Қызықты математика әлемі, балабақшаға арналған материал

Маңғыстау облысы , Ақтау қаласы «Заманауи білім «Болашақ» академия» балабақшасы әдіскері Алиманова Зауреш

«Қызықты математика әлемінде»

Білім беру саласы: Таным

Тақырыбы: «Қызықты математика әлемінде»

Мақсаты: Геометриялық пішіндер туралы білімдерін бекіту.Негізгі түстерді ажырату, ұқсас заттарды салыстыру, топтастыру арқылы зейіндерін арттыру. Тілдік қорларын дамыту. Шапшаңдыққа, алғырлыққа, ұқыптылыққа тәрбиелеу.

Дамытушылық: Балалардың ой-өрісін, логикалық ойлау қабілетін дамыту.

Тәрбиелік: Балаларды тапқырлыққа ,ұжымдық жұмыс жасауға, бастаған ісін аяғына дейін жеткізе білуге тәрбилеу.

Әдістері: Түсіндіру, саяхат, ойын, сұрақ-жауап, мадақтау.

Көрнекіліктер: Геометриялық пішіндер, суреттер, ойыншықтар, үлестірмелі материалдар, түрлі-түсті үйшіктер макеті, әр түрлі көлемдегі қораптар, жапсыру құралдары.

Оқу іс- әрекетінің барысы:

Ұйымдастыру кезеңі: Балалар әсем әуенмен топқа кіріп , жартылай шеңбер құрып тұрады.

Тәрбиеші: Балалар, қараңдаршы бізге қонақтар келіпті. Қане, қонақтармен амандасып алайықшй:

Білер қазақ баласы,

Салем, сөздің анасы.

Бізге қонақ келіпті,

Төрімізге еніпті.

Бәрінеде, ізетпен,

Аса үлкен құрметпен.

Амандасып алайық.

Ашық-жарқын жүрекпен,

«Сәлеметсіздерме , қонақтар!»

Шаттық шеңбер:

Армысың ашық аспан!

Армысың жарық күн!

Армысың жер ана!

Сәлеметсіңбе достарым!

Жылуыңа жылу қос,

Міне менің қолым.

( Балалар өлең жолдарына байланысты қимылдар жасайды)

Тәрбиеші: Жарайсыңдар балалар, енді орындарымызға отырайық.

Оқу іс-әрекетінің барысы:

-Балалар қазір жылдың қай мезгілі?

-Қазір қыс мезгілі.

-Қыс мезгілінде ауа райы қандай болады ?

-Күн суытып, боран соғып, қар жауады.

-Қардың түсі қандай?

-Ақ түсті

-Балалар қардан не жасап ойнадық?

-Аққала жасадық.

-Ал бүгін ауа-райы қандай?

-Ашық, жылы, тамаша.

-Өте жақсы балалар. Олай болса, меніңде сендерге айтатын тамаша хабарым бар.

(Тәрбиеші ,алыстағы балапаннан хат келгенін және оны пошташының таңертең ерте алып келіп бергенін хабарлайды)

-Балалар хатта не жазылғанын білгілерің келеме?

- Ия. (тәрбиеші хатта балаларға оқып берді)

« Сәлеметсіңдерме балалар ! Мен ойыншықтар әлемінен хат жолдап отырмын. Маған сендердің көмектерін керек. Менің ойыншықтарымды өз орындарына жинауға көмектесіңдерші.»

Балалар ,балапанға көмектесемізбе? Ойыншықтар әлеміне барғыларың келеме?

-Ия.

-Балалар алыс сапарға бару үшін көлікке отырамыз,жолда жүреміз ,ал сендер жол ережесін білесіңдерме? ( Тәрбиеші тақтаға бағдаршамның суретін іліп,балаларға сұрақ қояды.)

-Балалар бұл не?

-Бағдаршам.

-Оның көздерінің пішіні қандай?

-Қызыл ,сары,жасыл.

-Бағдаршамның қызыл түсі жанғанда не істеуіміз керек?

-Тоқтаймыз.

-Сары түсі жанғанда ше?

-Дайындаламыз.

-Жасыл түсі жанса не істейміз?

-Жүреміз.

-Балалар бағдаршам туралы қандай тақпақ білесіңдер?

Тақпақ айту.

1-бала

Ашса кезек үш көзін ,

Айтты деп біл үш сөзін.

«Тоқта!»

«Сақтан!»

«Жол ашық!»

Жүрме жолға таласып.

2-бала.

Табамын деп төтені,

Қыйып өтпе көшені.

Түсін оны қатем деп,

Түсін оны қатер деп.

Тәрбиеші: Балалар қандай тамаша сендер бәріне біледі екенсіңдер.Саяхатқа автобуспен барайық, ал оған отыру үшін , әр өз билеті және белгіленген орны болу керек.( Балаларға,геометриялық пішіндер бейнеленген алқа үлестіріледі.)

Ойын: « Орныңды тап»

Шарты: Сәйкес геометриялық пішінді тауып, өз орнын белгілеу.

Санамақ:

Алма кетті домалап,

Көше бойын жағалап.

Кім алманы табады,

Сол ойыннан шығады.

Тәрбиеші: Міне балалар ойыншықтар әлеміне жетіп қалдық. Қараңдаршы балалар қандай ғажайыа. Неткен әдемі, көп ойыншықтар. Ал, біздің балапанымыз неге жоқ, ол қайда екен.( Көңіл күйі жоқ балапан алдарынан шығады)