Ұстаз ұлық емес ұлы қызмет 9 сынып тәрбие сағаты

Сынып сағатының тақырыбы: «Ұстаз - ұлық емес, ұлы қызмет»

Мақсаты: а)Ұстаздың адам өмірінде алатын орын зор екендігін, ұстаздарды құрметтеу, сыйлау және қадірлеу қасиеттерін оқушылардың бойына дамыту.

ә) Ұлағатты ұстаз, Қазақстанның Еңбек Ері – Миразова Аягүл Төреқызының өмірбаянымен, ұстаздық жолымен, осы жолда алған марапаттарымен таныстыру, өнеге тұту. Көрнекілігі: Тақырып, Аягүл Төреқызы туралы суреттер, баспасөз қиындылары, ұстаздар туралы нақыл сөздер, өлең үзінділері жазылған көрнекіліктер, әр түрлі шаралар.

Мұғалім: Сәлеметсіздер ме, құрметті ұстаздар, оқушылар. Бүгінгі «Ұстаз ұлық емес, ұлы қызмет» атты тәрбие сағатымызды бастауға рұқсат етіңіздер.

Өмірдегі барлық адамдар, қоғам қайраткерлері, небір данышпан адамдар – бәрі-бәрі бір

адамға қарыздар. Ол әр адамның жастайынан сауатын ашатын, өнеге үйретіп, тәрбие беретін адам. Ол кім деп ойлайсыңдар? Қандай мамандық иесі?

Дұрыс айтасыңдар! Ол – ұстаз.

“Ұстаз”- деген ардақты, киелі үлкен құрметпен айтылатын сөз, “Білім” атты кемеге отырғызып, болашаққа жол көрсететін, анаңдай әлпештеп, маңдайыңнан сипайтын адам.

Ұстаз еңбегі- ұлы еңбек. Сондықтан да ұлы ақын Абай атамыздың:

Ақырын жүріп, анық бас,

Еңбегің кетпес далаға.

Ұстаздық еткен жалықпас

Үйретуден балаға, — деп айтуында терең мағына жатыр.

1-оқушы: Адам өміріндегі ең қымбат жанның бірі – ұстаз. Ұстаз! Осы бір сөздің өзінде көп мағына жатыр. Ол – ұстаз. Ұстазсыз өмірдің нақты тұтқасын ұстау мүмкін емес. Жан дүниеңді түсінетін, қиындық кезінде сүріндірмей құтқаратын ұстаз екені анық, өйткені ол диқан сияқты. Адамның жанына ақыл, білім дәнін сеуіп, аялап, көңілін де табады.

2-оқушы: Егер әр адамның жүрегінде ізгілік сәулесі болса, ол – мұғалімнің еңбегі. Сол нұрды жеткіншектің жүрегіне сіңіру үшін қаншама тер төкті десеңізші! Дүниеде адамды тәрбиелеп, азамат атандырғаннан артық абырой мен құрмет жоқ шығар сірә?!

3-оқушы: Әрбір күнін шәкіртіне арнайды,

Өнер білім үйретуден талмайды.

Жақсы ісімен үлгі болып біздерге,

Бойымызға ізгілікті жинайды.

4-оқушы: Көтеріп жүктің салмағын,

Жолыңда өмір талмадың.

. Мейірің қандай шуақты,

Ұстазым асыл арманым.

Ұстаз туралы қандай мақал-мәтел, нақыл сөздер білесіңдер?

5-оқушы: Ұстазды ұлы әкеңдей сыйла.

6-оқушы: Ұстазы жақсының – ұстамы жақсы.

7-оқушы: Мұғалім – мектептің жүрегі.

8-оқушы: Мектептің – жаны мұғалім. Мұғалім қандай болса, мектеп сондай болмақшы.

Балалар, осындай ұлағатты ұстаздардың бірі, ел игілігі үшін еңбек етіп, егемен еліміздің ертеңі болатын өрелі өрендерді өсіріп, тәрбиелеген - Миразова Аягүл Төреқызы. Бүгін осы кісінің өмірбаянымен, ұстаздық жолымен танысамыз. Тақтаға қараймыз.

Толық аты-жөні

Миразова Аягүл Төреқызы

Суреті

Жұмыс орны

«Ы.Алтынсарин атындағы №159 гимназия» КММ

Алматы қаласы

Еңбегінің қысқа баяндамасы

Миразова Аягүл Төреқызы 1948 жылы 15 желтоқсанда Жамбыл облысы Берікқара ауылында дүниеге келген. 1971 жылы Жамбыл педагогикалық институтын тәмамдаған.

Еңбек жолын Жамбыл облысы Жуалы ауданы Билікөл өңіріндегі Қарабастау аулындағы орта мектепте математика пәнінен мұғалім болып бастап, кейін директордың орынбасары болып қызмет етті. 1977-1989 жылдарда…