Шартты және қарсылықты бағыныңқылы сабақтас сөйлемдер сабағы

Сабақ жоспары №52

Пәні: қазақ тілі

Сабақтың тақырыбы: Шартты бағыныңқылы сабақтас сөйлем.Қарсылықты бағыныңқылы сабақтас сөйлем.

Білімділік: студенттерге шартты бағыныңқылы сабақтас сөйлемнің жасалу жолдарын, қарсылықты бағыныңқылы сабақтас сөйлемнің жасалу жолдарын толық меңгерту,білім,білік,дағды қалыптастыру,тақырып бойынша алған білімдерін жүйелеп, бекіту

Дамытушылық: студенттердің ой-өрісін,таным деңгейін,сабаққа деген қызығушылығын дамыту

Тәрбиелік: студенттердің алған білімдерін тиянақтай отырып , тапқырлыққа , ізденіп шешім қабылдауға , ауызбіршілікке , ойын жинақтай білуге , біріне –бірі көмектесуге баулу, еңбексүйгіштікке тәрбиелеу

Сабақтың түрі: білімді бекіту

Сабақтың әдісі: Баяндау,ой қозғау,сұрақ-жауап,талдау

Сабақтың көрнекілігі:кеспе қағаздар,тірек сызбалар, дидактикалық материалдар

Сабақтың барысы:

1.Ұйымдастыру кезеңі: Сәлемдесу, студенттерді түгелдеу,журналмен жұмыс,студенттердің назарын сабаққа аудару, студенттерді екі топқа бөлемін. 1- топ «Салалас құрмалас сөйлем». 2- топ «Сабақтас құрмалас сөйлем». Және де әр студент сұраққа жауап беріп отырса, ол студентті өз деңгейіне қарап түрлі- түсті стикерлер тарқатып отырамын.Сабақтың соңында сол стикерлерден олар бір бейне жасайды. Сол бейнеге байланысты нақыл сөз, мақал- мәтел айтады.

1. ”Сәлем –сөздің анасы ” (Әр топ өз тақырыбы бойынша таныстырады)

2.”Білекті- бірді жығар,

Білімді-мыңды жығар” ( Сұрақ-жауап кезеңі)

3.”Ағаштың жемісі бұтақта болады,

Сөздің жемісі кітапта қалады.” ( Мәтінмен жұмыс)

4. ” Ойлауменен ой толады,

Ойнауменен бой толады.” ( Кеспе қағаздармен жұмыс)

5. ” Өнер-ағып тұрған бұлақ,

Білім-жанып тұрған шырақ” (сәйкестендіру тесті)

2- кезең. ”Білекті- бірді жығар,

Білімді-мыңды жығар” ( Сұрақ-жауап кезеңі)

Топ «Салалас » тобына

Салалас құрмалас сөйлемнің қанша түрі бар?

Мезгілдес салалас құрмалас сөйлем дегеніміз не?

Себептес салалас құрмалас сөйлем дегеніміз не?

Қарсылықты салалас құрмалас сөйлем дегеніміз не?

Шартты салалас құрмалас сөйлем дегеніміз не?

Салыстырмалы салалас құрмалас сөйлем дегеніміз не?

Талғаулы салалас құрмалас сөйлем дегеніміз не?

Кезектес салалас салалас құрмалас сөйлем дегеніміз не?

Түсіндірмелі салалас құрмалас сөйлем дегеніміз не?

Топ «Сабақтас» тобына

Сабақтас құрмалас сөйлемнің неше түрі бар?

Шартты бағыныңқылы сабақтас сөйлем дегеніміз не?

Қарсылықты бағыныңқылы сабақтас сөйлем дегеніміз не?

Мезгіл бағыныңқылы сабақтас сөйлем дегеніміз не?

Себеп бағыныңқылы сабақтас сөйлем дегеніміз не?

Амал бағыныңқылы сабақтас сөйлем дегеніміз не?

Мақсат бағыныңқылы сабақтас сөйлем дегеніміз не?

Түсіндірмелі бағыныңқылы сабақтас сөйлем дегеніміз не?

Салыстырмалы бағыныңқылы сабақтас сөйлем дегеніміз не№