Сенің жетістіктерің Қазақстан тәрбие сағаты 9 сынып

Тәрбие сағаты

Тақырыбы: Сенің жетістіктерің,

Қазақстан

Павлодар, 2011 «Сенің жетістіктерің, Қазақстан» атты тәрбие

сағаты

Тәрбие сабақ: №1 Сынып: Күні: Тақырыбы: Сенің жетістіктерің, Қазақстан Мақсат-міндеттері: оқушыларға Қазақстанның жетістіктері атты баяндаманы оқу, оқушыларда ізгілік, танымдық, патриоттық сезім, отан сүйгіштік, адамгершілік т.б. сияқты тұлға бойындағы қасиеттерді дамыту мен молайту.

Тәрбие сағатының барысы: Мұғалім балаларға Қазақстанның жетістіктері атты баяндаманы оқи бастайды. Баяндаманы оқу барысында оқушылармен сұхбаттасып, өзара көзқарастарын біледі.

«Қазақстанның әлемдегі тауарлар, көрсетілетін қызмет, еңбек ресурстары, капитал, осы заманғы идеялар мен технологиялар нарықтарының шын мәнінде ажырағысыз серпінді бөлігіне айналуы үшін біз он басты міндетті шешуіміз керек», деп бастайды.

Бірінші бағыт – экономиканың тұрлаулы дамуын қамтамасыз етіп, ұстап тұрумен ғана шектеліп қалмай, оның өсуін басқаруға қол жеткізу.

Екінші міндет - өңірлік экономикада сапалық жаңа табыстарға жету және жаһандық экономикаға толық құқылы қатысуды қамтамасыз ету.

Үшінші міндет - өндіруші сектордың тиімділігін арттыру. Төртінші міндет - өндірістің шикізаттық емес секторының дамуын, экономикалық әртараптандырылуын қамтамасыз ету.

Бесінші міндет - өңірлік және жаһандық экономикадағы өзіміздің жаңа ролімізге сәйкес осы заманғы инфрақұрылымды дамыту.

Алтыншы міндет – осы заманғы білім беру мен кәсіптік қайта даярлау, жаңа технологияларды, идеялар мен көзқарастарды пайдалану, инновациялық экономиканы дамыту.

Жетінші міндет – атаулы әлеуметтік қолдау және әлеуметтік саланы нарық қағидаттары негізінде дамыту.

Сегізінші міндет – дамуымыздың жаңа кезеңінің ығытына сәйкес саяси жүйемізді жақсарту.

Тоғызыншы міндет – халықаралық іс-тәжірибені ескеріп, әкімшілік реформаны жеделдете жүргізу.

Оныншы міндет – жаңа Қазақстанның Орталық Азия өңірі мен әлемдік қоғамдастықтағы жетістіктері мен мүкіндіктерін алға жылжыту».

Сосын балаларға осы он бағытты жазғызып, қазіргі Қазақстан қандай жетістіктерге жеткенін сұрайды және биылғы өткен

олимпиаданы, Астананың он жылдығын, Павлодар облысының жетпіс жылдығын және т.б. жаңалықтарды сұрап, балалармен сұхбаттасады.

Өзінің соңғы сөзінді «Сеңдер, Қазақстанның үлгілі де болашақ ұрпақсыңдар, сондықтан да өз елін өркендеу үшін бар іс- әрекеттерді, өз үлестеріңді қосыңдар» деген сөздермен аяқтайды.

Тәрбие сағаты

Тақырыбы: Жер – біздің ортақ

үйіміз

Павлодар, 2011 «Жер – біздің ортақ үйіміз» атты тәрбие сағаты

Тәрбие сабақ: №2 Сынып Күні: Тақырыбы: Жер – біздің ортақ үйіміз Мақсат-міндеттері: Оқушыларды табиғатты аялап, қорғау және қоршаған ортаны сақтау қажеттігін түсіндіру. «Жер – біздің ортақ үйіміз» жалпы түсінігін қалыптастыру.

Тәрбие сағатының барысы: «Адам өзінің кіндік кескен жерін, кірін жуып, өсіп-өнген жерін, мейлі ол биік тау, құрғақ дала, құмды шөл, суық Сібір болсын өз жерін, Отаның ешқашан ұмытпайды, қайта жаныңдай жақсы көреді.

Сол себептен адамзаттың ең асылы да, ардақтысы да, қысылғанда тірек сүйенері де, қуанғанда сүйсінері де туған жері- өз Отаны. Ертеден ақын- жазушылардың өзінің туып-өскен жерін жырға қосуы, батырлардың туған топырағында өлсем деп арман етуі тегін емес.

Сендер Жер шарындағы материктер мен мұхиттардың табиғат жағдайларын және елдер мен халықтардың өзіндік ерекшеліктерін оқып үйрендіңдер. Өздерің танысқан барлық табиғат кешендері географиялық қабықтың құрамдас бөліктері болып табылатынын білесіңдер. Ал, географиялық қабық – адамзат қоғамы өмір сүріп, дамитын біздің ортақ үйіміз. Осы ортаның даму заңдылықтарын сақтай отырып, қорғау адамзат қоғамының басты міндеті болып табылады.

Бүгінгі таңда адамзаттың табиғат байлықтарына деген сұраныс артып келеді. Адамдар табиғаттан және табиғат байлықтарынан оқшау тіршілік ете алмайды. Сондықтан да сендер табиғат байлықтарының түрлерін, олардың тиімді пайдаланудың жолдарын білулерің шарт. Сонымен қатар табиғат пайдалану барысында географиялық қабық заңдылықтарын қатаң сақтау қажет.

Табиғаттың адам қажетіне жарайтын барлық мүмкіншілігін табиғат байлығы деп атайды. Табиғат байлықтарының минералдық, климаттық, су, жер және боилогиялық деп аталатын бес түрге ажыратылады. Олар сарқылатын және сарқылмайтын байлықтар тобына ажыратылады.

Дүние жүзі елдерінде пайдалы қазбалар өндіру жылдан жылға артып келеді. Соңғы кезде мұхит қайраңдары мен суларынан да түрлі пайдалы қазбалар өндіріледі. Мамандардың есептеуінше, XXI- ғасырдың ортасына қарай адамзат олардың барлық қорын тауысады. Әсіресе, металдардың ең көп пайдаланылатын кейбір түрлері жақын жылдарда-ақ сарқылуы мүмкін. Сондықтан да Жерді аялайық, табиғатты тиімді пайдаланып, қорғайық», деген сөздермен аяқтайды.

Тәрбие сағаты