Сәлем қыс спорттық жарысына арналған ашық сабақ

Сәлем, қыс! (спорттық кеш.)

Мақсаты: Балалармен бірге қысқы ойын сауық атауларын бекіту; қимыл қозғалыстарын дамыту; нұсқаушының белгісі бойынша дұрыс қимылдау; кедергілер арасымен допты дөңгелете жүруді, шаңғыны тебу ережесін үйренуге, хоккей ойын түрімен танысуға, ойын сауықтарға қатысуға деген ынта- ықыласын ояту.

Құрал- жабдықтар: батуттар- 2шт, хоккей- 2шт, бала санына қарай қапшықтар, шығыршықтар, себеттер, шаңғы құралдары, аққала бөлшектері, шырша бүрлері.

Сәлеметсіздер ме, құрметті қонақтар, тәрбиешілер мен ұстаздар! Бүгінгі күн ерекше күн! Біз сіздермен «Сәлем, қыс» атты спорттық кешімізді өткізгелі отырмыз. Ал ендеше, балаларды ортаға шақырайық.

Балалар, алдымен қонақтармен сәлемдесіп алайық:

Сәлем бердік аппақ қыс,

Сәлем бердік айдын мұз

Сәлем бердік жер ана,

Сәлем бердік баршаңа!

Балалар, қазір жылдың қай мезгілі? (Қыс)

Қыс мезгілінде айналада қандай өзгерістер болады? Айнала аппақ қар, ауа райы суық, боран, аяз болады.

Ал сендер қандай қысқы спорт түрлерін білесіңдер? Хоккей, шанамен сырғанау, шаңғы тебу, коньки тебу.

Жарайсыңдар балалар, ендеше бүгін бізде осы аталған спорт түрлеріне қатысты сайыс өтеді. Жарысымызды бастамас бұрын бойымызды ырғақты бимен шынықтырып алайық.

Балалар денелерін қыздырып алған соң, залға қорқынышты әуенмен Қыс атасы- Мұз ата кіріп келеді: Сәлеметсіңдер ме балалар, сендер аяздан қорқасыңдар ма?

Балалар: Жоқ! Біз қыстан қорықпаймыз, біз жылы киінеміз, денемізді түрлі жаттығулармен шынықтырамыз.

Мұз ата: Қазір мен қолымдағы сиқырлы таяқшаммен қатырып тастаймын!

Біз қорықпаймыз!

Мұз ата: Мен бәрібір сендерді қатырып тастаймын, мен суықпын, мен мұзбын.

-Мұз ата, біздің балалар шынында да суықтан қорықпайды. Біз қыста шыныққанды жақсы көреміз.

Мұз ата: Ендеше қане көрейін. Менің сендерге бірнеше жұмбақтарым бар. Мықты болсаңдар жұмбағымды шешіп көріңдер;

Қыста ғана болады,

Ұстасаң қолың тоңады. Қар

Сыбдыр шықса қашады,

Қырдан бірақ асады. Қоян

Қолы жоқ сурет салады,

Тісі жоқ тістеп алады. Аяз

-Мұз ата, біздің балаларымыздың сонымен қатар тақпақтары да бар.

Нұрдаулет:

Сәтке қарап тұрмайсың,

Көңілді еді қыс қандай

Шаңғыменен зырлаймыз

Қанат бітіп ұшқандай

Рауан:

Қыс ата сақалды,

Қыраулы көзбен тұр қарап

Біз жүрміз сырғанап.

Гүлнәз:

Аяз қысып,