Рухани жаңғыру және ел жетістіктері туралы шығарма

М.Өтемісұлы атындағы №28 жалпы орта мектебі.

Эссе. Рухани жаңғыру - ұлт болашағы.

Елбасымыздың "Болашаққа бағдар: рухани жаңғыру" атты 2017 жылы жарық көрген мақаласы - мемлекетіміздің бұдан арғы дамуына жол көрсететін, бағытын айқындайтын маңызды бағдарлама болды.

Жаһанданудың жалыны барлық саланы шарпып, ұлттық болмысымызды сақтап қалуға қауіп төніп тұрғанын ескерсек, мақаланың маңыздылығы да тереңдей түседі.

Заман ағымынан да қалмай, ұлттық сананы да бойына сіңірген ұрпақ тәрбиелеу үшін Елбасы ұсынған 6 бағытқа сүйене отырып әрекет ету керек.

Бірінші, "бәсекелік бағыт" мемлекет дамуының негізгі қозғаушысы. Өйткені бәсеке болған жерде сан да, сапа да болады. Мысалы, белгілі бір саладағы маман немесе өнім шығаратын кәсіпкер басқа бәсекелестерден артық болуы үшін барын салады. Әлемді мойындатар алыптар, мықты брендтердің отанымыздан шыққаны бәсекелік қабілетімізді арттырады. "Тұтас ұлттың сауатты, тіл білуі, мәдени ашықтығы" - бәсекелестіктің негізгі көрсеткіші.

Елбасы басымдық беретін екінші бағыт - "прагматизм" - генетикалық кодпен берілетін ұлттық болмысымызды сақтап қалу. Халқымыздың кезінде жоғалтып ала жаздаған дүниетаным, салт-дәстүр, ұстанған қағидаларында болашақ ұрпақ бойына сіңірер қасиеттер көп.

Табиғатпен етене, гармонияда өмір сүрген ата-бабамыздың қоршаған ортаны қадірлеудеуі, айналаны танып-білуі тұтас бір ғылым.

"Бір тал кессең, он тал ек" дейтін бабалар өсиетін орындау қазіргідей орманымыз орынсыз оталған, тіпті планетаның өзіне жасыл экономиканың қажеттілігі туған шақта аса қажет.

"Иттің иесі болса, бөрінің тәңірісі бар" деп есептейтін қазақ аң-құсты бейберекет атуға, аулауға тыйым салған.

Әлемдік психология, философия, физика ғылымдарында "энергия алмасу" немесе "бүкіл ғалам энергия алмасу заңына бағынады" деген тұжырым бар. Яғни, жасаған жақсы, жаман істерің айналып, мүлдем басқа жақтан бәрібір алдыңнан шығатыны туралы ұғымды халқымыз о бастан "обал, сауап, кие" ұғымдарына сыйдырып жіберген.

Ғалам заңдылықтарын ішкі түйсігімен-ақ ұғып, үйлесімде өмір сүрген ата-бабамыздың бай тәжірибесінен қол үзбей, қайта жаңғырта отырып, "Ұлттық бірегейлікті сақтап қалу. Ия, мақаладағы үшінші бағыт - салт-дәстүр, таным-түсініктегі заманға сай келе бермейтін, дамуға кедергі болатын әдеттерден арылу. Жершілдік, рушылдық, қазіргі тойлардағы ысырапшылдық ("жиғаным тойда шашылсын" дегенді ұстану), туған-туыстарды біліктілігіне қарамай жұмысқа…