Ұстаздарға мың алғыс тәрбие сағаты 2 сыныпқа

Ұстаздарға мың алғыс.

(Музыкалық әуенмен оқушылар ортаға шығады.)

1-жүргізуші:

Армысыздар, ардақты ұстаздар ұжымы, білім шыңына талпынған оқушылар!

2-жүргізуші:

Бүгін бізде үлкен мереке. Бүгін ұстаздар қауымының төл мерекесі. Олай болса бүгінгі күн ұстаздарға арналмақ.Күн сәулесі өмірге қандай жарық берсе, ұстаз есімі де шәкірттерге күндей жарық береді.

1-жүргізуші:

Ұстаз, ұстаз!!!

Осы сөзде жатыр қанша ұлылық, Осы сөзде таусылмайтын жылылық. Әль-Фараби, Ыбырай мен Ақаңды Осы сөз ғой қойған бізге ұлы – қып. Ұстаз шебер қисықтарды жөндейтін, Тентектерді ақылменен емдейтін, Болса дағы малға кедей өмірде Бар байлығым шәкірттерім сен дейтін!

2-жүргізуші:

Сіздерді бүгінгі төл мерекелеріңізбен шын жүректен құттықтаймыз! Сіздердің дана көңілдеріңіз әр оқушының жан дүниесін нұрландырып, жүрегіне шапағат нұрын төгуде. Мерейлі мерекеде дендеріңізге саулық, отбасыларыңызға амандық, істеріңізге сәттілік тілейміз. Бүгінгі тойларыңызға тарту ретінде шәкірттеріңіздің сәлемін қабыл алыңыздар!

«Ұстазым» әні

1-оқушы:

Үйретіп алғаш бізге әліппені, Мұғалім ғылымға жол салып берді. Адамның ой-арманы, мақсаттары Оқудың сәулесімен жарық көрді.

Сабақ берген шын ынта пейілімен Баулыған ұрпақты бар зейінімен. Жасай берсін ұстазым, жасай берсін Даласындай қазақтың пейілі кең.

3-оқушы.

Нұр жүзінен жылы шуақ төгілген, Шәкірттерін сүйген таза көңілмен. Тағлым беріп жас ұрпаққа қашанда, Өз соқпағын тапған мынау өмірден.

4-оқушы:

Ізгілікті өз бойына жинаған Шәкірттерге өз жылуын силаған. Тәрбиелеп жаңа адамын Отанның, Ардақтысы болған елдің – мұғалім!

5-оқушы:

Биіктерге құлаш ұрса түлегі, Перзентім деп елжірейді жүрегі. Қай кәсіптің болсын мейлі иесі Тілектес боп, тілектес боп жүреді.

6-оқушы:

Шәкірттердің тыңдап жауап сұрағын, Жас санаға төгіп білім шуағын. Хат танытып, жол сілтеген өмірге, Барша жұртқа құрметтіжан мұғалім.

7-оқушы:

Ұстазыңды түсінгін сен тереңнен, Бар әлемге еңбегімен еленген. Сенің бағың өрге қарай өрлесе, Ол да бірге қуанышқа кенелген.

8-оқушы:

Ұстаз сөзін айтып жүрдік ән кылып, Одан басқа жүрген кім бар жанды ұғып. Ұстаз деген – ұлылардың ұлысы, Қасиетіне бас иейік мәңгілік.

«Алтын ұя мектебім» әні

1-жүргізуші: Балалар, мен сендерге жұмбақ жасырғым келіп тұр. Қане шешіп көріңдерші.