Қызықты математика, мектепке дейінгі ашық сабақ

Тәрбиеші: Сейдазымова А.Н.

Тобы: «Балапан»

Бөлімі: Ашық сабақ

Тақырыбы: «Қызықты математика»

Мақсаты: Балалармен геометриялық пішіндер, түстерді ажыратуға, затты көлеміне, санына қарай салыстыруға байланысты тапсырмаларды орындата отырып, оқу қызметіне деген қызығушылығын тудыру. Ертегі кейіпкерлері арқылы балаларды достыққа тәрбиелеу. Танымдық қабәлеттерін арттыру.

Тәрбиеші: Балалар, сәлеметсіңдер ме! – Сәлеметсіз бе!

Ой-ой-ой менің телефоным қайда екен? Шырылдап жатыр! Міне, ол. – Алло, сәлеметсіз бе, қоян! Иә әрине, әрине барамыз. Балалар да барады. Көмектесеміз қоянжан, уайымдама!

Балалар бізге қоян қоңырау шалды. Бүгін қоянның туылған күні екен. Қоян сендерден көмек сұрап шақырып жатыр. Көмектесеміз бе!

Иә, әрине!

Балалар айтыңдаршы қоян қайда өмір сүреді? – Орманда.

Біз орманға қалай барамыз? – Автобуспен.

Дұрыс балалар. Ал, автобусқа отыру үшін бізге билеттер керек екен. Үстел үстіндегі билеттерден ала қойыңдар. (Үстел үстінде пішін тәріздес билеттер жатады). Балалар орындықта көрсетілген пішіндер мен билеттегі пішіндерді салыстырып өз орындықтарына отырады. Автобусқа мініп орманға қоянға барады. (Музыка әуенімен)

Келдік балалар, билеттеріңді үстел үстіне қойыңдар. Тағыда керек болады.

Қоянмен амандасайық, балалар! – Сәлеметсіз бе! – Сәлеметсіңдер ме, балалар!

Балалар, қоянды туған күнімен құтықтап қояйық.

Туған күніңменен! (Хормен құтықтайды)

Қоян сендерден көмек сұрап тұр. Қоянның туған күніне аю отбасымен келеді екен. Дастархан жасауға көмектесулеріңді сұрап жатыр.

Қоян нені ұнатады, айтыңдаршы?

Сәбізді. Әрине, қоян сәбіздерді тарелкаға қойып үлгермепті. Бәріміз үстелге жақындайық.

Үстелде тарелкелер мен сәбіздер тұрады. Балалар бір-бірден сәбізді тарелкеге қояды. Тарелкенің пішінін және сәбіздің пішінін сұрау. Түстерін ажырату. Солдан оңға қарай сәбіздерді қою.

Кәнекей, балалар қоян демалып асын. Біз сендермен сергіту сәтін жасап алайық.

Ұзын құлақ, сұр қоян.

Секең, секең етеді.

Естіп қалып сыбдырды

Ол дірілдеп кетеді.

Жарайсыңдар, балалар! – Қараңдаршы, балалар қонақтар да келіп қалыпты. Барып амандасайық.

Сәлеметсіз бе! – Сәлеметсіңдер ме, балалар!

Балалар қандай әдемі аюлар. Енді айтыңдаршы қай аюдың үлкен, қай аюдың кіші екенін.

Әке аю- үлкен. Ана аю- кіші. Бала аю- аласа.

Жарайсыңдар, балалар! Тағы бір рет бәріміз қайталайықшы.