Адамгершілік асыл қасиет оқушылар жұмысы

Сабақтың тақырыбы

«Адамгершілік – асыл қасиет»

Білімділік. Адамгершілікке, кішіпейілділікке, жаман әдеттерден аулақ болуға үйрету

Дамытушылық. Адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту. Әдеп, әдептілік туралы түсініктерін кеңейту.

Сабақтың мақсаты

Тәрбиелік. Әдептілікке, сыпайылыққа тәрбиелеу.

Түсіндіру, сұрақ – жауап, ойландыру

Сабақтың әдісі

Кеспе қағаздар, слайд, сөзжұмбақ

Сабақтың көрнекілігі

Сабақтың барысы

І. Ұйымдастыру сәті. «Психологиялық дайындық»

Сыйлап сәлем беремін,

Көршілерді көргенде.

Ізетті деп білемін,

Үйге қонақ келгенде.

Әдепсіз деп сөкпесін,

Атама айтып өкпесін

Мұғалім: Қазақ халқы ертеден адамгершілікті, мейірімділікті, қайырымдылықты жоғары бағалай білген. Отбасында баланы кішіпейілділікке, ізеттілікке, мейірімділікке, инабаттылыққа тәрбиелеуді мақсат еткен. Адамның адамгершілік, саналылық дәрежесі оның тәртібі мен іс-әрекетін анықтайтыны әлдеқашан дәлелденген. Адамгершілікке тәрбиелеу баланың жеке басын қалыптастыру мен дамытудың аса маңызды бір саласы. Ұжымға, қоғамға, отанға, еңбекке, өз міндеттеріне және өз басына қатынасын қалыптастыруды көздейді. Адамның бойынан адамгершілік қасиеттер табылса, әрине сымбатты, парасатты көрінеді.

ІІ. Мәтінмен жұмыс. «Үш ана»

Үш ана басы қосылып әңгімелесіп тұрады.

1 – ана: «Менің балам өте ақылды, өнерлі, әнші,математикадан нашар болғанмен болашақта керемет бір танымал кісі болатынына сенімдімін, - баласын мақтап».

2 – ана: «Менің балам әдемі, таза киінгенді ұнатады. Ақшаның да есебін жақсы біледі. Шамасы балам болашақта үлкен бизнесмен болады – ау,- » деп мақтанады.

3 – ана үндемей тұрып қалады. Сол кезде үш ана қарияның жолдан өтуіне көмектесіп қолтығынан демеп, сөмкесін көтерісіп келе жатқан баланы көреді. Бұл үндемей қалған үшінші ананың баласы еді. Қария балаға алғысын жаудырып кете барды. Үш бала аналарына жақындады. Алғашқы екі ананың балалары аналарынан балмұздақ алуға ақша сұрай келді. Ал, үшінші бала анасына бүгінгі сабақтан «бестік» баға алғанын айта келді.

Сұрақ: Қай баладан болашақта не күтуге болады?

(Оқушыларды сөйлете отырып, сұраққа жауап алу.)Бұл қайырымдылық қасиет.

ІІІ. Ситуациялық тапсырма

Құрметті достар! Менің көршімнің бір баласы бар. Өзі өтірікші көзбе - көз өтірікті айта қояды. Маған күнде келіп ойнағысы келеді. Мен онымен дос болып бірге ойнайын ба?

Құрметті достар! Менің де бір досым. Өзі мақтаншақ. Ойнап жүргенде үй ішін айтып, нәрселерін айтып, бөсіп мақтанады. Мен онысын ұнатпаймын. Бірақ ойынды жақсы ойнайды. Мен осы баламен дос болайын ба, айтыңдаршы?

Құрметті достар! Партада менімен бірге бір бала отырады. Ойнап - ойнап тапсырмасын орындамай, жазбай келеді. Мұғалім сұрағанда қысылады. Сабақты менің дәптерімнен көшіріп алады.Мен бермесем, «Сен сараңсың»- дейді. Мен не істеуім керек?

Мұғалім: Адамгершілік дегеніміз не?

1-оқушы: Адамгершілік, мейірімділік дегеніміз ар, намыс, адалдық, достық , жақсылық жасау

2 – оқушы: Кейбір адамдар ауыр қылмыс жасап алады да кінә менде емес, заманда, бәріне кінәлі заман дейді. Заманына қарай адам болмай, адам қай кезде де адам деген атқа лайық болу керек.

3 – оқушы: Адамгершілік деген асыл сөз. Адамның игі іс – әрекеті, еңбек, татулық осының бәрі адамгершілікке жатады. Ар, ұят жоқ жерде қылмыс та, алдау, арбау да, тонау да болады.

1 – оқушы:

Кешірімді болу, сөйлесе білу, әділ болу, ізеттілік, рұқсат сұрау, кешікпеу, амандасу, өсек айтпау, уәдеде тұру, сабырлылық, қайырымдылық, т.б.

Мұғалім: Адамгершілік-тің негізгі қағидалары қандай?

4 – оқушы:

Қайырымдылық айналадағы адамдарға ізгілікті іс жасау. Қайырымдылық бар жерде қатыгездікке жол жоқ. Қайырымды бала ата – анасының мақтанышы.

2 – оқушы:

Амандасу – бейбіт пейілдің, достық ықыластың белгісі, мінез – құлықтың нормасы.

3 – оқушы:

Кешікпеу – бұл дағдыны адам өзіне бала жастан дарытқаны жөн. Кешігу – адамдарды сыйламау. Кешігу бұл мәдениетсіздік. Кешіккен жағдайда кешірім сұрау керек.

Сергіту сәті

«Күміс құман – ай»

IV. “Кім тапқыр?’’

Мақал – мәтел сайысы

Әдепті бала – арлы бала,

Әдепсіз бала – сорлы бала.

Ашу – дұшпан, ақыл – дос,

Ақылыңа ақыл қос.