Сезім мен эмоцияға арналған психологиялық тренинг материалы

/ тренинг/

Қатысушылар: 8-9 сыныптар

Психолог: Ж.Қуанышбай

2018-2019 оқу жылы

Тақырыбы: «Түрлі әсер теңізінде» тренинг

Мақсаты :Балаларға сезім және эмоция туралы түсінік беру.Балалардың сезімдерімен бөлісу.

Бірлесе жұмыс жасай алуға үйрету.Көңіл-күйлерін көтеруге арналған жаттығулар орындау.

Көрнекілігі: интерактивті тақта, плакат, маркер, түрлі-түсті бояулар.

Барысы:

І.Сәлемдесу

«Табиғат мінезі» жаттығуы.

Кәне, бәріміз тізбектеле тұрайық. Көзімізді жұмып, өзімізді табиғат аясында тұрғандай сезінейік. Күн тамаша, ашық, күн сәулесі шуақ шашып тұр, айнала тамаша көрініске толы. Енді, көзімізді ашып, өзімізді еркін сезінейік. Алғашқыда бәрі жақсы болып тұрады да кенет, аяқ астынан жеңіл жел соқты.

Алдыңызда тұрған адамның арқасынан жәймен ғана қолмен желдің жеңіл самалындай етіп сипаймыз.

Жел күшейді – енді алдындағы адамның арқасын қатты уқалай бастаймыз.

Кенет, боран басталды – енді боран күшіндей екі қолмен айналдыра күштірек уқалаймыз.

Содан кейін, аяқ астынан жәй ғана жаңбыр сіркірей бастады-енді қолымызбен жаңбырдың сіркірегеніндей жәймен ұрамыз.

Бір кезде қатты жауын жауды – біз қатты жауын сияқты арқамызды саусақтардың ұшымен жорғары төмен сипалаймыз.

Аяқ астынан бұршақ жауды – арқамызды саусақ басымен бұршақ жауғандай қаттырақ ұрамыз.

Бір кезде бәрі басылды, күн жарқырап ашылып, адамға бір күшті шуақ берді.

Енді алдымыздағы адамдармен алмасамыз. Осы жаттығуды сізге алдыңызда тұрған адам орындайды.

Ойындар мен жаттығулар

«Көңіл - күй» жаттығуы.

Түрлі түсті қарандаш және таза ақ парақ қағаз алыңыз. Жеңілденіп, сол қолыңызбен абстракты сюжет бір сызық, түрлі-түсті дақ, фигураларды салыңыз. Өзіңіздің көңіл-күйіңізге байланысты түсті таңдап алыңыз, сөйтіп, көңілсіз сәтіңізді қағазға түсіріп жатырмын деп ойлаңыз. Суретті аяқтадыңыз. Енді қағазды ауыстырып, оған сіздің көңіл-күйіңізді білдіретін 5-7 сөз жазыңыз. Ойланбай, ойыңызға келгенді жазыңыз. Осыдан кейін суретіңізді қайта қарап сөздерді рақаттана оқып, эмоциялы түрде қағазды жыртып, лақтырып тастаңыз. 5 минут ішінде сіздің эмоциональды – жағымсыз көңіл-күйіңіз қағаз бетіне түсіп, барлығы жоқ болды. Сіз жақсы демалдыңыз!

«Эмоция теңізінде» жаттығуы 3.«Сезімді атаймыз»

Нұсқау: Қане, қайсымыз әртүрлі сезімді бейнелейтін атауларды көбірек атар екенбіз? Кезекпен сөзді айтасыз да плакатқа жазып кетесіз.