Шапшаң ойлап, шапшаң жүр сайыс сабағы

Тұңғыш қазақ математика ғылымының профессоры – Әлімхан Ермековтың 132 жыл мерейтойына орай ұйымдастырылған іс- шара әзірлемесі

Сабақ тақырыбы:«Шапшаң ойлап, шапшаң жүр» эстафеталық сайыс меретойына орай өткізгелі отырған сайыс.

Өтетін орны. Егіндібұлақ ауылы. ДСО (денсаулықты сауықтыру орталығы)

Көрнекілігі: Сабақтың тақырыбы ілінген плакат, қима қағаздар, шеңбер, кітаптар. Сайысқа қатысушы 4 топ болады. 1- топтың құрамы: 4 баладан тұрады. Бір топта жас ерекшеліктерін ұстана отырып топ құрадық. 1 топ мүшесі: 6-7 жас, 2- топ мүшесі 8-9 жас, 3- топ мүшесі 10-11 жас және ең ересек топ мүшесі 12-13 жас болады. Сайысымыздың мақсаты:

Спорттық ойындарға бейімдеу. Барлық үйірмелердің жұмысын қамти отырып қызықты сайыс ұйымдастыру. Бұл сайыста шешендік өнер, менталды арифметика спорт үйірмесі және бастауыштағы баспалдақ, өлкетану, жас қаламгер, үйірмелерінің жұмыстары қамтылып отыр. Оқушыларды, денсаулықтарын жақсарту, қызығушылықтарын арттыру. Адамгершілік, күш, ерік-жігер қасиеттерін және психологиялық процестер мен адамдық қасиеттерді дамыту. Логикалық және креативті ойлау дағдыларын қалыптастыру. Дене шынықтыру жаттығулармен өз бетінше шұғылдануға, этикалық және эстетикалық тәрбие беру.

«Шапшаң ойлап, шапшаң жүр» эстафеталық жарысқа қош келдіңіздер!

Жарыс алдындағы дене қыздыру жаттығуы барлық команда флешмоб билейді.

Қатысушылардың ойын жинақтау мақсатында бірнеше нейрожаттығулар жасаймыз. Денсаулық-баға жетпейтін жалғыз ғана асыл дүние. Денсаулық адам өміріндегі ең жоғары бағалы дүние болғандықтан, әр адам баласы өз денсаулығына көңіл бөле қарау қажет. Сонымен қатар, біз психологиялық денсаулығымызды ойлап жан- жақты креативті және логиканы дамыту жаттығуларын үнемі жасауымыз керек. Бүгінгі өткізгелі отырған «Шапшаң ойлап, шапшаң жүр» сайысымызды бастауға рұқсат етіңіздер.Ал құрметті халайық,Жарысты енді көріңдер.Әділ қазы алқасы,Әділ баға беріңдер.

Жарысымызды бастамас бұрын әділ қазылар алқасымен таныс болайық.

Спорттық сайысымыз ең жоғарғы 5 ұпай, ең төменгі 2 ұпаймен бағаланады.

Таза ауа, спорт болсын дәріміз,

Еңбек етіп келгенінше әліміз.

«Алға» — деген бір – ақ мақсат ұстанып,

Сайысқа аттанайық бәріміз!

Олай болса ойын кезеңдеріімен таныстырып өтейік.

Ойын 5 кезеңнен тұрады:

І - Кезең. Ойыншылардың төсбелгісі мен ұраны және спорттық киімі бағаланады.

І- кезеңнің мақсаты: Тәртіпке, бірізділікке және топпен жұмыс жасауға баулу.

Жүргізуші: Ал, енді бірінші кезеңіміз аяқталды сол кезеңнің қорытындысын әділ- қазылар алқасынан сұрайық.

- топ_______________________________________________________

–топ_______________________________________________________

ІІ- кезең «Жарысайық бәріміз» бұл кезең топтың татулығын нығайту, спортқа деген сүйіспеншілігін және креативті ойлау қабілеттерін шыңдау мақсатында ұйымдастырылды.

ІІ- кезең. Ойын шарты: «Жарысайық бәріміз»

Төрт оқушы бір- бірінің белдерінен ұстап жылдам жүре отырып, кедерегілерден өтіп «Кескінді жалғастыр» ойынын саламыз /берілген суреттен немесе сызықтан қандай да бір зат немесе жан- жануарлар шығару./ кескіннен қандай бір сурет салғаннан кейін бірінің белінен бірі ұстап кері қайтады. («Кескінді жалғастыр» яғни «Друдлы» ойыны креативті ойлау қабілетін дамытады, қандай бір пішіннен сурет құрастырып шығаруға мүмкіндік береді./ )

Жүргізуші: Ал, енді бірінші кезеңіміз аяқталды сол кезеңнің қорытындысын әділ- қазылар алқасынан сұрайық.

- топ___________________________________________________

–топ_________________________________________________

Осы кезеңнің қорытындысын айтып болсақ, келесі кезеңмен таныстырып және түсіндіріп өтсем деймін. Кәне олай болса біздің спортшы және ақылды ойыншыларымыз мұқият тыңдап, түсініп алуларыңыз сұралады. Бұл кезең биылғы жылы Қазақстан Республикасының күнтізбесіндегі атаулы күндер болып саналатын ҚР ұлы тұлғаларына арналады. Біз спортпен ғана шұғылданып қоймай, ақылымызды да шыңдап отырайық деп шештік. Олай болса келесі кезеңнің шарты мен мақсатына тоқтала кетсем деймін.