Рухани білім беретін мамандық туралы мақала

Рухани білім беретін мамандық

Дін мен дәстүр, руханият – адам өмірінің маңызды құрамдас бөліктері. Олар адамның рухани әлемін байытып, қоғамдағы мәдени және моральдық үйлесімділіктің негізін қалыптастырады. Сондықтан жоғары оқу орындарында дінтану пәні ерекше мәнге ие.

Дінтану – бұл діннің шығу тегі, оның негізгі ұғымдары, түрлі діндердің сенім жүйелері мен ғұрыптарын зерттейтін ғылым. Жоғары оқу орындарындағы дінтану сабақтарының мақсаты – студенттерге діндердің көптүрлілігін, олардың адамзат тарихындағы және қазіргі заманғы рөлін түсіндіру, дінге деген құрмет пен төзімділікті қалыптастыру. Сондай-ақ дінтану арқылы жастар дін мен мәдениеттің қоғамдағы рөлін, діннің рухани және моральдық маңызын тереңірек түсінеді. Дін адамның Жаратушыға деген сенімін негіздесе, дәстүр – қоғамда ұрпақтан ұрпаққа беріліп келе жатқан әдет-ғұрыптар мен құндылықтар жиынтығы. Дәстүрлер арқылы ұлттың мәдениеті, тарихы, дүниетанымы сақталады. Мысалы, қазақ халқының ұлттық мейрамдары мен салт-дәстүрлері халықтың бірлігін нығайтып, оның рухани байлығын арттырады. Руханият – адамның ішкі жан дүниесінің байлығы мен рухани өсуі. Бұл ұғым тек діни сенімнен ғана тұрмай, жалпы мәдени-рухани дамудың негізі болып табылады. Руханият арқылы адам өмірдің мәнін түсініп, адамгершілік пен ізгілікке ұмтылады.

Әл - Фараби атындағы Қазақ Ұлттық университетінде дінтану, исламтану пәндерін оқыту студенттердің мәдениаралық қарым-қатынас дағдыларын дамытып, қоғамдағы түрлі діни сенімдерге түсіністікпен қарауға ықпал етеді. Бұл қазіргі жаһандану кезеңінде әсіресе маңызды, себебі дін мен дәстүрлердің үйлесімділігі – қоғамдық тұрақтылықтың кепілі. Дін, дәстүр және руханият – адамның өмірлік құндылықтары мен мәдениетінің іргетасы. Оларды зерделеу арқылы жастар өз ұлтының тарихын, мәдениетін құрметтеуді, рухани байлықты арттыруды үйренеді. Сондықтан дінтану сабақтары студенттердің рухани дамуына, толеранттылыққа және мәдени сананың қалыптасуына зор үлес қосады. Студенттер «Діндер тарихы», «Әл-Фараби және қазіргі заман», «Араб тілінің негіздері» сияқты пәндерді қызыға оқиды. Еліміздегі белді жоғары оқу орнының Философия және саясаттану факультетінің «6B02202 – Исламтану» мамандығының тәжірбиелі ұстаздары студенттерге сапалы білім беруде. Университет есігін биыл ашқан, жас білім алушылардың филос.ғ.к., Дінтану және мәдениеттану кафедрасының доценті, кураторлары Қаңтарбаева Жанна Уринбасаровнаға алғыстары шексіз. Оқу процесі мен тәрбие жұмысын қатар жүргізіп,…