Шығармашылық әлемі авторлық бағдарламасы, 7-сынып

7-сыныпқа арналған «Шығармашылық әлемі» таңдау курсының бағдарламасы

«Аманкелді атындағы орта мектебі»КММ

Қазақ тілі мен әдебиеті пәнінің мұғалімі

Куеубаева Саягуль Назарбековна

Түсінік хат

«Шығармашылық әлемі»курсының бағдарламасында оқушылар шығармашылық жұмыс түрлерімен (мәтін,мақала,эссе) толық танысып, білімдерін кеңейтеді.

Мақсаты: білім алушыларды шығармашылық ойлауға бағыттау, олардың өз ойларын ауызша ,жазбаша еркін жеткізуіне қолдау көрсету, дәлелдер келтіру, салыстыру және талдау, бағалау дағдыларын қалыптастыру.

Міндеттері:

-Әдеби шығармаларды талдап, салыстыра отырып, сыни шолу және сыни мақала жазу дағдыларын дамыту. өз ойын еркін, дәлелді, сараптай, салыстыра отырып жеткізе біледі

-көркемдегіш құралдарды пайдалана отырып, шығармашылық жұмыс жазу. –оқыған шығармаларының құндылығын талдап, әдеби эссе жазады;

- өз көзқарасын білдіре отырып мәтін жазады;

- тиісті стильді пайдалана отырып, алуан түрлі тақырып бойынша мәтін жазады;

- жоспар құрады; өзіндік стильде мәтін құрады;

- тыңдалым, оқылым және аудиовизуалды материалдар негізінде шығармашылық жұмыс жазады;

- әдеби эссе жазады;

- түрлі жанрда мәтін құрайды.

Нәтиже:шығармашылық жұмыстар арқылы мақала, мәтін, эссе жазуға үйренеді

Шығармашылық жұмыста қолданатын тақырыптар:

1.Табиғатты аяла

2.Бірінші байлық-денсаулық

3.Үш тіл білу-заман талабы

4.Адал дос деген кім?

5.Өнерімен ел тамсандырды

6.Музыка-жанды жібітеді

7. Әлеуметтік желі — қауіп пе, қажеттілік пе?

8.Қазіргі қоғамда қазақи салт-дәстүр сақтала ма?

9.Шаншатай бойындағы қасиеттер қазіргі балаларда кездесе ме?

10.Мен соғысты жек көремін.

11. Ата-ана алдындағы міндетіңді орындап жүрсің бе?

12.Тәуелсіз елдің азаматымын

Сабақтың тақырыбы

Сағат саны

Кіріспе

Шығармашылық жұмыстардың түрлері

Шығармашылық жұмыстардың түрлері .

Стиль

Стиль түрлері

Мәтін

Мәтін түрлері

Мәтін жазудың алғышарттары

Әртүрлі стильдегі мәтіндерді талдау

Суреттер бойынша мәтін құрап үйрену

Шығармашылық жұмыс

Мақала . Мақала жазудың ерекшеліктері

Газет, журналдағы мақалалармен жұмыс

Баспасөз бетіндегі мақалалармен жұмыс

Мақала жазуға үйрену жолдары

Шығармашылық жұмыс

Эссе

Эссе құрылымы

Эссе мен шығарманың айырмашылығы

Шығармашылық жұмыс

Эссе түрлері

Әдеби эссе

Әдеби эссенің ерекшелігі

Шығармашылық жұмыс

Қорытынды

Оқушылар, мұғалімдер үшін әдебиеттер:

1.7-сыныптың әдебиеті (оқулық)Атамұра-2017

2.Әлеуметтік желі

3.Әдебиет анықтамалығы

4.Баспа материалдары

«Аманкелді атындағы орта мектебі»КММ

10-сыныпқа арналған «Абайтану» қолданбалы курсының курсының бағдарламасы

1. Түсінік хат

1. «Абайтану» курсының бағдарламасы 2012 жылы 27 сәуірде бекітілген «Қазақстанның ішкі саясатындағы идеологиялық менеджментті қайта жаңғырту жөніндегі 2012-2013 жылдарға арналған Жалпыұлттық іс-шаралар жоспарының» 41 және 42- тармақтарына сәйкес әзірленді.

2. Ұлы Абайдың шығармашылық мұрасы – халқымыздың ғасырлар бойы маңызын жоймайтын рухани қазынасы. Абайдың сөзі – қазақтың бойтұмары, Абайды тану, бағалау, насихаттау, оқыту – қоғамдық ой-санада тың серпілістер туғызып, мақсаткерлікке жұмылдырады. Заман, уақыт талабына орай Абайды жаңа қырынан тану, ғылыми тұрғыдан тың байламдар жасалуы – заңдылық.

3. Бағдарламада:

Абай мұрасының XX ғасырдың 30-60 жылдарындағы зерттелу жайы қарастырылды;

ақынның өмір жолынан, туып-өскен ортасы мен әдеби мектебі, тәлім-тәрбиелік мәні зор қарасөздері, өлеңдері, аудармалары мен поэмалары, поэзияға қойған биік мақсаттары, қазіргі абайтанудағы өзекті мәселелер топтастырылып берілді;

Абай шығармашылығындағы тұлға болмысы, толық адам танымдарының идеялық-көркемдік ұстаным негізіндегі байламдарын байыпты бағдарлауға назар аударылды;

Абайдың талантты ақын шәкірттерінің шығармашылығына көңіл бөлінді;

4, Бағдарлама Абай Құнанбайұлының:

қазақ әдебиетінің көшбасшысы ретіндегі құбылыстық сипатын:

ақындық әлемін, өлең өнеріндегі қайталанбас өзгешелігі мен шеберлігін;

шығыс пен еуропа, орыс әдебиеті классиктерінің туындыларымен жете танысуын және оның шығармашылық, ақындық өнеріне игі ықпалын тигізіп, поэзия мен қарасөз жанрында теңдессіз дүниелер тудырғандығын;

Абайдың әдеби мұрасының аударма арқылы дүниежүзі халықтары әдебиетінің алтын қорына қосылған жәдігер туындылар екендігін;

Абай шығармашылығының ұлттық әдебиетіміздің өркендеуіне жасаған идеялық-көркемдік ықпалын;

Абайтану ілімін қалыптастырған М.Әуезовтің Абайдың ақындық дәстүрінің негізгі арналарын сараптап, Абайдың ақындық мектебін айқындап, оның ақындық айналасын ғылыми жүйелеп беруінің маңызы мен мәнін оқушының ғылыми негізде ұғынуына және тарихи, ғылыми құнды нәтижелерін терең танып, білуіне;

курстың соңына қарай: «Қалың елім, қазағым, қайран жұртым» деп өсиет қалдырған қайраткер, кемеңгер ойшыл Абай «Қазақтың бас ақыны» ретінде танылуына бағытталған.

5. Курсты оқытудың мақсаты:

1) ұлы ақын шығармаларын терең де, жан-жақты таныту арқылы елжанды, халқымыздың әдебиетін, өнерін, салт-дәстүрін, мәдениетін, тілін ұлттық құндылық ретінде бағалайтын, эстетикалық талғамы жоғары, білім, білік, дағдылармен қаруланған, түйген ойларын іс жүзінде…