Сиқырлы кілемше ашық сабағы мектепке дейінгі балаларға

Білім беру саласы: Қатынас, Таным,

Тақырыбы: «Сыйқырлы кілемше»

Мақсаты: Балалардың көркем шығармалар туралы білімдерін бекіту, байланыстырып сөйлеуін жетілдіру, сөздік қорын дамыту. Ойын арқылы балалардың ойлау қабілетін және қызығушылықтарын арттыру. Адамгершілік, достық қасиеттеріне тәрбиелеу.

Балаларды шаттық шеңберге шақырады.Қуан шаттан алақай! Қуанатын күн келді! Қайырлы таң! Қайырлы күн! Күлімсіреп шықты күн!

Тәрбиеші: Балалар, кәне бәріміз кілем үстіне отырайық. Балалар бұл жай кілем емес, сиқырлы кілем, ұшатын ұшқыр кілем. Осы кілеммен ұшқыларың келе ме?

Тәрбиеші: Олай болса көзімізді жұмып, біріміздің қолымыздан, біріміз ұстап отырайық.

(Көңілді музыка ойналады, музыка тоқтаған кезде көздерін ашады)

Саламатсыңдар ма, балалар?

Балалар: Біз қайда келдік?

Ертекші: Сіздер ертегілер еліне қош келдіңіздер. Ертегілер еліне ертегіні көп білетін, ертегіні сүйіп тыңдайтын балалар ғана ұшып келеді. Мен сіздерді ертегілер еліне қабылдау үшін «Кім тапқыр?» ойынымды бастаймын.

Ең алдағыш адам. (Алдар көсе)

Бал сүйгіш маймақ. (Аю)

Алтын балықтың мекені. (Су)

Баласынан қораққан аң. (Қоян)

Жарайсыңдар, жас достар, «ертегі еліне» қабылдаймын. Енді, мен сендерді ертегі кейіпкерлеріне айналдырамын.

Қазір сіздердің тамашалайтын ертегілеріңіз «Түлкі, аю және қойшы»

Ертекші: Жарайсыңдар!

(Ұшуды жалғастырады)

Сергіту сәтін ұйымдастырады. Бәріміз бірге тұрамыз, үйімізді құрамыз.Көңілді күнге ұқсап біз, шеңбер етіп тұрамыз.

Тәрбиеші: Біздер қайда келдік?

Сіздер «Алтын қазына» еліне қош келдіңіздер. Мына сандықта ата – бабаларымыздан қалған алтын қазыналар сақтаулы, соны ашуға көмектесесіңдер ме?

Бала: Аузы құлып сандықты

Кілт ашпаса кім ашады – дегендей сандықты ашуға көмектесейік.

«Сипатынан таны» ойынын ойнайық.

Дөңгеленіп тұрайық, бір баланы ортаға шығарам, бетіне бетперде кигізем, бетперде туралы сипаттап айтасыңдар, сонда ол өзінің кім екенін табады.

(Ойын ойналып болғаннан кейін) жақсы ойнадыңдар, сандықтың аузы ашылмады.

Таптым, таптым сендерге жұмбақ жасырып көрейін, сол жұмбақтың шешуін тапсаңдар ашылуы мүмкін.

Балалар: Жұмбақты жасырыңыз шешіп көрейін.

Жұмбақ

Сөзі – дана, үні жоқ,

Сөйлемейді, - тілі жоқ.

Қолыңа алсаң шешен,

Ақылы асқан көсем.

(кітап)

Сандықтың аузы ашылады.

Ата – бабамыздың бізге қалдырған қазынасы екен, мәдениетті, ибалы, білімді болсын, Отанына адал қызмет қылсын – деген болар. Мен бұл кітапты сендерге сыйға тартамын. Сендерге сәттілік тілеймін, жолдарың болсын!

Тәрбиеші: Балалар ұшатын уақытымыз болып қалды, кәне кілемге отырып көзімізді жұмып ұшайық, бақшамызға да келіппіз.

Рефлексиялық түзетушілік:

Балалар біз кілемшемен қайда ұшып бардық?

Ол жақта кімдерді кездестірдік?

Сендерге ұнады ма кілемшемен ұшқан?

Балаларды мадақтау.

Тақырыбы:. «Рәміздерім елдігімнің белгісі»

Мақсаты: Балаларға Қазақстан Республикасының Мемлекеттік рәміздерімен таныстыру.Туды,Елтаңбаны және Гимнді бір-бірінен ажырата білуге үйрету.Балаларға рәміздерді құрметтеуге,қастерлеуге рәміздерді бәрінен биік ұстауға,рәміздердің әр элементтерін,бөлшектерін атауларын жатқа білуге тәрбиелеу.

Көрнекілігі: Қазақстан Республикасының Мемлекеттік рәміздері. (Ту,Елтаңба және Гимн)

Сабақтың байланысы: Тіл дамыту.

Сабақтың түрі: Тәрбие сағаты

Сабақтың әдіс-тәсілі: Әңгімелеу,өлең жолдарын қайталату,рәміздерді сурет бойынша таныстыру,сұрақ-жауап т.б.

Мотивациялық қозғаушылық:

Балалар біз қандай мемлекетте тұрамыз?

Әрина Қазақстан Республикасында тұрамыз?

Біздің ұлтымыз қандай? Қазақ.

Біз қай білде сөйлейміз? Әрине қазақ тілінде.

Ал,сендер біздің елді басқарып отырған Елбасымыздың есімін білесіңдер ме?Әрине Нұрсұлтан Әбішұлы Назарбаев.(Суреттен көрсету)

Сендер мына суреттерден не көріп тұрсыңдар?

Балалар кейбір жаңадан келген балалар танығанымен толық білмеулері мүмкін,мен сендерге таныстырып өтейін.

Мына бірінші суреттегі Қазақстан Республикасының Мемлекеттік Туы.

Балалар тудың түсі көк.Көк түс болудың себебі адам бойына адалдық пен тазалық пен үміт сияқты қасиеттеріне сәйкестенуі тегін емес,көк түс әрқашан бейбітшіліктің,тыныштық пен жарқын болашақтың белгісі.Яғни аспанымыз ашық болсын дегеннің белгісі екен.Тудың қақ ортасында күн мен қалықтаған қыран құсымыз және оң жағында оюдың суреті бар.Күннің болуы әрқашан күндей нұрымыз жарқын болсын деген ниетпен,дала бүркіті Қазақстандықтар ұғымында дархандық пен қырағылық,биіктік пен бейнеленген.Тудың оң жағында оюдың бейнеленуі біздің қазақ екенімізді білдіретін қазақтың ою-өрнегі бейнеленген.Ал түстерінің сары болуының себебі сары түс молшылықтың байлықтың белгісі.

Келесі суреттен біз Қазақстан Республикасының Мемлекеттік Елтаңбасы.

Қазақстан Республикасының Мемлекеттік Елтаңбасының ортасында елтаңбаныі негізі ретінде шаңырақ бейнеленген.Ол елтаңбаның жүрегі іспеттес.

Шаңырақ еліміздің біртұтастығын,мемлекеттік бастауы,отбасы ошағын бейнелейді.Екі жағындағы қанатты тұлпар мәңгілік өмір,болашаққа үміт артқан сендер сияқты балалардың арманы,самғау биігі.

Шекесіндегі бес жұлдыз мемлекетіміздің жарқын болашағына жол көрсетер жұлдызы.Елтаңбаның астында «Қазақстан» атты жазу біздің қазақ екенімізді білдіретін айырықша белгі екен.

Біздің рәміздеріміздің бірі Қазақстан Республикасының Менлекеттік Гимні.Балалар ҚРМ Гимнінің сөзін Елбасымыз Нұрсұлтан атамыз және Жұмекен атамыз жазған.Әні жазған Шәмші атамыз.

Балалар Мемлекеттік Гимнді қалай болса солай орындауға болмайды,оны барлығымыз орнымыздан тұрып,оң қолымызды жүрек кеудемізге қойып бойымызды тік ұстап орындау керек.

Қазақстан Республикасының

Мемлекеттік Гимні.

Сөзін жазғандар:Жұмекен Нәжімеденов,

Нұрсұлтан Назарбаев.

Әнін жазған: Шәмші Қалдаяқов.

1.Алтын күн аспаны,

Алтын дән даласы,

Ерліктің дастаны,

Еліме қараашы!

Ежелден ер деген,

Даңқымыз шықты ғой.

Намысын бермеген,

Қазағым мықты ғой!

Қайырмасы:

Менің елім, менің елім,

Гүлің болып егілемін,

Жырың болып төгілемін елім!

Туған жерім менің Қазақстаным!

2.Ұрпаққа жол ашқан,

Кең-байтақ жерім бар.

Бірлігі жарасқан,

Тауелсіз елім бар,

Қарсы алған уақытты,

Мәңгілік досындай.

Біздің ел бақытты,

Біздің ел осындай!

Айзере:

Бейнелеп сан ғасырды

Елтаңбасы елімнің,

Таратады хас үлгі

Киесіндей жерімнің.

Нұрислам:

Көк аспанда нұрлы Күн

Күлімдейді далама.

Бақыт тілеп тұр бүгін

Ол барлық пәк балаға.

Азамат:

Желбірейді шалықтап

Қазақстан жалауы.

Көкке қыран қалықтап,

Қанат қағып барады.

Рефлексиялық түзетушілік:

Балалар бүгінгі іс-әрекетімізде біз Қазақстан Республикасының Мемлекеттік рәміздері туралы ілім алдық.

Кәне маған кім рәміздерді атап береді?

Ту және Елтаңба жайында өлең жолдарын қайталату.

ҚР Мемлекеттік Гимнін орындаумен аяқталады.

Айлакер түлкі Қуыршақ театры

Білім беру саласы: « Қатынас »

Ұйымдастырылған оқу іс - әрекет: Көркем әдебиет

Тақырыбы: «Айлакер түлкі » ертегісі.

Мақсаты: Балаларға сахналау арқылы көрсетілген ертегіні тыңдай білуге, мазмұнын түсіне білуге баулу. Ертегі кейіпкерлерінің мінез – құлықтарын, іс - әрекетін талдай білуге үйретуді жалғастыру. Мейірімділікке, көмекке келу, игі қарым – қатынасқа тәрбиелеу.

Әдіс – тәсілдері: Сұрақ – жауап, қуыршақ театры арқылы.

Керекті құралдар: Қуыршақтар, жұмыртқа, шарлар, гүлдер, интерактивті тақта т.б

Әрекет кезеңдері

Тәрбиешінің іс - әрекеті

Балалардың іс - әрекеті

Мотивациялық қозғаушы

Шаттық шеңбері.

Жарқырайды аулымыз,

Жарқырайды даламыз.

Қайырлы таң, қонақтар!

Қайырлы таң достарым!

Жақсы балалар, қазір қай мезгіл?

Көктемнің қандай ерекшелігі бар?

Көктемде қандай мерекелерді тойлаймыз?

Иә, тіршіліктің бәрі оянып, жан – жануарлар төлдеп, құстар келіп, балапан шығарады екен. Сендер қандай құстарды білесіңдер?

Иә, тауық үй құсына жатады. Тауық не шығарады?

Балалар, сендер қандай ертегіні білесіңдер?

Мен сендерге жұмбақ жасырамын, сендер шешуін табасыңдар, жарай ма?

Жұмбақ:

Ақ тауық – ай, Ақ тауық,

Ақ тауық неден қақсауық.

Ертеменен қыт – қыттайды,

Ауламыздан шықпайды.

Бұрап қойған сағаттай,

Айғайлайды таң атпай.

Жұмбақтың жауабы - Әтеш.

Шаттық шеңбері.

Жарқырайды аулымыз,

Жарқырайды даламыз.

Қайырлы таң, қонақтар!

Қайырлы таң достарым!

Көктем мезгілі.

Күн жылынады, ағаштар бүршік жарады, құстар қайтып келеді.

Аналар мерекесін, Наурыз мерекесін тойлаймыз.

«Мақта қыз бен мысық», «Үш аю», «Бауырсақ», «Шалқан» т.б ертегілерді білеміз.

Иә, жарайды

Іздену ұйымдастырушы

Олай болса бүгінгі ертегіміз тауық пен түлкі туралы болмақ. Сіздерге мен бүгін «Айлакер түлкі» ертегісін қуыршақ театры арқылы баяндап беремін.

Содан кейін сендер өздерің көрсетесіздер, жарай ма? Мұқият тыңдайық.

«Айлакер түлкі» ертегісі.

Ертеде ауыл шетінде кемпір мен шалдың үйі болыпты. Сол үйдің ауласында әтеш пен тауық мекендепті. Олардың жұмыртқаларын, балапандарын бір қу түлкі алып кетіп, маза бермепті.

Тауық: (әуен ырғағымен ортаға шығады)

Ко- ко –ко, мына түлкі тағы да келіп, балапандарымызды алып кетіпті. Не істеймін?

Әтеш:

Не болды? Ку – ка - ре - ку!

Тауық:- Тағы да қу түлкі келіп ақ қанат балапандарымызды алып кетіпті, енді не істейміз?Әтеш: - Жүр онда, аюға барайық!

(Әуен ырғағымен аю шығады)

Аю: - Кім менің мазамды алған?

Тауық: Аю, бізге көмегің қажет, біздің балапандарымызды қу тұлкі ұрлап кете береді. Соның сазайын тартуға көмектесші?

Аю: -Олай болса, көмектесейін. Сауысқан! Шақыр ана түлкіні!

Сауысқан: - Құп, аю аға, қазір шақырайын.

Түлкі:(әуен ырғағымен) Иә, аю аға, неге шақырттың?

Аю: -сен мына тауықтың балапандарын неге ұрлай бересің?

Түлкі: -Аю аға, менің ойлағаным сенің қамың емес пе? Балапанның жүнінен саған жастық жасап әкелдім. Міне, ала қойыңыз.

Аю:- Жарайсың, түлкі, рахмет! Ал сендер енді арыз айтып келуші болмаңдар.

Түлкі: - Сендер ме, сендер

!Тауық: - Енді не істейміз?

Әтеш:- Жүр, онда қасқырға барайық!

(Әуен ырғағымен қасқыр шығады)

Қасқыр: - Кім мені мазалаған?

Тауық: - Қасқыр , бізге көмегің қажет, біздің балапандарымызды қу түлкі ұрлап кете береді. Бізге көмектесші?

Қасқыр: - Сауысқан, сауысқан, шақыр ана түлкіні!

Сауысқан: - Құп болады, қасқыр мырза.

Түлкі:- Не болды, Қасеке?

Қасқыр:- Сен тауықтарға маза бермей жүрген көрінесің ғой?

Түлкі: - Қасеке – ау, менің ойлағаным сенің қамың емес пе. Балапанның жүнінен саған жастық жасап әкелдім. Мінеки, алыңыз.

Қасқыр: - Жарайсың, түлкі.

Түлкі:- Сендерді ме, қап бәлем!

Тауық: - енді не істейміз, кімге барамыз?

Әтеш:- Жүр, онда төбетке барайық.

(Әуен ырғағымен төбет келе жатады)

Төбет:- Не шаруамен келдіңдер?

Тауық:- Түлкі біздің ақ қанат балапандарымызды алып кете береді, бізге көмектесші?

Төбет: -Сауысқан, сауысқан, шақыр қу түлкіні.

Сауысқан:- құп болады.

Түлкі:- шақырдың ба, төбетім?

Төбет: - Сен неге тауықтың балапандарын ұрлай бересің?

Түлкі: - Төбетім, менің ойлағаным сенің қамың емес пе. Балапанның жүнінен саған жастық тігіп әкелдім.

Төбет: - Мен саған көрсетемін! Енді балапандарды ұрласаң мен сенің сазайыңды беремін. (қуа жөнеледі)

Осылай тауық пен әтеш қу түлкіден құтылыпты.