Ш дыбысын дұрыс айтуға үйрету әдістемелік материалы

«Ш дыбысын сөзде, буында, сөйлемде дұрыс айтуға үйрету»

Тақырыбы: «Ш дыбысын сөзде, буында, сөйлемде дұрыс айтуға үйрету».

Сабақтың мақсаты:

Білімділік мақсаты: [Ш] дыбысын сөзде, буында, сөйлемде дұрыс айтуға үйрету.

Дамытушылық (түзетушілік) мақсаты: балалардың сөздік қорын молайту. Қолдың ұсақ моторикасын және жалпы моторикасын жетілдіру .Ойлау және есте сақтау қабілетін арттыру.

Тәрбиелік мақсаты:жауапкершілікке,ұқыптылыққа,құстарға қамқорлық жасауға, оларды қорғауға тәрбиелеу.

Сабақтың құрал-жабдықтары: слайд, құстардың суреттері, қалам, айна,карточкалар, ойыншықтар,интерактивті тақта,фишка

Сабақтың түрі: жаңа сабақ

Сабақ барысы:

І. Ұйымдастыру кезеңі

Үнтаспадан құстардың дыбысы естіледі

-Балалар, тыңдаңдаршы, бұл ненің дыбысы?

-Құстардың.

-Балалар, бүгін біз құстар саябағына саяхатқа келдік. Қараңдаршы, мына суреттен нені көріп тұрсыңдар?

-Құстарды көріп тұрмыз

-Жарайсыңдар,балалар

- Балалар бүгін бізге Айша есімді қуыршақ қонаққа келді.

- Балалар Ш дыбысы бар қандай есімдерді білесіндер? ( Шолпан, Раушан, Шынар, Шырын, Шыңғыс т.б.)

- «Айша» барлық әріптерді біледі және дұрыс айта алады екен, бірақ та Ш дыбысын дұрыс айта алмайды екен. Біз бүгін оған осы дыбысты дұрыс айтуға көмектесуге қалай қарайсыңдар, балалар?!

- Осы дыбысты айтқанда біздің ерініміз қандай күйде болады? Кәне «Ш» дыбысын айтып көрейікші, қандай екен. (Ерін аздап дөңгеленіп, алға қарай шығынқы келеді). Ал тіліміз қайда орналасады? (Үстінгі тістердің артында) Тіліміз жалпақ па? Жіңішке ме? (Жалпақ, кесе сияқты). Ш дыбысы дауыстыма, дауыссыз ба? (Дауыссыз). Ш дыбысын қандай түспен белгілейді? (Көк).

- Енді «Дыбысты ұста» ойынын ойнайық.

Мен сендерге допты дыбыс түрінде лақтырамын, ал сендер буын түрінде қайтарасындар.

Ш, А – ША А, Ш – АШ

Ш, О – ШО О, Ш – ОШ

Ш, У - ШУ У, Ш – УШ

ІІ.Жұмбақ шешу

-Балалар, мен сендерге құстар туралы жұмбақ жасырамын, шешуін табыңдар.

Орманда жоғары,

Ағашқа қонады

Тұмсығын балта етіп

Тоқ-тоқ-тоқ соғады. (тоқылдақ)

-Тоқылдақ туралы не білеміз?

-Құстардың қандай пайдасы бар?

-Құстар ағаштарды құрт-құмырсқадан тазартады.

-Балалар, құстың денесін не жауып тұрады?

-Құстың денесін мамық жүн мен қауырсындары жауып тұрады.

ІІІ. Артикуляциялық жаттығу

«Тоқылдақ»

Жаттығуды орындау: тілдің ұшын қатты таңдайға соққылау.

1.Тілдің ұшы қатты таңдайға тиеді, ауыз қуысынан шықпайды.

2. Астыңғы жақ пен еріннің қимылдауы қажет.

«Терезе»

Балаға аузын кең ашып «Ыстық» деп айтуын сұраңыз, ал сосын еріндерін кішкені жауып «суық» деп айтқызыңыз.

«Пілдің тұмсығы»

Еріндер біріктірілген және алға қарай қатты созылады

«Пілдің тұмсығы»

Еріндер біріктірілген және алға қарай қатты созылады

ІV. Дыбыс жаттығуы

-Балалар, мына суретке қараңдаршы. Мынау қандай құс?

-Торғай.