Рахымжан Қошқарбаевтың ерлігі туралы мақала 10-сыныпқа

Қазақстан Республикасы Қорғаныс министрлігінің Кеңес Одағының Батыры, Халық Қаһарманы, армия генералы Сағадат Нұрмағамбетов атындағы әскери колледжінің тарих пәні мұғалімі.

Орындаған: Нарбаева Салтанат Қадырбайқызы

Тақырыбы: Тарихи тұлға Рахымжан Қошқарбаев

Ұлы Отан соғысының нүктесін қойып, неміс төріне, жеңіс туымен табан тіреген қазақ батыры Рахымжан Қошқарбаев туралы тарихтың әр бетінде есімі сақталатындай ерлік иесі болып қалды.

Cұрапыл сұм соғыстың майданында от кешіп, Кеңес Одағының Батыры атағын иелембей Кеңестік сұрқия саясатта әділдіктің болмағаны баршамызға мәлім. Дегенмен Қазақстан өз тәуелсіздігін алып, ақ түйенің қарны жарылып Рахымжан Қошқарбаевқа лайықты берілген атақ, даңқ кеш болсада әділ шешмін тауып,биыл міне батырымзға 100 жыл толып отыр.

Рахымжан Қошқарбаевтың балалық шағыда оңай болмағаны құдды бір өмірдің ащы дәмін татынын білгендей жеңіл болған жоқ. Киелі Ақмоланың сарыарқа даласында 1924 ж. 19 қазанда дүниеге келіп, Солтүстіктің ызғарлы суығындай бар қиыншылықтың дәмін татып, сол бір ерік-жігерді бойына сіңіріп қайсарлықты жиып бергендей.

Бала Рақымжан небәрі сәбиліктің балдай дәмін 4 жасқа дейін ғана сезінді. Анасы дүниеден өтіп, әкесі жалған саяси жаламен сотталып, ГУЛАГ лагеріне айдалған соң бар үміті ауылдағы кішкентай балалар үйі болатын. Осылайша жетімдіктің дәмін 13 жасынан бастап сезінген Рахымжан Тайтөбе балалар үйінде тәрбиеленеді. Өзінің білімін ойдағыдай бітіріп, 7 жылдық мектептен соң ол Балқаш қаласындағы фабрика-зауыт училищесіне жіберіледі.

«Соғыс» деген суық та қатігез сөз басталғанда Рахымжан Қошқарбаев небәрі 17 жастағы бозбала еді. 1941 жылы 22 маусымда фашистік Германия Совет Одағына шабуыл жасап, 1942 жылдың тамызында Қазақстан және Орта Азия сарбаздарын әскери дайындықтан өткізген Көкшетау қаласындағы атқыштар полкі қатарына алынды, осы жерде 1943 жылдың жазына дейін алғашқы білімін жетілдірді. Одан соң Рақымжан Қошқарбаевты Фрунзеге эвакуацияланған Тамбов жалпыкомандалық жаяу әскер училищесіне оқуға жіберіледі. Тек 1944 жылдың қазанында кіші лейтенант Қошқарбаев училищені үздік тәмамдап, майдан шебіне қосылады.

Осы соғыста 1945 жылы 16 сәуірде Рақымжан басқарған шабуылдаушы взвод Одер өзенінің батыс жағалауындағы Гроенойндорф елді мекеніндегі жаудың бетін қайтарып, өзінің іскерлігін дәлелдеді. Осы судан ары кеңес әскерін өткізбей, немістер тоқтаусыз оқ жаудырып тұрған. Атылған оқтың астымен жорғалаған Қошқарбаев взводы немістердің тұрағының үстінен түсіп, бетпе-бет соғысып тағы бір қадам алдыға жылжиды.