өмір сүріпті. Оны Қызыл Телпек деп атайтын еді. Бірде анасы:

-Қызыл Телпек, әжеңе бәліш пен бір құмыра сүт апарып берші, әрі амандығын біле кел, тек орман ішінде өте сақ бол, еш жерге бөгелме, ешкіммен сөйлеспе, - деді.

Қызыл Телпек сол сәтте-ақ әжесіне қарай жол тартты. Бірақ анасының айтқандары тарс есінен шығып кетіп, жолдан орманға қарай бұрылады. Алдынан Қасқыр шыға келді.

-Қайда бара жатырсың, Қызыл Телпек? – деп сұрады ол.

-Мен әжеме бара жатырмын,- дейді қыз,- оған бәліш пен құмыра сүт апарып беремін.

-Ал әжең қайда тұрады?

-Анау алдыда көрінген диірменнің арт жағында.

Қасқыр төте жолға түсіп жорта жөнелді. Ал Қызыл Телпек болса ұзақ соқпаққа түсіп, жол бойы гүл теріп, көбелектерді қызықтады. Ол кезде Қасқыр қыздың әжесінің үйіне жетіп келген еді.

Қасқыр есікті тоқ-тоқ еткізіп қақты.

-Бұл кім?-деп сұрады әжей.

-Бұл мен, Қызыл Телпекпін,- деп жауап берді Қасқыр даусын жіңішкертіп.

-Жіпті тарт, балам, сонда есік ашылады,- дейді әжей.

Қасқыр үйге кірді де, әжейді қылғытып жұтып қойды.

Сосын әжейдің төсегіне жатып алып, Қызыл Телпектің келуін күтті.

Ұйымдастырушылық- ізденістік

Артынша қыз келді де, төсектің шетіне келіп жайғасты.

-Әже, неге сенің құлағың мен көзің соншалықты үлкен?- деп сұрады Қызыл Телпек.