Сатылай кешенді оқыту технологиясы туралы халықаралық семинар

Астанада халықаралық ғылыми-практикалық семинар өтті

«Сатылай кешенді оқыту технологиясы арқылы білім сапасын жетілдірудің жолдары» тақырыбына арналған маңызды жиын

2025 жылдың 3 мамыр күні Астана қаласында білім беру саласындағы өзекті мәселелерді көтерген маңызды ғылыми-практикалық шара өтті. Астана қаласы әкімдігінің «Әдістемелік орталығы» МКҚК мен Бейімбет Майлин атындағы №52 мектеп-гимназиясы бірлесе ұйымдастырған бұл халықаралық ғылыми-практикалық семинар «Сатылай кешенді оқыту технологиясы арқылы білім сапасын жетілдірудің жолдары» деген тақырыпты арқау етті.

Іс-шараға Қазақстан мен Қырғыз Республикасынан келген жетекші ғалымдар, тәжірибелі педагогтер, білім беру ұйымдарының басшылары мен әдіскерлер қатысты. Семинардың модераторы – Астана қаласы әкімдігінің «Әдістемелік орталығы» МКҚК басшысы Дауешова Сындар Мұратқызы. Ол шараны ашып, білім беру сапасын жетілдірудегі ғылыми тәсілдердің маңыздылығына тоқталып, қатысушыларға сәттілік тіледі. Семинардың негізгі баяндамашысы – педагогика ғылымдарының докторы, профессор, «Сатылай кешенді оқыту» технологиясының авторы Оразахынова Нұрша Алжанбайқызы болды. Ол бұл технологияның ғылыми-теориялық негіздері мен тәжірибелік тиімділігін жан-жақты баяндап, нақты мысалдар арқылы оқыту нәтижелеріне тоқталды. Оның айтуынша, бұл әдіс оқушылардың танымдық белсенділігін арттырып, білім сапасының тұрақты жоғарылауына әсер етеді. Семинар барысында бірқатар шетелдік және отандық сарапшылар мазмұнды баяндамалар жасады. Атап айтқанда, Қырғыз Республикасынан келген педагогика ғылымдарының докторлары, профессорлар:

– Акматов Кыялбек Камутович – «Кыргызстан Маариф» қоры директорының орынбасары, «Сапат» білім беру мекемесінің вице-президенті,

– Музулманов Мелисбек Узенович – Қырғыз Республикасының Білім беру академиясының вице-президенті,

– сондай-ақ Қырғыз елінің білім ошақтарынан арнайы келген тәжірибелі педагогтер – Тюменбаева Чолпон Дуйшеевна мен Мусаева Алтынай Ырыскуловна өз еліндегі білім беру тәжірибесі мен сатылай кешенді оқыту жүйесіне көзқарастары жөнінде баяндама жасады.Қазақстан тарапынан сөз алған Бекжанова Жаудир Бактияровна, Бейімбет Майлин атындағы №52 мектеп-гимназиясының директоры, өз мектебінде аталған технологияның қалай енгізіліп жатқанын, мұғалімдер мен оқушылардың осы жүйе арқылы жеткен жетістіктерін атап өтті. Сонымен қатар, Махметова Айгүл Аблановна – Алматы облысы Білім басқармасының Алатау қаласы бойынша білім бөліміне қарасты №3 жалпы білім беретін мектептің директоры – өз мектебінде жүзеге асырылып жатқан озық тәжірибесімен бөлісті.Семинар жұмысы бірнеше секциялық бағытта жалғасып, қатысушылар…