Сәулет стильдері бойынша бастауыш сынып ашық сабағы

Сәулет стильдері. Роман стилі.

Сабақтың мақсаты:

а) Білімділік: Оқушыларды сәулет стильдері жайлы мәліметтермен

таныстыру, жаңа мағлұмат беру және т.б.

ә) Дамытушылық: Оқушылардың іскерлігін, ойлау қабілетін, ізденімпаздық

дағдысын, шығармашылығын қалыптастыру, дамыту.

б) Тәрбиелілік: Сұлулық тәрбиесі, табиғат пен өнердегі сұлулықты

түсіне білу.

Құрал-жабдықтар, көрнекті құралдар: Дидактикалық көрнекілік құралдар, көркем суретті альбомдар, тағы басқалар.

Сабақтың өту барысы:

Ұйымдастыру кезеңі.

Үйге берілген тапсырманы тексеру.

Жаңа тақырыпты түсіндіру.

Тапсырмаларды орындау.

Сабақты бекіту.

Үйге тапсырма.

Сабақтың барысы:

Еуропалықтарда «Менің үйім - менің қамалым» деген мәтел бар. Бұл ұғым қазіргі уақытта астарлы мағынада қолданылады. Бұл мәтелді айтқан кезде әрбір адам өз үйі, жанұясы мен өздерін өмірдің киыншылықтарынан қорғап, оларды жеңуге көмектесуін меңзейтін болар. Ал орта ғасырда бұл мәтел тура мағынасында айтылған сияқты. XI ғасырдан бастап Еуропада бай жер иеленушілер - феодалдар қамалдар тұрғыза бастады. Гректер мен римдіктердің сымбатты әрі нәзіктік әсерін туғызатын құрылыстарының орнына ауыр, аласа, түнерген ғимараттар бой көтерді. Мұндай қамал салудағы мақсат - сыртқы шапқыншылықтан қорғану болатын. Биік қалың қабырғалармен және терең ормен қоршалған қалалар ол кезде үлкен қамал қорғандар тәрізді болды. Қамалдар мен шіркеулердің сұсынан жаулар сескенгендей еді. Үйреншікті бедерлеме әшекейлер жоқ. Рельефтік бейнелермен безендірілген ғимараттардың өзі өте сирек кездеседі. Сәулеттегі бұл стиль романдық деген атауға ие болды.

Ежелгі Грекия мен Рим құрылыстарына зер салып қарасақ, дене бітімі әдемі жеңіл атлеттер мен әйгілі адамдар, ұлы қолбасшылардың мүсіндерін, ал роман стиліндегі құрылыстардан ауыр сауыт-сайман асынған рыцарьлардың бейнесін көреміз.

Үйге тапсырма беру: Роман стилі жайлы толығырақ таныс.