Сәбилік көңілден арналған бұл әнім сабақ жоспары

Сәбилік көңілден арналды бұл әнім

Мақсаты: Оқушыларға «8 наурыз» туралы түсінік беру. Балаларды барлық аналарға деген сүйіспеншілікке баулу, ана еңбегін ардақтап құрметтей білуге тәрбиелеу.

Көрнекілігі: итербелсенді тақта, слайдтар, гүл шоқтары, шарлар.

Сабақтың барысы:

Ән: «Әже» орындайтын Бектемиров Ералы

Жүргізуші:

Бала, бала, бала деп,

Түнде шошып оянған.

Түн ұйқысын төрт бөліп,

Түнде бесік таянған.

Қолын қатты тигізбей,

Кір көйлек кигізбей.

Иісін жұпар аңқытқан,

Бұл кім? Бәрі:

АНА .

Жүргізуші:

Ана- өмір, қолдаушысы әлемнің,

Шаңырақтың шаттығы мен шуағы.

Сейілмесін жанарынан ананың

Тіршілкке төккен нұрлы шуағы.

Аялайық аналарды әрдайым,

Қуанышқа бөлейікші өздерін.

Әжелердің, аналардың, қыздардың

Мұң шалмасын күлім қаққан көздерін.

Ана- барлық өмірдің бастауы. Ол адамды өмірге әкеледі, оны тәрбиелейді, өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана- ұлы адам, ана- құдіретті жан, ендеше бүгінгі мерекелеріңіз құтты болсын, аяулы аналар!

Жүргізуші: Құрметті асыл аналар, қадірлі апайлар, қызғалдақ қыздар, бүгінгі «Сәбилік көңілден арналды бұл әнім» атты имандылық сағатымызды бастаймыз.

1-оқушы: Бүгін наурыздың сегізі,

Сұлулықтың негізі.

Әдемі сөз- Адамның

Анаға айтар лебізі. (Ерасыл)

2-оқушы: Жақсы оқыған сабағын,

Балаға мен ағамын.

Біздер үшін ананың,

Бұлт баспасын қабағын. (Ислам)

3-оқушы: Мен гүлдерді жұлмаймын,

Торғайларды қумаймын.

Айтқан сөзін тыңдаймын,

Анашымды сыйлаймын. (Гүлжайнар)

4- оқушы: Айналайын, анашым,

Жұмысыңа барасың.

Қайтып мені көргенше,

Шын сағынып қаласың. (Дархан)

5- оқушы: Бәрімізге анасың,

Біз үшін күн болып жанасың.

Құтты болсын мейрамың,

Құттықтаймын, анашым! (Жансейіт)

6- оқушы: Баласын балапаным, балам,- деген,

Түн ұйқысын төрт бөліп, жаным- деген.

Анамен тең келер жоқ бұл дүниеде,

Ұмытпайық, ең ұлық жан- ана деген. (Жанеркем)

Ән: «Мама». Орындайтын: Тарих Жансейіт

Жүргізуші: 1910 жылы Данияда Копенгаген қаласында революционер әйелдердің халықаралақ конференциясы өтті.

Мінбеге Клара Цеткин шықты. Ол ақ шашты, қара көзді, орта жастағы адам еді.

«8 наурыз барша әйел қауымының мерекесі болсын» деген ұсыныс айтты. Ұсыныс бір ауыздан қабылданып «8 наурыз- Халықаралақ әйелдер күні» болып қабылданды.

Ән: «Ана, әке»

Орындайтын: Рахим Мерей

Сөзжұмбақ шешсек қалай қарайсыздар балалар.

А

Н

А

Ж

А

Н

Ең ардақты жан?

Келіннің екінші анасы?

Ана кімдерді дүниеге әкеледі?

Тұрмыс құрғандағы жаныңдағы серігің?

Ана, апа, шеше басқаша қалай аталады?

Ана біздің қорғаушы иеміз?

Би; «Калинка». Орындайтын: «Қыздар тобы».

Оқушы: Айналайын, анашым,

Аялайсың, бағасың.

Менің үшін не керек.

Бәрін іздеп табасың. (Ералы)

Оқушы: Біз доспыз гүлдермен,

Текке оны жұлмаймыз.

Той күні бір- бірден

Анаға сыйлаймыз. (Мерей)