Салауаттылық денсаулық негізі тәрбие сағаты

Тақырыбы: Салауаттылық -денсаулық негізі

Мақсаты:

а)Өркениетті елдің азаматының денсаулығы мықты, зиянды әдеттерден аулақ болу керек екенін түсіндіре отырып, шылымның адам өміріне зиянын ұғындыру,

ә)салауатты өмір салтын қалыптастыру, спортпен шұғылдануға ықпал ету. Өз өмірін, денсаулығын сақтап, қорғай білуге тәрбиелеу.

Көрнекілігі:

Суреттер, нақыл сөздер.

1. Денсаулық-ол шыныққан, барлық дене мүшесі,

Денсаулық-ол тыныққан, жүйкетамыр мүшесі.

2. «Денсаулық-әркімнің жеке байлығы болса, дені сау адам-қоғам байлығы»

Сабақтың барысы:

1. Кіріспе сөз.

Адамның жастығы дегеніміз тамаша, сәулетті көктем,ол өмірде бір ақ рет беріліп және қайтып келмейтін адам баласының естен кетпес балауса бақытты шағы.Атабабаларымыз «Денсаулықзор байлық» деген сөзін тегін айтпаған. Денсаулық-әрбір адамның жеке байлығы болса, дені сау адам қоғам байлығы. Ал қоғам жеке адамнан құралады. Сынып сағатымыздың мақсаты өркениетті еліміздің сіздердей азаматын, зиянды әдеттерден, яғни ішімдіктен, нашақорлықтан, шылым шегуден аулақ болуға бағыттау, спортпен шұғылданып, салауатты өмір салтын ұстануды көздейді, әрбір оқушының өз денсаулығын сақтап, қорғай білуіне ықпал ету.

Ертеде ауа тазалығы бұзылмай, қоршаған орта ластанбай тұрғанда, адамдар аз ауырған. Ен даланы еншілеп, қыста қыстауда, жазда жайлауға көшіп-қонып күн кешкен атабабаларымыздың дені сау, ұрпақтары әлжуаз болмаған. Себебі, ішкендері жылқының қымызы мен түйенің шұбаты, қазақтың ағы айраны мен сүті болған, ежелден негіздеген қазақ жолы-сара жол, мал ағымен сусындаған адал жол болған. Ал қазір ше? Қазір қоғамымызда жайлап бара жатқан зиянды әдеттердің бәрі темекі шегуден басталады екен.

2. Негізгі бөлім

Ал тек қана бір рет темекі тартқаннан бастап, адам денесінде мынадай басты өзгеріс болады:

Яғни, тек қана бір рет темекі тартқаннан бастап, адам данасінде:

1. Миға баратын қан азаяды, ми аз жұмыс жасайды

2. Жүрек соғу ритмі артады, жүрек ұстамасы болады

3. Тыныс алу жиілейді

4. Уақыт ұзай келе асқазанда қабыну және жара болады

5. Тамырлар жиырылады, қан қысымы жоғарлайды

6. Бүтін органдарға баратын қан азайып, әрбір органның жұмыс жасауы нашарлайды.

7. Адам денесіне 1,5-2 мг никотин сіңеді

Ал никотин-жүйке жүйесіне, ас қорыту және жүрек-қан тамырлар жүйесіне әсер ететін ерекше у.

2-оқушы:

Темекі тартып, никотин уына уалбаңыз, темекі тарту арқылы тек өзіңізді ғана емес, бірге жүретін достарыңызды, отбасыңызды темекі түтінімен улап зұлымдық жасайтыныңызды естен шығармаңыз

4-оқушы:

Елбасымыз Н. Ә. Назарбаев барлық Қазақстандықтарға жолдаған «Қазақстан-2030» бағдарламасында халықтың салауатты өмір сүруіне қол жеткізу үшін негізгі үш бағытты атап көрсетті.

1. Темекі шегуді тоқтату

2. Нашақорлыққа қарсы күрес

3. Маскүнемдік пен араққа қарсы күрес

Сондықтан мен сендерді елбасы үмітін ақтап салауатты өмір сүруге және спортпен шұғылдануға шақырамын.

5-оқушы:

Жас өмірің ерте солсын демесең,

Ей, адамзат!

Пешенеге жазылған ғұмырыңның,

Өмір керек саған да, маған да, оған да,

Тамырын ерте балта шапсын демесең,

Есіңе сақта, осыны, Есіңде ұста.

Темекіден аулақ жүргін бөлектен.

7-оқушы:

«Басты байлық-денсаулық»

Бабаң айтқан даналық.

Сақта жолын сен тауып,

Осы шақтан балалық,

Ол үшін көп қозғалып,

Таза ауа жұт көбірек.

Спортты да қолға алып,

Тамақтанған төрт рет.

8-оқушы:

Табиғаттың сиқыр күшін,

Ойла да, сезінші, оны түсін.

Жалаң аяқ жерді басып, қарды кешшең,

Сүйсінесің, сезесің, оның күшін.

Достасасың,

Бұл өмірде не керек?

Дұрыс жүріп, дұрыс сөйлеу керек.

Денемізді шынықтыру керек,

Ерте тұрып, кеш жатып,

Есірткіге еліктемей,

Ерінбей еңбек ету керек,

Бәрінен де салауатты өмір сүру керек.

« Шылым шегудің пайдасы »

( Сахнаға ақ сақалды дана қарт пен жас бала шығады )

Ата , мен шылым шегуді үйреніп жүрмін. Қалай ойлайсыз , бұл денсау-лыққа пайдалы ма ?

Шылым шегудің үш түрлі «пайдасы» бар , балам. Біріншіден , шылым шеккен адам ешқашан да қартаймайды.

Қалайша ?