Шуақты күн тақырыбындағы оқушылар жұмысы

Тақырыбы: Шуақты күн

1)Танысу. Балалармен байланыс орнату.

Қатысушылар бейджикке аттарын жазады. Жүргізуші өзін таныстырып, бүгінгі сабақта не өтілетіндігі туралы кіріспе сөз сөйлейді.

-Оқушылар, бүгін сіздің сыныптың ұжым ретінде қалай қалыптасқанын,әр баланың жеке тұлға ретінде сыныпта өзін қалай сезінетіндігін,топтық тапсырмалар кезіндегі ұжым мүшелерінің татулығын, ауызбіршілігін,жанашырлығын,бірі бәрі үшін, бәрі бірі үшін ұйымдаса білуін анықтау мақсатында бірнеше ойын тапсырмалар өткіземін.

2)Топпен жұмыс жасау ережесі.

Оқушылар өздерін жайлы да қауіпсіз сезіну үшін жүргізуші тренинг ережесімен таныстырады. Ереже алдын-ала ватманға жазылған болу керек және сынып сол ережені қабылдаған соң көрінетін жерде үнемі ілулі тұрғаны жөн. Апта бойы ереже сол жерде ілулі тұруы керек және әрбір сабақ алдында жүргізуші ережені еске салып отырады.

Е р е ж е:

•Бір-бірімізді тыңдай білу;

•Біреудің сөзін бөлмеу;

•Өзгенің пікірін сыйлау;

•Мендігін жеткізе білу;

•Жауаптар бағаланбайды;

•Белсенділік таныту;

•«Тоқта» дер кезінде аяқтау;

•Ойды ашық жеткізу;

Жүргізуші ережені түсіндіріп өтеді.

3) Сергіту.

«Орнымызды ауыстырайық».

Жаттығуды түсіндіру

Қатысушылар дөңгелене отырады. Жүргізуші ортаға шығып: .... «Орындарыңды ауыстырыңдар» дейді. Сөйлемнің алдына қандайда бір балалардың белгісі немесе қылығы айтылады. Осындай белгісі немесе қылығы бар балалардың міндеті дер кезінде орындарын ауыстырып үлгеру. Ал, жүргізушінің міндеті – бос орынға отырып үлгеру. Орынынан айырылып қалған бала келесі жүргізуші болады.

Жаттығудың психологиялық мәні.

Сергіту арқылы балалардың бірін-бірі жақсы тани білуіне жағдай жасау.