Салауаттылық – саулық негізі тәрбие сағаты

Сабақтың тақырыбы: Салауаттылық – саулық негізі

Мақсаты: оқушыларға салауатты өмір салтын насихатай , өз денсаулықтарына жауапкершілікпен қарауға, ізгілік пен мейірімділікке тәрбиелеу; шығармашылық, сөйлеу қабілеттерін дамыта отырып жеке тұлға қалыптастыру.

Жүргізуші: Бүгінгі сабағымыздың тақырыбы – «Салауаттылық – саулық негізі», ал мақсатымыз – салауатты өмір салтын қалыптастыру, салауатты өмір сүру.Салауатты өмір сүру дегеніміз – дұрыс тамақтану, жеке бастың гигиенасын сақтау, шынығу, зиянды әдеттерден аулақ болу, қоршаған ортаның тазалығын сақтау.

Жүргізуші: Осы сабақтың жақсы өтуі үшін сабақты бірнеше бөлімдерге бөлуді жөн көрдік.Қазір «Солай болған» бөліміндегі өлеңді оқып берейін және бірге талқылайық.

«Солай болған» бөлімі

Өле алмай жүрген сырқатпын,

Шіріген картоп сияқты

Бұрышында қалған бір қаптың.

Өзімнен өзім тістенем,

Істеген ісіме өкінем.

Ұмытайын десем қорқамын,

Көрмейтін сұмдық түс көрем.

Жұмбақ кейіпкердің хатын оқи отырып балалармен ой бөлісу.

Сұрақ

Жұмбақ кейіпкердің әрекеті дұрыс па?

Сен жұмбақ кейіпкердің орнында болсаң не істер едің?

Қазір оған қандай ақыл-кеңес берген дұрыс деп ойлайсың?

Кейбір адамдар неліктен темекіге, ішімдікке әуес болады?

Зиянды нәрселерден қалай бас тартуға болады?

Жүргізуші: Міне, балалар, осындай жағдайларға тап болмас үшін ата-ананың ақыл-кеңесін тыңдап жаман әдеттерден аулақ болғанымыз жөн.

«Пікірлесейік» бөлімі

1-жағдаят. Бір күні сені жан досың бір отырысқа ертіп баратындығын айтты. Онда барғаныңда үлкен жиынның үстінен түстің. Сені бейтаныс адамдар ішімдік ішуге, шылым шегуге шақырды. Досың да солар жағында. Бұған дейін досыңның мұндай әдеттерін байқамапсың.

Осы жағдайда сен не істер едің, қандайда бір шұғыл шешім қабылдайсың ба? Өз шешіміңмен бөліс.

2-жағдаят. Сыныпқа жаңадан оқушы келді. Барлық сынып оқушылары жақын араласып кетті. Сіз онымен дос та болып алдыңыз. Кейін сіз оның жұқпалы аурумен ауыратынын білдіңіз.

Бұл жағдайдағы сіздің іс-әрекетіңіз қандай?

3-жағдаят. Сен ағаңмен өте татусың. Бір күні ағаңның жанқалтасынан бір қорап темекі тауып алдың. Ол әке-шешеңе айтпауыңды өтінді. Сенің әрекетің?

Оқушылардың ой пікірін тыңдау.

«Мақал – сөздің мәйегі» бөлімі

Бас аманда мал тәтті, бас ауырса жан тәтті.

Жарлының байлығы – денінің саулығы.