Қызық екен математикалық интеллектуалдық сайысы сценарийі

Сариева Гулбаршын математика пәні оқытушысы, жоғары санатты Маңғыстау облысы Бейнеу ауданы«Бейнеу гуманитарлық-экономикалық колледжі» МКҚК

Тақырыбы: Қызық екен

Мақсаты:

1. Білімділік: Студенттердің ойлау қабілетін арттыру, ой - өрісін дамыту, жаңашылдық, ғылым мен техниканың жетістіктерін пайдалану. Математикаға ынтасын, зейінін арттыру, алған білімдерін тереңдету;

2. Дамытушылық: Студентердің пәнге деген қызығушылығын арттыру. Оқығанын есте сақтай білуге, тиімді тәсілдерді тез таңдай білуге дағдыландыру. Ой - өрісін кеңейту, логикалық ойлау қаблеттерін дамыту, ұжымшылдық қаблеттерін дамыту;

3. Тәрбиелік: Өз бетімен жұмыс жасай білуге баулу, шапшаңдыққа, ізденімпаздыққа баулу. Сыйластыққа және ұйымшылдыққа, алдарына қойған мақсаттарына жетуге тәрбиелеу және жеке тұлға етіп қалыптастыру;

Көрнекілік: Ақпараттық технологияны қолданып, слайдтар арқылы видео - аудио техникалар. Қанатты сөздер.

1. “Математиканың өз тілі бар – ол формула“ Софья Ковалевская

2.: “Арифметика – математиканың, ал математика – барлық ғылымдардың патшасы“ Карл Гаусс

1.“Ақыл - ойды тәртіпке келтіретін математика, сондықтан да оны оқу керек“ С.М.Ломоносов

Қосымша материалдар: тірек – сызбалар

Түрі: топтық сайыс

Типі:жарыс

Пән аралық байланыс: физика пәнімен, өмірмен байланыстыру.

Сабақ әдісі: Түсіндіру, баяндау, сұрақ - жауап, талдау, жинақтау, ой туғызу, хабарлау.

Барысы:

1 - жүргізуші: Армысыздар, құрметті ұстаздар қауымы мен студенттер! Бүгінгі «Нақты ғылымдар тілінде» атты апталықтың аясында “Қызық екен” атты математикалық интеллектуалдық сайысымызға қош келдіңіздер!

2 - жүргізуші: Қайырлы күн қадірменді көрермендер! Бүгінгі сайыс екі топ арасында өтеді. Колледж студенттерінің ұшқыр ойлыларынан құралған топтарын ортаға шақырып құрмет-қошемет көрсетіп қояйық.

1 - жүргізуші: Сонау - сонау алысқа жүзсін десең кемелер,

Тылсым сырлы ғарышқа ұшсын десең денелер.

Математика - ең маңызды ғылым бұл,

Сондықтан да, сол ғылымның тілін біл.

2 - жүргізуші: Жарыс десе жаныңыз,

Жасырғанды табыңыз.

Күш сынасып көріңіз,

Жеткенінше әліңіз.

Алғырлар мен тапқырлар,

Бар өнерін салады.

Білімді, көп оқыған болса егер,

Бүгінгі күн жеңімпазы болады.

1 - жүргізуші: Ғылымдардың патшасы атанған,

Евклид, Фалес, Пифагордан бата алған,

Төзбейтін өтірікке, жалғандыққа.

Жасықтан емессің сен, қаталдансың!

Ақыл - ойды тәртіпке келтіретін,

Нағыз пән – “математика” атанғансың!

2-жүргізуші: Қиындықтан сірә біз де қашпаймыз,

Алғырлық пен тапқырлықты ұштаймыз.

Қияларға самғап ұшқан құстаймыз,

Шегінбейміз жеңістерге бастаймыз.

1 - жүргізуші: Интеллектуалды сайыстың жүру тәртібімен таныстырып өтейік:

І-кезең: «Қызық екен» (сұрақ-жауап)

ІІ-кезең: «Көрермендермен сайыс»

ІІІ-кезең: «Эрудит»

ІV- кезең: «Математикалық трюк»

V- кезең: «Капитандар сайысы»

VІ-кезең: «Ортақ тапсырма»

2-жүргізуші: Біреу озса жарыста, біреу артта қалады,

Ренжімей тараса, озбағандар жарады.

Жарыс заңы ежелден, жеңімпазды анықтау,

Жеңімпаз болу шарты сол, еңбектену жалықпау.

Сәт-сапар тілеп бәріңе, біз сайысты басталық.

1-жүргізуші:

Мықты болсаң – алдағыны басып оз,

Мықты болсаң – арттағыны жеткізбе!

Мықты болсаң – тайғанама көк мұзда!

Мықты болсаң – бөгеттерді бұзып өт, — деп сайысымыздың алғашқы кезеңі,

Сайысты бастау үшін топтың жанкүйерлері екі топқа бөлініп отырады. Қай топтың жанкүйерлері көп болса сол топ сайысты бастайды. Жанкүйерлерден бір ғана көмек аламыз.

«Қызық екен» (сұрақ-жауап) – ге кезек береміз. Бұл кезеңде қатысушылар тақырып таңдап, сұраққа жауап беру керек. Әрбір дұрыс жауап үшін 1000 теңге топ қоржынына түседі.

1.Математик әйел:Софья Ковалевскаяның математикаға деген қызығушылығы неден туындады?

А) Басына түскен алма әсер етті

Б) Түз қағаздағы есеп

В) Түс көруі

2. 0: 0 санын Үнділіктер қалай атады?

А) Сунья

Б) Сифр

В) Цифр

3.Алтын тәж: Архимед Гиерон патшаға алтын тәжін бұзып жармай таза алтыннан жасалғанын қалай дәлелдеді?

А) судың тығыздығынан 19,3 есе артық болатынын

Б) судың тығыздығынан 2 есе кем болатынын

В) судың тығыздығынан 15 есе артық

4.Вектор: Вектор сөзі латын сөзінен аударғанда қандай мағына береді?

А) жүргізуші

Б) қозғаушы

В) жетелеуші

5. Қазақстан: Халықаралық математика Олимпиадасы Қазақстанда қай жылы, нешінші олимпиада өтті?

А) 2006 жылы, 50-ші олимпиада

Б) 2010 жылы, 51-ші олимпиада

В) 2014 жылы, 52-ші олимпиада

6. Прогрессия: Прогрессия сөзі латын тілінен аударғанда қандай мағына білдіреді?

А) Тұрақты

Б) Өсу

В) Кему

7. Лайфках:Елеуішпен су әкелуге бола ма?

А) Болады

Б) Болмайды

В) Мүмкін емес

8. Бұрыш: Бұрыштың биссектрисасы ......

А) Кесінді

Б) Түзу

В) Сәуле

9. Жай сан: Берілген сандардың қайсысы жай сан емес?

А) 5

Б) 1

В) 13

10. Елдер: Арифметика сөзінің шығу тегі?

А) Грек

Б) Қытай

В) Үнді

11. Тауықтар мен қояндар: Қорада тауықтар мен қояндар бар. Оларда барлығы 15 бас, 50 аяқ болса қорада неше тауық, неше қоян бар?

А) 8 тауық, 7 қоян

Б) 5 тауық, 10 қоян

В) 6 тауық, 9 қоян

12. Музыка: Музыкалық дыбыстарға тәжірибе жасай отырып дыбыстардан пайда болған қатынастарды математика тілінде берген атақты ғалым ....?

А) Пифогор

Б) Архимед

В) Платон

13. Нота: Теңіз жолы қандай екі нотамен өлшенеді?

А) До, ля

Б) ми, ля

В) ре, ми

14. Самсунг компаниясының соңғы шығарған ноутбугының ерекшелігі неде?

А) Мөлдір экранды

В) Пернетақтасы жоқ

С) Майысқақ

15. Жер: «Жер өлшеу» сөзі ежелгі грек тілінде қалай айтылады......?

А) Планимерия

Б) Геометрия

В) Стереометрия

16.Wow: 1000 теңге