Шамалар және олардың қасиеттері, 2 сынып

Қысқа мерзімді жоспар

Пәні: Математика

Ортақ тақырып: Менің отбасым және достарым

Ұзақ мерзімді жоспар бөлімі: Шамалар және олардың өлшем бірліктері

Күні:

Сынып: 2 «В»

Мектеп: №49жалпы орта білім беретін мектеп

Мұғалімнің аты-жөні:Нукунова Гульнара Асенхановна

Қатысқандар саны:

Қатыспағандар саны:

Сабақ тақырыбы:

Шамалармен амалдар орындау

Оқу мақсаты

2.1.3.3.Шамалар мәндерін: ұзындық (см,дм,м), масса (кг,ц), көлем (сыйымдылық) (л), өлшем бірліктерін салыстыру, және амалдар орындау.

2.1.3.4.Ұзындық бірліктері (см,дм,м) мен масса бірліктерін (кг,ц) олардың арасындағы қатынас негізінде түрлендіру.

Сабақ мақсаттары

Барлық оқушылар: Шамалар мәндерін:ұзындық өлшем бірліктерінің (см,дм,м), салмақ өлшем бірліктерінің (кг,ц) қатынасын біледі, шамалардың мәндерін салыстырады.

Көптеген оқушылар: Шамалар мәндерін: түрлі атаулармен берілген см,дм,м, кг,ц,л шамалардың мәндерін түрлендіреді, салыстыруды түсіндіреді, олармен амалдар орындайды.

Кейбір оқушылар: Шамалар мәндерін: см,дм,м және кг,ц,л шамалардың мәндерін салыстырады және өмірмен байланыстырып, өздері мысал келтіріп, оларды кері амалмен тексеріп, дәлелдей алады.

Бағалау критерийлері

Шамалар мәндерін: ұзындық (см,дм,м), масса (кг,ц), көлем (сыйымдылық) (л) өлшем бірліктерін салыстырады және амалдар орындайды.

Ұзындық бірліктері (см,дм,м) мен масса бірліктерін (кг,ц) олардың арасындағы қатынас негізінде түрлендіреді.

Тілдік мақсаттар:

Оқушылар орындай алады: Түрлі атаулармен берілген см,дм,м және кг,ц шамаларының мәндерін қалай салыстыруды, олармен амалдар орындауды түсінеді.

Пәнге тән лексика мен терминология: Шамалардың мәндері, әр түрлі өлшем бірліктерін қосу, азайту.

Диалог пен жазу үшін пайдалы сөздер мен тіркестер:

Түрлі атаулармен берілген см,дм,м және кг,ц шамаларының мәндерін қалай салыстырамыз?

Шамалармен амалдарды қалай орындау керектігін білесің бе?

Егер орындалатын амалдар түрлі өлшем бірліктерімен берілетін болса, қалай орындаймын?

Шамалармен салыстыруды жазады.

Шамалармен орындалған амалдарды жазады.

Құндылықтарды дарыту

«Мәңгілік ел» жалпыұлттық идеясының құндылықтары негізінде мемлекеттік және қоғамдық өмірдің зайырлы сипаты экономикадағы өрлеудің, білім беру жүйесін дамытудың ең маңызды шарты екендігі туралы түсінік қалыптастыру.

Пән аралық байланыс

Дүниетану, көркем еңбек

АКТ қолдану дағдылары

You tube желісінен «Қызықты шамалар» видеосы

Бастапқы білім

Әр түрлі өлшеу құралдары шәкілдерін бір-бірінен ажыратады және шамалардың сәйкес мәндерін анықтай алады, ұзындық (см,дм,м), масса (кг,ц), көлем өлшем бірліктерін қолдана отырып, өлшей алады.

Сабақ барысы

Сабақтың

Жоспарлан-ған кезеңдері

Сабақтағы жоспарланған іс-әрекет

Ресурстар

Сабақтың басы

Ұйымдастыру кезеңі

Психологиялық дайындық

«Сипап сез» ойыны

Барлық оқушының көзін жұмғызып, қолдарына әр түрлі заттар беремін. Балалар сипап сезу арқылы қолдарындағы не зат екенін анықтайды. Қолындағы заттың атын атаған оқушылар көздерін ашады. Барлығы анықтап болған соң:

Қолыңдағы зат қандай? (үлкен, кіші, жасыл, ұзын, қысқа, ауыр, жеңіл, күшті, әдемі, т.б.)

Бұл зат (заттың атын атаймын) қай заттан ұзын?

Бұл зат қай заттан қысқа?

Бұл зат қай заттан ауыр?

Бұл зат қай заттан жеңіл?

Бұл зат қай заттан үлкен?

Бұл зат қай заттан кіші?

Топқа бөлу.

Ортадағы үстелдің үстіне суреттер қоямын. Әр оқушыға 1 суреттен таңдатамын.

Балалар, суреттен не көріп тұрсыңдар?

Әркім өз қолындағы суретіне сәйкес тобына отырсын.

1-топтың үстелінде метр, 2-топтың үстелінде, таразы, 3-топтың үстелінде сағат, 4-топтың үстелінде құмыра тұр.

Тапсырма №1 «Кішкентай зерттеуші» (Т)

1-топтың тапсырмасы:

Саусағыңның ұшынан екінші саусағыңның ұшына дейін өлшеп, дәптеріңе жаз. Алақаныңның ұзындығын өлшеп, дәптеріңе жаз.

2-топтың тапсырмасы:

Бүкіл топ мүшелерінің пеналдарын таразыға қойып өлшеп, дәптеріңе жаз. Топ мүшелерінің біреуінің сөмкесін таразыға өлшеп, дәптеріңе жаз.

3-топтың тапсырмасы:

Топ мүшелерінің ішінен ең ұзақ ұйықтайтын оқушының ұйықтау ұзақтығын жаз. Күнделікті мектепте неше сағат өткізетіндеріңді жаз.

4-топтың тапсырмасы:

Алдарыңда шелек және 1 литрлік құмыра тұр. Қалай ойлайсың? Мына шелекке неше литр су сыяды? Жауабын дәптеріңе жаз.

Дескриптор

Өлшеуіш құралдарды дұрыс пайдаланып, тиісті заттарды дұрыс өлшейді;

Екі шаманы дәптерлеріне тиянақты жазады;

ҚБ «Кім көп ақша ұтады?» (Т)

200 теңге – «Ойлан»

2000 теңге – «Талпын»

5000 теңге – «Жарайсың»

Тапсырма №2 «Қос, азайт, салыстыр!» (Т)

Балалар, дәптерлеріңе қараңдаршы, сендер неше шама жаздыңдар? (2)

Осы 2 шаманы салыстырыңдар.