Рухани жаңғыру туралы эссе мен шығарма, 8 сынып

2018 жылдың 20-қыркүйегінде «Төлеубай Ыдырысұлы Амановтың төрт кісілік қасиеті» деген атпен ашық сабақ өткіздім. Бұл ашық сабақтың басты мақсаты оқушыларды физика-математика ғылымдарының докторы және профессор Амановпен таныстыру болды. Оны жүзеге асыру үшін сабақ барысында түрлі тапсырмалар орындалды. Негізінен, бұл ашық сабақтың өткізілу себебі Н.Ә.Назарбаевтың «Болашаққа бағдар: Рухани жаңғыру» атты бағдарламалық мақаласының басты идеясымен тікелей байланасты, себебі мемлекетіміздің дамуына өзіндік үлесін қосқан ұлы тұлғаларды еске түсіріп, оларды үлгі тұту - қазақ халқының рухани жаңғыруының дәлелі. Сондай-ақ, Бауыржан Момышұлының «Ұшқан ұя» атты кітабына негізделіп, ашық сабақ өткіздім. Біз білетіндей, Бауыржан Момышұлы «Қызыл ту», «Құрмет белгісі» ордендерімен, «Мәскеуді қорғағаны үшін» медалімен марапатталған,яғни, ол өзінің ерлігімен және ұлтына деген жанашырлығымен ерекшеленген. Сол себепті, қазақтың біртуар азаматымен 7-сынып оқушыларын таныстыруды жөн деп санап, ашық сабақтың басты құндылығын ата-бабамызға тағзым көрсету деп алдым. Айтқым келгені, мектебімізде өткзілетін сабақтар жастардың ұлы тұлғаларды біліп өсуіне, олардың рухани жаңғыруына бағытталған.

Қазақ халқымыздың ұлттық киімдерін, салт-дәстүрлерін, мейрамдарын дәріптеу - өскелең ұрпақтың бойында еліне деген патриотизм сияқты қасиеттерді сіңірудің бірден бір жолы. Дәл осы мақсатпен, Т.Ы.Аманов атындағы №16 жалпы орта білім беретін мектепте түрлі іс-шаралар ұйымдастырылады. Соның бірі – ежелгі заманнан қалыптасқан жыл бастау «Наурыз» мейрамын тойлау. «Наурыз» мейрамында күн мен түн теңеледі, табиғатпен бірге барлығы жаңарады деп саналады, сондықтан оны тойламау - қазақ халқына жат нәрсе. Біздің мектепте де жыл сайын барлық сынып оқушылары бірігіп, қазақтың ұлттық киімдерін киіп, түрлі ұлттық тағамдардың дәмін татып, ұлыстың ұлы мерекесін тойлайды. Менің ойымша, сол күні жас балалар мен қыздар, мұғалімдер, жұмыскерлер халқымыздың ұлттық мәдениетімен танысып, рухани азық алады. Сонымен қатар, жастардың патриот болуы үшін тарихи орындарға жиі саяхаттап тұру қажет. Өскемен қаласында орналасқан бірлік пен татулықтың тұтқасына айналған ең үлкен этноауылға -сынып оқушыларымен айында барып қайттық. Бұл этноауылда жүздеген ұлттардың үйі жеке мұражай ретінде ашылған,яғни, оқушылар өзге ұлттар жайлы көбірек ақпарат жинап, қазақ халқының өзіндік ерекшеліктері бар екенін түсінді деп толы