Шын жүректен мың алғыс тәрбие сағаты 1 сынып

Бекітемін: ТЖО: Т. Ибраев

Күні: 28.02.2019 жыл

Тақырыбы: «Шын жүректен, мың алғыс!».

Мақсаты: «Алғыс айту», «сыйластық», «құрмет» адамгершілік құндылықтары туралы түсініктерін кеңейту. «Ғажайып алаң» ойынын ойнату.

Міндеттері: - үлкендер мен кішілер арасындағы сыйластықты түсіндіру; - сыйластықты қарым - қатынас жасау іскерліктерін дамыту, - үлкендерді сыйлауға, кішілерге қамқор болуға тәрбиелеу;

Көрнекі құралдар: Секторлық тақтайша, мақал- мәтелдер.

ҚР –ның мемлекеттік Гимні орындалады.

Тренинг: «Мен саған алғыс айтамын, өйткені...»

«Жақсылық жасау әр адамның қолынан келеді» видеоролик тамашалау.

Әңгімелесу

Алғыс дегенді қалай түсінесіңдер?

Адам өзінің ризашылығын, алғысын қандай сөздермен білдіреді?

Сендерге кім қандай жағдайда алғыс айтты?

Өздерің қандай жағдайда алғыс айтып көрдіңдер?

–Ризашылық-адамның басқа адамнан көрген жақсылығы, көмегі, көңілі үшін қанағаттанушылық және алғыс білдірушілік сезімі.

–Алғыс-адамның адамға жасаған жақсылығы, көмегі, көңілі үшін ризашылық білдіруі, сондай-ақ оның ойы мен іс-әрекетіне, жасаған істеріне жоғары баға беруі.

Балалар, жаңа бір - бірлеріңмен амандасқандарыңдай, бас иіп сәлемдесу, алғыс айту, тіпті бір ауыз сөз айтпай - ақ та жымиып бас ию - адамға деген құрметті, сыйластықты білдіреді. Сенің айналаңдағы адамдарға деген құрметің жымиып тұрып жылы жүзбен амандасудан басталады. Сый, құрмет үлкенге де, кішіге де көрсетіледі. Тіпті үлкендер өзінен жасы кішілердің әдептілігін, көргендігін, тәрбиесін сыйлап бірінші болып амандасуы да мүмкін. Ризашылықтарын білдіріп, алғыс айтады, баталарын береді. Ендеше бүгінгі тәрбие сағатымыз да осы сыйластық, алғыс айтуға байланысты «Шын жүректен мың алғыс» деп аталады.

«Жұмбақ тапсырма» оқушыларға арналған тапсырма.

Сыйлап үлкен ағаны,

Сәлем берген баланы

Кім дейміз? Жасырылған сөз (әдепті)

Әдепті екен бұл дейміз!

Кітап, дәптер, қаламы,

Кір шалмаған баланы

Кім дейміз?

Жасырылған сөз (Ұқыпты)

Ұқыпты екен бұл дейміз!

Таудай биік талабы,

Сабағы жақсы баланы

Кім дейміз?

Жасырылған сөз (үлгілі)

Үлгілі екен бұлдейміз.

Апаң сенің базардан

Алма сатып әкелді!

Ең үлкенін, жақсысын

Саған таңдап әкелді!

Не деп барып жеу керек? (рахмет)

Балалар жүр көшеде

Естіледі айғай-шу.

Сенде шықтың, көршіңді

Қағып кеттің байқамай.

Не деу керек? (кешіріңіз)

Осы келген бетіңде

Допты қудық, жарыстық.

Көшенің сол шетіңде,

Кезікті бір танысың.

Ұмыттың сен не деуді.(сәлеметсізбе?)