Рухани жаңғыру және қазақстандық патриотизм 7 сынып

Тәрбие сағатының тақырыбы: Рухани жаңғыру-қазақстандық патриотизмнің негізі

Тәрбие сағатының мақсаты:. Патриоттық сананы ынталандыратын ұлттық құндылықтарды жаңғырту; оқушылардың бойында ұлттық сананы ояту, жас ұрпақ бойында туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру. Отанын сүюге, бірлікке, ел тарихын білуге, еліміздің мемлекеттік рәміздерін қастерлеуге, отанымыздың байлығын қорғауға, елімізді өркендетуге білімді ұрпақ болуға тәрбиелеу.

Тәрбие сағатының көрнекілігі: компьютер, Елбасының, Астананың суреті және слайд.

Түрі: ашық тәрбие сағаты.

Тәрбие сағатының барысы:

/Гимн « Менің қазақстаным»/

1.Ұйымдастыру. Амандасу, сабаққа ынтасын аудару.

2. Психологиялық ахуал орнату .- Әр оқушы шеңберде тұрып, бір-біріне жылы тілектерін білдіреді.

3.Оқушыларды топқа бөлу: (3 түс арқылы) 1-топ: Рәміздер, 2-топ: Жаңа Қазақстан,

3- топ: Нұрлы жол

Кіріспе сөз.

Мұғалім:

Құрметті оқушылар, ұстаздар! Бүгінгі күні 7Ә сыныбында ұйымдастырылып отырған «Рухани жаңғыру-қазақстандық патриотизмнің негізі !» атты Білім күнінің алғашқы сабағына қош келдіңіздер.

Елбасының жариялаған «Болашаққа бағдар: рухани жаңғыру» атты жобасы елім, жерім деген әрбір қазақстандықтың ойланатын ісі деп білемін. Жолдаудың қазақ тілінде ғана жариялануы, жерін басып, суын ішіп жүрген қазақстандыққа үлкен ой салады. «Мен өткен өмірімде Қазақстанға, туған жеріме қандай игі іс істедім»,- деп өзінің істеген ісіне баға беретін кез келді.

Мақсатқа жету үшін біздің санамыз ісімізден озып жүруі, одан бұрын жаңғырып отыруы тиіс. Сонау Құтты білек тағылымдарында, Дулат шығармаларында, одан бері Әл-Фараби, Абай, Мұхтар, Шәкәрім тағылымдарында рухани құндылыққа үлкен мән берді. Абайдың бес нәрсеге ғашық болып, бес нәрсеге асық бол деген өлеңі бәріміздің санамызда болуы керек.

Еліміз жаңа тарихи кезеңге аяқ басты. Біздің мақсатымыз айқын, бағытымыз белгілі, ол – әлемдегі ең дамыған 30 елдің қатарына қосылу. Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс. Отанды сүюге, өз елін, тарихын білуге, жалпы адамзаттық құндылықтар мен терең көзқарастарды сіңіру арқылы таным белсенділіктерін арттыруға бағыттау. Жалпыадамзаттық, мәдениетаралық білімдері мен сыни ойлау, зерттеушілік дағдылары дамыған, отансүйгіш тұлға. Өзінің даму барысында, өмір бойы оқуға қабілетті, жоғары адамгершілік құндылықтары бар, жоғары білімді, зияткерлік жеке тұлғаны тәрбиелеуге бағытталған қауымдастық құру. Қазақстандық патриотизм әр оқушының бойына өмірлік принциптері ретінде қалыптасады.

1-бөлім «Постермен жұмыс»

1-топ: Нұрлы жол « Болашаққа бағдар:рухани жаңғыру» (көмекші құралдар яғни газет, журнал қиындыларын, сөздер беру)

2-топ: Жаңа Қазақстан - « Мәңгілік ел »

3- топ: Рәміздер «Рәміздерім – елдігімнің белгісі » (көмекші құралдар яғни газет, журнал қиындыларын, сөздер беру)

2-бөлім «Оқушылар сәлемдемесі»

1-оқушы

Қазақстан дейтін менің бар елім, Жатыр алып жарты дүние әлемін! Бұл даланы анам жаспен суарған, Бұл далада атам қолға ту алған. Бұл далаға жылап келіп, уанғам, Бұл даланы көріп алғаш қуанғам, Бұл далада өскен жанда жоқ арман!

1- оқушы

Мен қазақпын, биікпін, байтақ елмін

Қайта тудым, өмірге қайта келдім

Мен мың да бір тірілдім мәңгі өлмеске

Айта бергім келеді, айта бергім!

2- оқушы

Кең байтақ, көз жеткізбейтін жерім менің

Таулы орман, жасыл жайлау, көлім менің

Бүгінде бар әлемге даңқың жетті

Тәуелсіз Қазақстан – елім менің!

3- оқушы

Сен неткен Отан-Анам, ғажап едің

Әспеттеп көркем тілмен жазар едім

Болашақ ұрпағыңның бақыты үшін

Жайнай бер, Ұлы Отан- қазақ елім!

4- оқушы

Жаңа ғана қазағымның таңы атты

Алу мақсат ел деп, алғыс сауапты

Әр отбасы, әрбір қазақ, әр адам

Тәуелсіздікті сақтау үшін жауапты.

5 - оқушы

Кім танымас тербелген тал бесікті

Болашаққа айқара аштық кең есікті

Барша ел аузын ашып тамсанумен

«Қандай ғажап, егемен ел десіпті!»

6- оқушы

Осы дала саған да ортақ, маған да

Мұндай мекен таба алмайсың ғаламда

Сый мен құрмет, ізет-құрмет барлығы

Тең дарыған біздегі әр адамға

7- оқушы

Егеменді ел болудың белгісі-