Шет тілі пәніне арналған баяндама материалы

Ойын жағдайына әлеуметтік құзыреттілігін қалыптастырудың

тиімді жолдары

Ойын – оқытуда жаңа технологияның маңызды бөлігі болып табылады. «Ойын » ұғымына түсініктеме берсек – бұл адамның мінез-құлқын өзі басқарумен анықталатын қоғамдық тәжірибені қалыптастыруға арналған жағдаяттар негізінде іс-әрекеттің бір түрі. Ойын әрекеті мынадай қызметтерді атқарады:

Ойын – сауық

Коммуникативтік немесе қарым-қатынастық

Диагностикалық (ойын барысында өзін-өзі тану)

Коррекциялық (өзін-өзі түзету)

Әлеуметтендіру

Ойын арқылы ұйымдастырылған сабақ балаларға жеңіл әрі тартымды, әрі түсінікті болады. Ойын сабақтары оқушылардың өздігінен жұмыс істеуге, ойлау қабілетін дамытуға үйретеді. Ойын кезінде балалардың достық сезімін оятып, бір-біріне қамқорлығы, ұжымдық бірлігі нығаяды. Балаларды жақсылыққа, қайырымдылыққа, ізгілікке, әдептілікке тәрбиелеуге болады. Ойын түрлерін сабақта тиімді пайдалана білу мұғалімнің меңгертіп отырған білімін ықыласпен тыңдап, білімді берік меңгеруіне көмектеседі.

Отандық педагогика мен психологияда ойын іс-әрекетінің негізін К.Д.Ушинский,

П.П.Блонский, С.Л.Рубенштейн, Д.Б.Эльконин салды. Қазақстандық ғалымдар Н.К.Ахметов, Ж.С.Хайдаров еңбектері берік білім берудің, оқу белсенділігін арттырудың маңызды жолдарының бірі ойын элементтерін тиімді пайдалану екенін атап көрсетті. Шетелдің К.Гросс, Ф.Шиллер, Г.Спенсер, К.Бюлер, З.Фрейд, Ж.Пиаже және тағы басқа ойшылдары мен зерттеушілері де ойын теориясы туралы әртүрлі пікірлер білдірді. Қазақ халқының ұлттық ойындарының педагогикадағы ролі туралы алғашқы пікірлерін айтқан Ә.А.Диваев, М.О.Әуезов.

Ойынға қойылатын әдістемелік талаптар:

Ойынның мақсаты нақты және керекті көрнекіліктер мен материалдар күн ілгері дайындалып, оңтайлы жерге қою.

Ойынға кірісер алдында оның жүргізілу тәртібін оқушыларға әбден түсіндіру.

Ойынға сыныптағы оқушылардың түгел қатысуын қамтамасыз ету.

Ойын үстінде шешім қабылдай білуіне, ойлана білуіне жетелеу.

Ойын түрлерін бағдарламаға сай іріктеп алу.

Ойынды баланың жас ерекшелігіне қарай түрлендіріп пайдалану.

Қарапайым ойыннан қиын ойынға көшу.

Міндетті түрде ойынның қорытындысын жариялау қажет.

Оқу-тәрбие үдерісіне кіргізілетін ойындардың жалпы ерекшіліктері:

Ойын оқушылардың қызметіндегі психикалық үдерісті (сезіну, қабылдау, ойлау, елестету, ес, ықыласын, тілін) белсендіреді

Ойын ерікті түрде құрылады.

Ойын шығармашылық қабілетті дамыту үшін барынша мүмкіндік жасайды. 4. Ойын барысында оқушылар терең қанағатанарлық, қуаныш алады.

5. Ойын кез келген оқу материалын еліктіретіндей, қызықтыратындай жағдайға әкелуге көмектеседі

ОЙЫН АРҚЫЛЫ ОҚУШЫ НЕНІ МЕҢГЕРЕДІ:

Оқушылар нақты қызмет тәжірибесін меңгереді.

Оқушылар тек бақылаушы ғана емес, өздері қатыса отырып қиын мәселелерді өз бетінше шеше білуге үйретеді.

Оқу үдерісінде алған білімді нақты істе қолдана білуге мүмкіндік береді.

Оқушы әрекетіне негізделген оқу көлемін басқарады.

Уақытты үнемдеуге үйретеді.

Оқушылар үшін психологиялық жағымды.

Ойын барысында шешім қабылдау оқушылардан аса жауапкершілікті талап етеді.