Сандар сыр шертеді 4-сыныпқа арналған тәрбие сағаты

Тәрбие сағаты

Тақырыбы: Сандар сыр шертеді. Математикалық сайыс

Мақсаты:

1.Оқушылардың математика пәніне деген қызығушылығын арыттыру.

2. Шапшаң есептеуге үйрету. Логикалық ойлау қабілетін дамыту.

3. Топтық тапсырмаларды орындай білуге, өз ойын толық жеткізе білуге тәрбиелеу.

Көрнекілігі: Интерактивті тақта, суреттер, сандар, фигуралар.

Жүрісі:

Топқа бөлу.

І топ «Жас қыран»

ІІ топ «Жас Ұлан»

Таныстыру

І топ. Топтың аты: «Жас Қыран»

Топтың ұраны:

Білім деген биік шың,

Бақытқа сені жеткізер.

Білім деген ақылшың.

Қиындықтан өткізер.

Төс белгісін қорғау.

«Жас қыран» деп аталу себебіміз, қыран құстай аспанға самғап ұшын биіктерден көрініп, жеңіске жету.

ІІ топ. Топтың аты: «Жас ұлан»

Топтың ұраны:

Есепті жаңылмай,

Шығарып, талдаймыз.

Біз сынып намысын,

Бірігіп қорғаймыз.

Төс белгісін қорғау.

«Жас ұлан» деп аталу себебіміз, әрқашан білімді, тапқыр, жүйрік, бәсекеге қабілетті Қазақстанның азаматтары мен азаматшалары болу.

І кезең. Сандар сөйлейді.

І топ

К + 3 + к – күшік 7 + ген – жетіген 7 + су - Жетісу

Т + 10 – тон 100 + ік – жүзік 100 + ім - жүзім

5 + ік – бесік Қ + 10 + ақ – қонақ 3 + бұрыш – үшбұрыш

1 + қазан – бірқазан

ІІ топ

С + 10 + а – сона Б + 6 + р - балтыр

9 + құмалақ – тоғыз құмалақ тү + 1 - түбір

7 + қарақшы – жетіқарақшы 1 + жан - Біржан

8 + аяқ – сегізаяқ 4 + бұрыш - төртбұрыш

К + 2 + лік – кекілік К + 2 + л – кекіл

ІІ кезең. Мақал сөздің мәжегі.

Мына сандарды қатыстырып мақал – мәтел құрастыр.

І топ

1.Алтау ала болса, ауыздағы кетеді,

Төртеу түгел болса, төбедегі келеді.

2.Жігітке жеті өнер де аз.

3. Жүз теңгең болғанша,

Жүз досың болсын.

4.Білгенің бір тоғыз

Білмегенің тоқсан тоғыз.

ІІ топ.

1.Сегіз қырлы, бір сырлы

2.Елу жылда, ел жаңа

Ел құлағы – елу

3.Екі аяқтыда бөле тату

Төрт аяқтыда бота тату

4.Жеті рет өлшеп,

Бір рет кес.

ІІІ кезең. Шығармашылық тапсырма.

І топ

1.Абайдың санға байланысты өлеңінің атын тап (сегізаяқ)

2.Жеті санының қасына бір буынқосып, ұлттық аспаптың атын тап (жетіген)