Сапалы білім беру заман талабы туралы мақала

Сапалы білім беру – заман талабы

Президент Қасым-Жомарт Тоқаев 2023 жылдың 1 қыркүйегінде Қазақстан халқына Жолдауын жариялады. Жолдауда «сапалы білім беру бәсекеге қабілетті, өркениетті ел болудың кепілі» деп атап өтті. 2023 жылдың Тамыз конференциясында Президентіміз «Білімдіден шыққан сөз, талаптыға болсын кез», – деп ұлы Абай айтқандай, Ұстаз – әрқашан ілім мен ізгілікті алға қоятын тұлға. Ұлағатты ұрпақ тәрбиелеу – аса жауапты әрі күрделі міндет.Сапалы білім қарқынды дамудың басты шартына айналды. Сапалы білім – жетістікке жетудің жолы әрі экономиканы дамытудың басты құралы, – деп нақты атап өтті.

2015 жылғы қыркүйекте БҰҰ Бас Ассамблеясының 70-ші сессиясында жаңа әлемдік күн тәртібі – «Әлемді трансформациялау: 2030 жылға дейінгі мерзімге тұрақты даму саласында күн тәртібі» қабылданды, бұл тұрақты дамудың 17 мақсатын қамтиды.Соның ішінде тұрақты даму мақсаттарының №4 мақсаты сапалы білім екенін алға тартқым келеді. Осыған сәйкес, Мемлекет басшысы «Білімді ұлт» сапалы білім беру» ұлттық жобасын енгізді. Бұл бойынша ұлттық жоба 5 негізгі міндеттен тұрады:

Бірінші міндет — мектепке дейінгі тәрбие мен оқытудың қолжетімділігі мен сапасын қамтамасыз ету. Осы міндетті орындау үшін «қаражат балаға» қағидаты бойынша ваучерлік қаржыландыру жолымен мемлекеттік тапсырысты орналастыру арқылы мектепке дейінгі ұйымдар желісін дамыту жөніндегі жұмыс жалғастырылатын болады. Нәтижесінде 2025 жылға қарай 2 жастан 6 жасқа дейінгі балаларды мектепке дейінгі біліммен қамту 95%-ға, 3 жастан 6 жасқа дейінгі балаларды қамту 100%-ға жетеді.

Бұдан басқа, Мемлекет басшысының тапсырмасы аясында барлық мектепке дейінгі ұйымдарда бала дамуының жаңа моделі енгізілетін болады. «Ойын арқылы оқыту» қағидаты негізінде мемлекеттік стандарт өзгертілетін болады.

«Білімді ұлт» сапалы білім беру» ұлттық жобасының екінші міндеті – орта білім беру сапасын арттыру. Атап айтқанда, өңірлер, қалалық және ауылдық мектептер арасындағы оқыту сапасындағы алшақтықты азайту (PISA). Ұлттық жоба аясында оқушылардың білім сапасындағы алшақтықты азайту бойынша кешенді шаралар қабылданатын болады. Ұлттық жоба аясында 12 жылдық оқытуға көшу жоспарлануда. Биылдан бастап қосымша білім беруге мемлекеттік тапсырыс орналастыру көзделуде. Бұл процесс конкурстық негізде және жеке ұйымдарда…