Шалқан ертегісіне арналған ашық сабақ жоспары, балабақша

«Еркетай» I-ші кіші тобынындағы ұйымдастырылған ашық оқу қызметінің технологиялық картасы

Күні: 19.11.2018

Білім саласы : Коммуникация

Бөлімі: Көркем әдебиет

Тақырыбы : Шалқан (орыс халық ертегісі)

Мақсаты : Фланелеграф тақтасы арқылы балаларға ертегіні түсіндіру. Балалардың әдеби кейіпкерлердің әрекеттері мен жүріс тұрысына қызығушылықтарын қалыптастыру.

Қолданылатын көрнекі құралдар: атребуттар ,фланелеграф тақта

Билингвалды компонент: ата - дедушка, апа - бабушка , ит – собака , мысык - кошка

Әдіс –тәсіл: сөздік, көрнекілік , түсіндіру, көрсету,үйрету

Оқу іс -әрекетінің кезеңдері

Тәрбиешінің іс - әрекеті

Балалардың іс-әрекеті

Мотивациялық- қозғаушылық

Шаттық шеңбері.

Бір шаңырақ астында

тату тәтті тұрамыз

бірге ішеміз астыда

бірге сайран құрамыз

Н.Айтов

Балалар шаттық шеңберіне тұрып, өлең жолдарын қайталап айтады.

Кіріспе әңгіме

-Балалар қазір қай мезгіл?

-Дұрыс , күз мезгілі. Күн суытып, адамдар жылы киіне бастайды.

-Көктемде еккен бау бақшаларын жинайды.

-Балалар мен балабақшаға келе жатып мына әдемі қорапты тауып алдым. Кәне ашып көрейікпе ішінде не бар екенін?

-Мында «Шалқан» ертегісі екен.

-Сендер ертегі тындағанды ұнатасындарма?

Баяғы бір заманда шал мен кемпір болыпты. Олардың бақшасы бар екен. Бірде шал шалқан отырғызады. Шалқан үп-үлкен боп өседі. Бір күні шал шалқанды жерден суырып алмақшы болады. Ары тартады, бері тартады. Бірақ шалқанды шығара алмайды.Шал көмекке кемпірін шақырады. Кемпір шалдан, шал шалқаннан ұстап, ары тартады, бері тартады. Бірақ орнынан қозғалта да алмайды.Кемпір көмекке немере қызын шақырады. Немересі кемпірден, кемпір шалдан, шал шалқаннан ұстап, ары тартады, бері тартады. Тағы да суырып шығара алмайды.

Немере қызы итін шақырады. Ит қыздың етег інен, немересі кемпірден, кемпір шалдан, шал шалқаннан ұстап, ары тартады, бері тартады. Шалқанды суыра алмайды. Енді ит көмекке мысықты шақырады. Мысық иттің құйрығынан, ит қыздың етегінен, немересі кемпірден, кемпір шалдан, шал шалқаннан ұстап, ары жұлқиды, бері жұлқиды. Шалқан шықпайды. Мысық болса, тышқанды шақырады. Тышқан келіп мысықтың құйрығынан, мысық иттен, ит немересінің етегінен, қыз кемпірден, кемпір шалдан, шал шалқаннан ұстайды. Олар тарта-тарта ақыры шалқанды суырып шығарады.