Рақмет саған, Әліппе! қоштасу ертеңгілігінің сценарийі

«Қош, сүйікті Әліппем!»

(Әліппемен қоштасу ертеңгілігі)

Мақсаты: Оқушылардың әліппеден алған білімдерін ортаға салу. Оқушыларды ана тілі оқулығымен таныстыру және өзін-өзі басқаруға үйрету. Көрнекіліктер: Шарлармен безендіру,суреттер.

Жүргізуші:

-Құрметті ата-аналар,ұстаздар және оқушылар! Бүгінгі «Қош, сүйікті Әліппем!» атты мерекемізге қош келдіңіздер! Осыдан 4 ай бұрын мектеп табалдырығын қысыла да қызыға аттаған бірі отбасының тұңғышы,бірі кенжесі, ата-әжесінің сүйікті де еркесі болып жүрген ұл-қыздарымыз, өздерінің ең алғашқы оқулығы болған Әліппемен бүгін қоштасқылы отыр. -Ендеше, кішкентай бүлдіршіндеріңіздің білім өлкесіне қарай басқан алғашқы қадамдары құтты болсын! Сонымен «Қош, сүйікті Әліппем!» атты ертеңгілігіміздің кейіпкерлерін 1 «А» сынып оқушыларын ортаға қол соғып, қошеметпен қарсы алайық!

Номер: 1 «а» вальс

Жүргізуші: Балалар біз осы төрт ай барысында не үйрендік?

Оқуды

Жазуды

Есеп шығаруды

Сурет салуды, бояуды

Ән айтуды, ойнауды

Денемізді шынықтыруды.

Жүргізуші:Балалар, мен сендерге жұмбақ жасырайын, соны тауып көріңдер?

Бар білімнің бастауы,

Бар ғылымның бастауы.

Жас балаға нұр шашқан,

Қандай кітап тіл ашқан?

-Ол сүйікті Әліппе!

Жүргізуші: Олай болса,бәрімізге ең қымбат «Әліппені» ортаға шақырамыз.

Әліппе: (Әліппе әні қосылады)

- Армысыңдар жас достар!Армысыңдар, ата - ана!Болашаққа жол бастар,Әліппең келді ортаға.Жақсы білім көрімдік,Болсын бізге халайық.Не үйретіп, не білдік,Қане, ортаға салайық!

Жүргізуші:Қош келдің, Әліппе, кел төрлет. Біздің сыныптың балаларының білімі мен өнерлерін тамашала. Қонақ бол.

Ән: Рақмет,саған Әліппем!

Әліппеге арналған тақпақтар:

Мәриям.Осылай алға аттадым,

Әр әріпті жаттадым.

Жаттаған сайын әріпті,

Сөз құрап жаза бастадым.

Нұрым.Үйреттің бізге Әліппе,

42 дербес әріпті

Сөз,сөйлем құрап әріптен,

Жаздырдың бізге Әліппе.

Айсұлтан.Оқитын әрі жазатын

Білімге қол созатын

Оқушы болдық сауатты

Білімге тегін қазатын.

Мерей.Әліппе сауатыммен,санамды аштың

Достарыммен теңдес араластым

Үйреніп әріптермен әңгімені

Күн сайын алға қарай қадам бастым.

Айару.Әліппеміз ғажайып,Қуанышты етеді.Хош бол менің Әліппем,Әріптердің мекені. Бегімсұлу.Рахмет саған, Әліппем,Әріптерді танытқан.Қырық екі әріпті,Білім етіп дарытқан.

Жаннұр.Бар кітапқа бес болған

Әліппе – ғылым анасы

Әліппеден басталған

Даналықтың данасы

Дильнара.Әліппе деген алтын жол,

Апарар сені алысқа

Жеңіл емес,ауыр жол

Тырысып бақ намысқа.

Нұрислам.Жасым толып мектептің

Ашқанымда есігін

Қарсы алдың Әліппем

Ыстық маған есімің

Айзере.Әліппе-басы білімнің

Әліппе-нұры жерімнің

Әліппе-бағы баланың

Жарық таңы елімнің

Әнуар.Енді біз жаза білеміз,

Әріпті қосып әріпке.

Риза боп соған жүреміз

Сүйікті біздің әліппе.

Әлинұр.Әліппем,менің Әліппем!

Сені қолға алып мен.

Есігін ашып білімнің

Ертеңгі сәуле жарықпен.

Аян.Өтті оқу ,сан сабақ

Бүгін үлкен салтанат

Оқулықпен достассақ,

Әліппемен қоштаспақ.

Нұржігіт.Келгенде алғаш мектепке

Білмеуші едік әріпті

Оқимыз қазір ертекті

Үйреткен оны Әліппе

Аңсар.Әліппе даңғыл жол ашты,

Жаңадан пәндер жалғасты

Әліппе сырын ұқтырған

Рахмет,ұстаз алғашқы! Дидар.Әріптерді үйреткен,Әліппемсің, бағалым.Қолымдағы Әліппем,Сені қимай барамын. Рабия.Бастап сенен оқуды,Үйрендік біз Әліппем.Жүректе сен боласың,Хош бол менің Әліппем. Ханым.Сенен әріп үйрендік,Сөзді оқып ежелеп.Хош бол әріп мекені,Әліппесің ең керек. Раяна.Бастап сенен оқуды, Үйрендік біз Әліппем. Жүректе сен боласың, Қош бол менің Әліппем.

Оқушылардың «Әліппе» әні орындалады. Қойылым Жүргізуші: Ерте, ерте ертеде, Ешкі жүні бөртеде, Орманда екі үй болыпты: біреуі көк, біреуі қызыл. Көк үйде дауыссыз дыбыстар, қызыл үйде дауысты дыбыстар тұрыпты. Олардың атасы «Әліпби» деген дана болыпты. Осы екі үйдің қызыл үйшіктегі әріптері дауыс шығарып көңілді тұрыпты да, ал көк үйдегі әріптер үнсіз өмір сүріпті. Мұны көрген Әліпби «Мен осы екі үйдегі әріптерді…