Сәбира Майқанова туралы ақпарат сағаты

КСРО халық артисі сабира Майқанова - 110 жыл толуына орай «Қазақ театрының хас шебері» ақпарат сағаты.

Кітапханашы: Армысыздар кітапхана оқырмандары, кітапхана қонақтары. Бүгін Сахна өнеріне сүбелі еңбек сіңірген, үздік бейнелерді сомдаған актриса, қазақ театрының хас шебері Сәбира Майқанованың өмірі мен шығармашылығы жайлы сіздерге ақпарат беретін боламын.Сәбира Майқанова 1914 жылы 1 қаңтарда Қызылорда облысының қазіргі Сырдария ауданында дүниеге келген. Ата-анасынан ерте айырылған ол интернатта тәрбиеленген. 1930 жылы Алматы Кооперативтік техникумына түседі, одан кейін біршама уақыт сауда саласында еңбек етеді. Алайда, өнерге деген махаббаты, театрға деген ынта-ықыласы жеңеді де, 1932 жылдың қаңтарында Қазақ Мемлекеттік драма театрына жұмысқа кіреді. Әу баста сахналық қойылымдарға көпшілікпен бірге қатысып жүреді, ал, алғашқы рөлі Б.Майлиннің «Майдан» драмасындағы Алтынай еді. Кәсіби сахна өнерінің негізін қалаған аға ұрпақпен әріптес бола жүріп мол тағылым алған Сәбира Майқанова қара шаңырақ театр сахнасында алпыс жылдан аса үзіліссіз еңбек етіп, жарқын да шоқтықты бейнелердің тұтас бір галереясын жасады; кәсіби театр өнерінің өркендеуіне бар жан-тәнімен қызмет етті. Сәбира Майқанованың сан қырлы дарыны әртүрлі жанрда жарқырап көрінді. Әсіресе, әйел-ана рөлдерін жан жүрегімен бер