Руханияттың шырақшысы Шәкәрімге арналған тәрбие сағаты

«Руханияттың шырақшысы- Шәкәрім» әдеби караоке

Мақсаты: Қазақ ақыны, ойшыл Шәкәрім Құдайбердиевтің артына қалдырған мол мұраларын ұрпақ жадында жаңғырту, шығармаларын дәріптеу,қазақ поэзиясына қосқан үлесі туралы әңгімелеу.

1-Жүргізуші: Құрметті оқушылар !Бүгінгі Шәкәрім Құдайбердиевтің шығармашылығына арналған «Руханияттың шырақшысы» атты мәнерлеп оқу кешіне қош келдіңіздер!

2-Жүргізуші: Құрметті оқырмандар! «Бір ел – бір кітап» республикалық акциясын Ұйымдастыру комитетінің шешімімен жыл кітабы ретінде, яғни 2018 жылы үш автордың бірі болып, ақын,ойшыл Ш.Құдайбердиевтің «Үш анық» шығармасы таңдалған болатын .Міне сол акцияға орай бүгін 8-9 сынып оқушыларының қатысуымен ақын шығармаларын дәріптейтін боламыз.

1-Жүргізуші:

Бүгінгідей түрлі мәдениеттер тоғысындағы жаһандану үрдісіне бағыт бұрған заманда ұлтымыздың рухани өресін биіктеткен тұлғалардың қалдырған мұрасына қайта үңілу оның тағылымдық мәнін қайта зерделеу – заман тудырып отырған қажеттілік. Өткен ғасырдың күрделі кезеңінде өмір сүрсе де ғаламдық ой таным дәрежесіне көтерілген Шәкәрім Құдайбердіұлының әдеби мұрасының түп қазығы – «ақ жүрек», «таза ақыл», «адал еңбек» иесі түзу адамды қалыптастыру, сол арқылы қоғамды түзеу мақсатын ұстанған .

2- Жүргізуші: Ш. Құдайбердиев - қазақ ақыны, ойшыл, композитор, аудармашы. Ол 1858 жылы 24 шілдеде, қазіргі Семей облысы, Абай ауданы, Қарауыл ауылында дүниеге келген. Әкесінен жастай жетім қалып, немере ағасы Абай Құнанбаевтың колында тәрбиеленеді. Бұл жағдай Ш.Құдайбердиевтің дүниеге көзқарасының қалыптасуына, ақындық шеберлігінің шыңдалуына, зор әсер етті. Жеті жасынан бастап өлең жазып, өмірінің ақырына дейін ағартушылык бағыт ұстады. Абайдың жаңашылдық дәстүрін дамытып, Абайдан кейінгі екінші реалист ақын атанды.

1-Жүргізуші:

Енді ақын туралы толығырақ мағлұмат беру үшін сөз Ойыл ауылдық кітапханасының кітапханашысы Ажар Тілекбайқызына беріледі.

2-Жүргізуші:

Ар ілімін адамдық сапаның алдына шығарып бүкіл поэзиялық туындыларына өзек еткен Шәкәрім тағылымы бүгінгі күн үшін де аса қажетті әрі көкейкесті мәселе болып отыр. Ұлы Абайдың ізбасары бола отырып, ұстазы жеткен деңгейде қалып қоймай өзгеше өрнек тауып, қайталанбас қолтаңба қалдыруының өзі – Шәкәрім ұлылығын айғақтайтын басты белгі. Ақын поэтикасындағы күрделі тақырыптарды дүниетанымдық тұрғыдан көркем бейнелеу үлгісін ғылыми саралау – бүгінгі қазақ поэзиясының бастау көздерін анықтауға негіз болады. Соны ізденістер арқылы Шәкәрім өлең сөздерін жетілдіріп, рухани әлемімізді жаңа әдіс- тәсілдермен, бейнелік оралымдармен, жаңа сөз тіркестерімен образдық үлгілермен толықтырған.

1-Жүргізуші:

Шәкәрімнің поэтикалық әлеміндегі бейнелі суретті образдардың мәні қазақтың ғана емес, жалпы адамзаттық ақыл - ой дүниесімен астасып жататындығымен құнды.

2-Жүргізуші:Ендігі кезекті ақын өлеңдеріне кезек берсек.

1. «Адамдық борышың» оқитын Нұрсәт Ұзақбай

2. «Аурусыз жанға айла жоқ» оқитын Гүлмаржан Әділхан

3. «Өмір» өлеңі оқитын Марғұлан Асхат

Абайдың әні «Көзімнің қарасы» орындайтын Айкөркем Сағынбай

1-Жүргізуші: