Қызық екен математикалық сайысы 10-сыныпқа

Қызық екен.

(Математикалық танымдық сайыс)

Қызылорда облысы

Арал қаласы

№262 мектеп гимназия

Математика пәні мұғалімі

Абильдаева Айгүл

Мақсаты: Математика пәнінің басқа пәндермен және өмірмен тығыз байланысын оқушыларға ұғындыру. Өмірдің кез- келген саласында математиканың қолданылатынына көз жеткізу. Математика ғылымы туралы қызықты деректермен танысу, математика пәніне деген қызығушылығын арттыру.

Ресурстар: Интерактивті тақта, ойын барысында берілетін ақша

Сайыс барысы:

Армысыздар құрметті ұстаздар мен оқушылар және ойынға қатысушы сайыскерлер!

Халықтың кемеліне келіп өркендеп өсуі үшін, ең алдымен, азаттық пен білім қажет» деп Шоқан Уәлиханов, «Ғылым майданының қатардағы жауынгері тек үнемі оқу, іздену, талпыну, тану, өмір мектебінен өту арқылы ғана оның ірі қайраткері дәрежесіне дейін көтеріледі» деп Қ. Сәтбаев айтып кеткендей, еліміздің болашағы тек қана білімді жастар екені даусыз.

Математикадан ештеңе ұқпасаңыз да, бұл сабақты ұнатпасаңыз да, өзіңізді таза гуманитар санасаңыз да... Жалпы қандай жағдай болмасын – бұл деректер сізге ұнайтыны анық.

Ағылшын математигі Абрахам де Муавр қартайған шағында ұйқысының ұзақтығы күніне 15 минутқа артып отыратынын байқаған. Арифметикалық прогрессия арқылы 27 қараша 1754 жылы оның ұйқысы 24 сағатқа ұласатынын анықтаған. Дәл сол күні ол қайтыс болған.

Діншіл еврейлер христиандық символикалардан және жалпы крестке ұқсас белгілерден аулақ болғанды жөн санайды. Мысалы, израильдік кейбір мектептерде оқушылар «қосу» белгісінің орнына төңкерілген «т» әрпіне ұқсас белгіні пайдаланады.

Еуро купюрасының шынайылығын оның әріптік сериялық нөмірі мен он бір саны арқылы тексеруге болады. Әріпті оның алфавиттегі реттік санына ауыстырып, бұл санды қалған он бір санға қосу керек. Кейін сандарды бүтін сан шыққанша қоса беру керек. Егер бұл сан 8-ге тең болса, онда купюра жалған болғаны.

Рело үшбұрышы – бірдей үш шеңбердің қиылысу аумағымен шектелген жазықтық фигура. Рело үшбұрышының негізінде жасалған бұрғы шаршы саңылауларды бұрғылауға мүмкіндік береді (2% дәлсіздікпен).

Орыс математикалық әдебиетінде ноль бүтін сан болып саналмайды, ал батыста, керісінше, бүтін сандар жиынына жатады.

Америкалық математик Джордж Данциг, университеттің аспиранты болып жүргенде сабаққа кешігіп келіп, тақтада жазылған теңеулерді үй жұмысы деп жазып алады. Бұл оған әдеттегі теңеулерден қиын көрінеді, дегенмен ол оны шығарды. Нәтижесінде, ол көптеген ғалымдар шығара алмай келген екі есептің жауабын тапқан.

Ойынханадағы рулетканың барлық сандарының қосындысы «шайтанның саны» - 666-ға тең.

Софья Ковалевская математикамен балалық шағында танысады. Оның бөлмесіне түсқағаз жетіспегендіктен, қабырғалары Остроградскийдің дифференциалдық және интегралдық есептеулері жазылған лекция беттерімен жабыстырылған болатын.

Қызық екен!

Олай болса бүгінгі Қызық екен сайысымызды бастаймыз. Сайысқа қатысушыларды ортаға шақырайық. 10а және 10б сыныптары өз жетекшілерімен келеді.

Ойын ережесі бойынша ойынды кімнің жанкүйері көп сол топ бастайды. Сайысқа қатысушыларға 12 ұяшықтағы 12 сұрақ беріледі. Сұрақтарға дұрыс жауап берсеңіздер 10000 теңге алып отырасыздар. Ойын соңында 13 сұраққа ақша тігіп екі топта өз жауаптарын ұсынады. Егер жауап дұрыс болса тіккен ақшаны алады, ал егер жауап қате болса сол сумма алынып тасталынады. Ойын ережесі түсінікті болса ойынды бастаймыз.

1 Табиғат қандай тамаша. (Биология)

Дүниедегі кез келген ара ұясындағы аналығының санын мен аталығының санына бөлсекқандай сан шығады?

А) РНІ саны б) РІ саны С) е саны д) π

Дұрыс жауап видео арқылы көрсетіледі. Биология пәні мұғалімі А.Е.Әбілқасымованың «Қызықты математика» кітабындағы мәліметті оқып береді.

2. Музыка.

Музыкалық шығармалары Математикадағы әдемі сан «Қасиетті пропорцияға» бағынатын музыкантты ата.

А) Штраусс в) Элтон Джон с) Верди Д) Страдивари