Ш дыбысын дұрыс айтуға үйрету бойынша ашық сабақ

«Ер Тарғын» МКҚК балабақшасы

«Ш дыбысын қою»

Мұғалім-логопед: Үмбеталиева Толқын

Қызылорда қаласы, 2012 жыл.

Кезеңі: дыбысты қою кезеңі

Мақсаты: дұрыс артикуляциялық қалып дағдыларын жетілдіру, фонематикалық естуін дамыту.

Көрнекіліктер: айна, ызың дыбыстарға арналған зондтар, артикуляциялық жаттығулардың видеосы, Power Point бағдарламасында дайындалған слайд, заттық суреттер.

Сабақ жоспары:

«Ш» дыбысын қоюға дайындық жаттығуларын жасау.

Дыбысты механикалық жолмен қою.

Сабақ қорытындысы

Үй тапсырмасы

Сабақ барысы:

Балалар, біз бүгін жаңа сабағымызда «Ш» дыбысын айтып үйренеміз. Бірақ, бірінші тіл мен ерінді жаттықтырамыз.

І. Артикуляциялық жаттығулар:

«Піл»

«Тәтті шырын»

«Саңырауқұлақ»

«Түтікше»

ІІ. Дыбысты қою.

Еліктеу тәсілі арқылы.

Балалар, біз «ш» дыбысын айтқан кезде ерін аздап дөңгеленеді, тістер жақындаған, арасында жіңішке саңылау (1-1,5 мм) болады. Тіл таңдайға қарай ожау тәрізді көтеріледі. Оның бүйірлері жоғарғы азуларға тиеді. Алдыңғы ұшы альвеол артындағы таңдайға тиеді. Жұмсақ таңдай көтеріліп, мұрын жолын бітеді. Дауыс перделері ажыраған, шығатын демді жұтқыншақ пен ауыз қуысына еркін өтеді. Ауыз қуысынан шыққан ауа ағымы жылы.

«Шар».

Қане, балалар, біздің қолымыздағы шарды үрлеп, желін шығарайық. Сонда бізде қандай дыбыс шықты?

Ш дыбысы.

Механикалық тәсіл арқылы жүзеге асырылады (Зондпен жұмыс).

Зондты баланың тілінің астына қойып, балаға «С» дыбысын айтқызу. Балаға осы тапсырманы бірнеше рет орындату.

«Тасбақа мен жылан» әңгімесін тыңдайық. Бір күні жылан орман ішінде серуендеуге шықты. Орман өте тыныш болды. Тек ағаштарда жапырақтардың «ш-ш-ш» деген дыбыстары ғана естілуде. Енді сен жапырақтардың қалай сыбдырлағанын көрсет. (бала тапсырманы жасаған уақыттағы кідіріс). Жылан жаймен көк шөптің үстінен өрмелеп бара жатып, қарсы келе жатқан тасбақаны көріп қалады. Ол тоқтап қалды да, ашулы түрмен «ш-ш-ш» деді. Енді сенде көрсетші. Бала тапсырманы орындайды. Қорықпайтын тасбақа жолдан кетпеді. Жылан одан қорқып, басқа жаққа өрмелеп кетті. Оның даусы бәсеңси берді: ш-ш-ш. Сенде көрсетші: ш-ш-ш (ақырын).

Қорытынды: баланың жұмысын бағалау.

Үй тапсырмасы: шардың, жапырақтардың, жыланның дауысын қайталау.